RGYA GAR SKAD DU, N'A GA R'A DZA BHE R'I G'A TH'A, BOD SKAD DU, KLU'I RGYAL PO RNGA SGRA'I TSIGS SU BCAD PA, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO; ;DE BZHIN GSHEGS PAS RAB BSTAN PA, ,BYANG CHUB SEMS DPA' SKYES PA'I RABS, ,THAMS CAD LEGS PAR 'DUS NAS SU, ,SHIN TU DAD PA'I SEMS KYIS NYON,,
RDZOGS PA'I SANGS RGYAS LHA YI LHA, ,DE BZHIN GSHEGS PA BZHUGS PA NA, ,DGE SLONG RNAMS NI GCIG LA GCIG ,KHA STOBS LA SOGS RNAMS KYIS 'GYING, ,DGE SLONG TSIG NGAN 'DON PA DANG ,DRANG SRONG CHEN POS GSAN PA NA, ,DE PHYIR THUB PAS DGE 'DUN RNAMS, ,BSDUS NAS 'DI SKAD BKA' STZAL TE, ,KHYED CAG KHA STOBS LA SOGS PAS, ,GCIG LA GCIG NI 'TSE BYED PA, ,KHYIM NAS KHYIM MED RAB BYUNG DANG, ,DE DAG MTHUN PA MA YIN NO, ,RTAG TU YANG DAG DGA' BYED PA'I, ,CHOS DRUG GANG YIN LA 'JUG PA, ,'DI NI KHYIM NAS KHYIM MED PAR, ,RAB TU BYUNG BA RNAMS DANG MTHUN, ,SEMS CAN KUN LA SNYING BRTZE'I PHYIR, ,'TSE BA MED PAR NGAS BSGOMS NAS, ,JI LTAR BYANG CHUB DON GNYER BA, , DGE SLONG NGA LAS 'DI NYON CIG ,SHES RAB LDAN PA'I MI YI 'DI, ,THOS NAS SDIG PA RNAM SPONGS LA, ,GRUB DANG BDE BA THOB BYA'I PHYIR, ,DGE BA'I CHOS LA SPYAD PAR GYIS; ;SNGON GYI SPUN DRUNG GYUR PA YI, ,KLU YI RGYAL PO GNYIS BYUNG BA, ,GCIG GI MANG NI RNGA ZHES BYA, ,GNYIS PA NYE RNGA ZHES BYA'O, ,GNYIS KA SROG GCOD LAS LDOG CING,, TSUL KHRIMS LDAN ZHING DBANG CHEN GRAGS, ,KLU YI SKYE GNAS LA SMOD CING, ,MI YI SRID PA 'DOD PAR GYUR, ,TSUL LDAN MANG DU THOS PA YIS, ,DGE SBYONG BRAM ZE MTHONG
, ,BA DANG, ,MI YI TSUL DU BSGYUR NAS NI, ,BSNYEN BKUR DAG KYANG BYED PAR 'GYUR, ,ZLA BA PHYED DANG TSES BRGYAD DANG, ,BCU BZHI BCO LNGA GANG YIN PA, , DE LA YAN LAG BRGYAD PA YI, ,GSO SBYONG LA NI LEGS MNYAM 'JOG, DE GNYIS SNGON GYI GNAS SPANGS NAS, ,YUL GZHAN ZHIG TU PHYIN PA DANG, ,DE DANG NYE BA'I GNAS DE NA, ,RNGA SGRA ZHES BYA'I KLU GNAS SO, ,KLU YI SKYES MCHOG SPUN GNYIS PO, ,DE GNYIS 'OD BAR DES SHES NAS, ,KHENGS SHING KHROS PA'I YID KYIS SU, ,DU BA CAN GYI DBUGS 'BYIN CING, ,KHYED GNYIS CHOS SPYOD MA YIN TE, ,G-YON CAN TSUL NGAN 'CHOS PA'O ZHES, ,RNGA SGRAS TSIG NI RTZUB MO YIS, ,YANG DANG YANG DU SKROD PAR BYED, ,DMAN PAS BSKRAD PA THOS PA DANG, ,NYE RNGA RAB TU KHROS GYUR TE, ,DE TSE PHU BO RNGA LA NI, ,TSIG RNAMS KYIS NI GO BYAS PA, ,KYE RNGA MI YI 'JIG RTEN DAG 'DI NA, ,TSIG NGAN MNGON DU SMRA BAS GDUNG BYED CING, ,SBAL ZAN CHU YI 'GRAM NA SKYES PA YIS, ,MCHE BA GDUG PAS BDAG CAG SKROD PAR BYED, ,'DI NI CHU NANG DUD 'GRO RNAMS LA 'TSE, , THANG LA MI RNAMS LA YANG 'TSE BAR BYED, ,GTZO BO GAL TE BDAG LA BZOD MCHIS KYANG, ,TSIG NGAN SMRA LA YID NI BZOD MI NUS, ,DENG NI 'DI YI GRONG KHYER DANG, ,PHO BRANG
GNYEN 'DUN BCAS BRLAG STE, ,RNGA SGRA GTAN NAS BLANGS NAS SU, ,'DI NAS BDAG CAG 'DOD PAR BYA, ,KLU YI RGYAL PO STOBS PO CHE, ,DE YIS NU BO'I TSIG THOS NAS, ,YID LA BAB PAR BYED PA YI, ,TSIGS BCAD 'DI SKAD SMRAS TE BSGO, ,GANG GIS KHYIM DU NYIN ZHAG 'GA' GNAS SHING, ,BZA' DANG BTUNG BA LEGS PAR BLANGS GYUR PA, ,DE LA YID KYIS GNOD PAR MI BSAM STE, ,BYAS PA GZO BA SKYES BU DAM PAS BSNGAGS, ,LJON SHING GANG GI GRIB MA YIS, ,YUD TZAM ZHIG KYANG LEGS 'GEBS DE'I, ,LO MA'ANG BCAD PAR MI BYA NA, ,YAL GA LJON SHING SMOS CI DGOS, ,NAGS TSAL SHING NI BCAD DAM BSREGS KYANG RUNG, ,SLAR YANG SKYE 'GYUR 'DI LA THE TSOM MED, ,LAG PA RLON BCAD PHYIR YANG MI SKYE LTAR, ,GROGS LA 'KHU BAS YUN RING BDE MI THOB, ,SKYE BO NGAN PA YUN RING MCHOD BYAS SHING, ,BZA' BTUNG ZHIM PO MANG POS PHAN BTAGS KYANG, ,DES NI NGES PAR GROGS PO SPONG 'GYUR TE, ,GLANG CHEN GYIS NI KO'U SHI'I SPYIL BU BZHIN, ,JI LTAR CHU 'GRAM SHING NI 'GYEL 'GYUR LTAR, ,MI GANG BLO NI G-YO ZHING 'GYUR BYED PA, ,DE YI MDZA' BSHES BRTAN PAR MI 'GYUR TE, , SHING SHUN TSON GYIS RAS DKAR BTZOS PA BZHIN, ,GAL TE MKHAS PAS DGRA BO DAG ,MI DGA' BAR NI BYED 'DOD NA, ,SEMS LA SKYON NI MED BYAS DANG, ,DE NYID KYIS NI DER GNOD 'GYUR,
, ,RGYA MTSO DANG NI RI RAB DANG, ,SA RNAMS BDAG GI KHUR MIN GYI, ,BYAS PA MI GZO GANG YIN PA, ,DE NI BDAG GI KHUR CHEN YIN, ,MI GANG SEMS NI MI RGOD CING, ,BYAS PA GZO DANG BYAS PA TSOR, ,BYAS PA CHUD GZON MI BYED PA, ,DE DAG MKHAS PAS RAB TU BSNGAGS, ,CHOS BDE BYAMS PA BDE BA STE, ,'JUG DOGS BDE BA'I CHU KLUNG BZHIN, ,GROGS LA 'KHU BA MED PA DANG, ,NGA SNYEMS NGA RGYAL ZAD PA BDE, ,KHENGS DANG ZOL BYED NGA RGYAL CHE, ,SDIG PA'I GROGS PO BSTEN PA DANG, ,STOBS LDAN RNAMS LA RGOL BYED PA, ,DE DAG RNAMS KYI GRAGS PA 'JIG ,DE PHYIR KHENGS PAR MI BYA STE, ,KHRO BA RNAM PAR SPANG BAR BYA, ,KHENGS DANG KHRO BA 'ONGS 'GYUR NA, ,GRAGS PA MTHA' DAG 'JIG PAR 'GYUR, ,GANG ZHIG RGAN DANG BYIS PA NAD PA DANG, NYAM CHUNG THABS STOR DE BZHIN DMAN PA DANG, ,RGYAL POS SPANGS DANG SKYABS MED PA DAG LA,, SNYING BRTZE MED PA DE DAG MIR MI RUNG, ,RANG GI YUL 'KHOR GNAS SPANGS TE, ,GZHAN GYI LJONGS SU PHYIN PA NA, ,TSIG NGAN SO SOR ZLOG PA LA, ,BZOD PA CHEN PO BYA DGOS SO; ;RANG GI YUL NA BRNYAS BZHIN 'DUG PA BAS, ,MI RNAMS GZHAN GYI YUL NA GNAS KYANG RUNG, ,GANG NA MI RNAMS GZHAN GYIS MI BRNYAS TE, ,RANG GI YUL YIN DE DAG RANG
GI MI, ,MI MCHOG RNAMS NI BRNYAS THABS BYAS PA'I TSE, ,CHUNG MA SDUG DANG LONGS SPYOD RGYA CHEN GTONG, ,NGAN BA RNAMS NI DE NA'ANG YONGS SU 'KHYAM, ,BRNYAS THABS BYAS PA DE YANG CHU BZHIN 'THUNG, ,DAR BA RNYED PA DGA' BA STE, ,RGUD PA MED PA YIN PA'I PHYIR, ,SEMS CAN DAMS PAR GYUR PA'I TSE, ,KHA ROG 'DUG DANG BDE BA 'THOB, ,GAL TE NOR MED PHYOGS NYUNG NGAM, ,MDZA' BSHES PHYOGS KYI STOBS CHUNG NGAM, ,DGRA BO PHYOGS KYI STOBS LNGAN TSE, ,KHA ROG 'DUG DANG BDE BA 'THOB, ,MI RNAMS CHOS MIN BYED PA DANG, ,'DOD PA'I LONGS SPYOD MNGON DGA' ZHING, ,DAD TSUNG NGO TSA MED PA'I TSE, ,KHA ROG 'DUG DANG BDE BA 'THOB, ,MI RNAMS KHRO BAR BYED PA DANG, ,GNOD SEMS MANG POR GYUR PA DANG, ,GZHAN LA'ANG GDUG PA'I TSUL LDAN TSE, ,KHA ROG 'DUG DANG BDE BA 'THOB, ,MI RNAMS DAD PA MED PA DANG, ,KHVA BZHIN MU COR SMRA BA DANG, ,SGYU DANG G-YO DAG BYED PA'I TSE, ,KHA ROG 'DUG DANG BDE BA 'THOB, ,MI RNAMS TSUL KHRIMS 'CHAL BA DANG, ,GTUM ZHING GZU LUMS BYED PA DANG, ,BDEN PA'I CHOS DANG MI LDAN TSE, ,KHA ROG 'DUG DANG BDE BA 'THOB, ,MI RNAMS DANG TSUL NGAN PA DANG, ,LOG PA'I LTA BAS BCOM PA DANG, ,GTUM ZHING SDANG BAR GYUR PA'I TSE, ,KHA ROG 'DUG DANG BDEB 'THOB, ,NGO TSA MED CING BRDZUN DU SMRA, ,DON MED PHRA MA
, ,TSIG RTZU BA DANG, ,DBYEN DANG KHYAL PA SMRA BA'I TSE, ,KHA ROG 'DUG DANG BDE BA 'THOB, ,YA RABS TSUL MED SHIN TU KHENGS, ,NGA RGYAL GYIS NI 'GYING BA DANG, ,PHRAG DOG BRKAM DANG TSUL NYAMS TSE, ,KHA ROG 'DUG DANG BDE BA 'THOB, ,GANG TSE MI YI RUS RNAMS DANG, ,RIGS RNAMS SHES PA MA YIN PA'I, ,MI DANG LHAN CIG 'DUG PA NA, ,DE TSE NGA RGYAL BYAR MI RUNG, ,GZHAN GYI YUL NA 'DUG PA DANG, ,GZHAN GYI 'TSO BAS 'TSO BA'I TSE, ,YUL GYI PHYIR DANG BDE BA'I PHYIR, ,GZHAN GYIS BRNYAS PA DE BZOD BYA, ,GZHAN GYI YUL NA GNAS PA DANG, ,GZHAN GYI 'TSO BAS 'TSO BA'I TSE, ,SDANG BAS 'KHRUG PAR GYUR PA NA, ,GZHAN GYIS BRNYAS PA DE BZOD BYA, ,GZHAN GYI YUL NA 'DUG PA DANG, ,GZHAN GYI 'TSO BAS 'TSO BA'I TSE, ,DMAN PAS BSKRAD PAR GYUR KYANG RUNG, ,SHES RAB LDAN PAS DE BZOD BYA, ,KYE MA YUL LOG BDAG GNAS SHING, ,MDZA' BSHES NGAN DANG PHRAD PA NA, ,BYIS PA RNAMS DANG 'GROGS PA YI, ,GNAS SU MI NGAN RTEN BYED MED, ,SHES RAB LDAN PAS DE BSAMS NAS, ,MI SHES MI DANG 'GROGS BYED KYANG, ,MKHAS PAS NOR DANG LONGS SPYOD PHYIR, ,GZU LUMS KHO NAR KHRO MI BYA, ,JI LTAR THAL BAS BKAB PA'I ME, ,RTZVA DANG SHING GIS G-YOGS PA LA, ,RLUNG RNAMS KYIS NI
LEGS BUS NA, ,SHIN TU RAB TU 'BAR 'GYUR TE, ,RTZVA DANG SHING DE BSREGS NAS SU, ,CHEN POR MCHED CING 'BAR BA YIS, ,RTZVA DANG GEL BA MANG PO DAG ,LJON SHING CHEN PO SREG PA LTAR, ,DE BZHIN RNAM RTOG BUD SHING LAS, ,BYUNG BA'I KHRO BA ME 'DRA BAS, ,BDAG NYID DANG NI GZHAN DAG LA, ,PHUNG KHROL CHEN PO BYED PAR 'GYUR, ,DE PHYIR KHRO BA BYUNG BA NA, , ZHE SDANG GNYEN POR GYUR PA YI, ,BYAMS PA'I SEMS LA BSGOMS NAS SU, ,MKHAS PA RNAMS KYIS ZLOG PAR BYED, ,BSTOD PA BYAS NA MDZA' BYED LA, ,MA BSTOD MDZA' BAR MI BYED CING, ,MOD LA YONGS SU SPONG BYED PA, ,DE NI BYIS PA'I MTSAN NYID YIN, ,GAL TE 'DI NA BYIS PA DAG ,SGRO GSHOG BTOGS PA'I BYA LTA BUR, ,BLO SPANGS SHES RAB MA 'CHAL NA, , MKHAS PA JI LTAR 'TSO BAR 'GYUR, ,GANG PHYIR BYIS PA PHAL CHER NI, ,BLO GROS SPANGS SHING SHES 'CHAL BA, ,DE PHYIR MKHAS PA SHES RAB CAN, ,KHYAD PAR DU NI BDE BAR 'TSO, , MKHAS PA NOR RNYED DGA' BAR MI 'GYUR LA, ,PHONGS PAR GYUR KYANG MI 'KHRUL 'KHRUG PA MED, ,RJES SU BZUNG PHYIR PHAN PA DE SMRA NA, ,LEGS SMRA YIN ZHES GZHAN GYIS CIS MI RTOGS; ;MKHAS PA GZU LUMS MED PAR GYUR PA DE, ,DE NYID DPYAD PA LEGS PAR MNYAN NAS SU, ,DE LTAR RNAM PAR BSAMS NAS RANG DON DANG, ,GZHAN GYI DON DAG LEGS
, ,PAR SPYOD PAR BYED, ,MKHAS PA RNAMS NI 'TSO BA'I RGYU TZAM GYIS, ,SDIG PA'I LAS RNAMS KUN TU SPYOD MI 'GYUR, ,GAL TE BDE DANG SDUG BSNGAL LDAN GYUR KYANG, ,RTAG TU CHOS DON YONGS SU GTONG BA MED, ,BLO LDAN G-YO SGYU CAN DU MI 'GYUR TE, ,RMONGS PAR MI 'GYUR TSIG RTZU BA KHRO MI 'GYUR, ,PHONGS PA'I GNAS NA MYA NGAN MI BYED PA, ,GZHAN GYIS GNAS LA 'BEBS PAR BYED RE SKAN, ,HA CANG THAL DANG HA CANG ZHUM PA YI, ,DMAN PA'I MI RNAMS LA YANG MA YIN TE, ,BAR MA'I GNAS LA STON PAR BYED PA DAG ,DE NI MKHAS PA RNAMS KYI MTSAN NYID YIN, ,HA CANG THAL BA RTAG TU 'KHON, ,HA CANG ZHUM PA RTAG TU BRNYAS, ,DE PHYIR DE GNYIS SPANGS NAS SU, ,GO 'PHANG BAR MA BSTEN PAR BYA, ,RES 'GA' LKUGS PA'AM 'ON PA LTA BUR GYIS, ,DUS LA BAB NA SA BDAG BZHIN DU SMROS, ,RES 'GA' GANGS RI BZHIN DU BSIL BAR GYIS, ,DUS LA BAB NA ME LCE BZHIN DU SPOR, ,RES 'GA' RTZVA DANG 'DRA BAR ZHUM PAR BYA, ,DUS LA BAB NA RI RAB LTA BUR GYIS, ,RES 'GA' RGYAL PO LTA BUR 'GYUR BAR BYA, ,DUS LA BAB NA THUB 'DRA NAGS SU SONG, ,RES 'GA' BKRES DANG SKOM PA'ANG BZOD PAR BYA, ,DUS SU BDE DANG SDUG BSNGAL DANG DU BLANG, ,NOR PHYIR BRAN BZHIN BKOL BAR MI BYA STE, ,KHRO BA'I DBANG
DU GYUR PAR MI BYA'O, ,RES 'GA' DGA' BA'I GLU DANG SIL SNYAN GYIS, ,RTZE ZHING SHA DANG CHANG YANG SPYAD PAR BYA, ,RES 'GA' RI DRAGS LTA BUR 'JIGS BZHIN SONG, ,DUS SU GCAN ZAN BZHIN DU NYAMS RTZAL BSTAN, ,DANG POR DUS DANG DUS MIN DANG, ,BDAG NYID STOBS LDAN STOBS MED DANG, ,DAR DANG RGUD PA BRTAGS NAS SU, ,DE NAS DON RNAMS LEGS PAR BRTZAM, ,BZOD MED RNAMS LA BZOD PA DANG, ,BZOD LDAN RNAMS LA'ANG BZOD PAR GYIS, ,NYAM CHUNG RNAMS LA'ANG BZOD PA DANG, ,STOBS LDAN RNAMS LA RTAG BZOD GYIS, , 'KHON GYIS 'KHON ZHIR NAMS KYANG MI 'GYUR BAS, ,BZOD MED RNAMS LA'ANG BZOD PAR BYAS NA LEGS, ,KHROS PA RNAMS LA RTAG TU DAD PA DANG, ,GZHAN GYI SKYON RNAMS RTAG TU BCAB PAR GYIS, ,GTZO BO RNAMS KYI TSIG NI 'JIGS PHYIR DANG, ,'THAB ZLA'I TSIG DAG 'THAB GCUGS GYUR PHYIR BZOD, ,GANG ZHIG 'OG MA'I TSIG DAG BZOD BYED PA, ,DE NI BZOD PA'I MCHOG CES DAM PAS GSUNGS, ,GSHE DANG GYA TSOM SMRA BA DANG, ,TSIG NGAN SMRA BAR BYED PA LA, ,BLO GROS CHUNG DU MI BZOD DE, ,PADMA LA NI RDO CHAR BZHIN, ,GSHE DANG GYA TSOM SMRA BA DANG, ,TSIG NGAN SMRA BAR BYED PA LA, ,MKHAS PA SHIN TU BZOD BYED DE, ,GLANG CHEN ME TOG CHAR PA BZHIN, ,KHRO BA DANG NI RDZUN DAG DANG, ,TSIG NGAN SMRA BAR BYED PA LA, ,
, ,MKHAS PAS SHES RAB LDAN GYUR PA, ,GANG YIN DE NI THAMS CAD BZOD, ,RDO BA BSREGS KYANG 'JU MI 'GYUR, ,CHAR PA BAB KYANG 'JIG PA MED, ,DE BZHIN BDE DANG SDUG BSNGAL GYIS, ,MKHAS PA NYAMS PAR 'GYUR BA MED, ,GANG ZHIG BDEN PAS GSHE BYED PA, ,DE LA MKHAS PAS BZOD PAR BYED, ,BDEN PA MA YIN PA YANG BZOD,, DE LAS GZHAN PA BSTAN DU MED, ,'DI LTAR SKYES BU MKHAS PA NOR GYI PHYIR, ,SDUG BSNGAL BZOD BYA BZOD PAR 'GYUR BAR BYA, ,GAL TE MI BZOD MYA NGAN RNAM SPANGS TE, , GZHAN DU SONG NA STONG PHRAG RNYED DANG 'DRA, ,YAL GA SNYEGS LA 'JU BAR MI BYA ZHING, ,CHAGS BRAL SEMS LA CHAGS PAR MI BYA STE, ,BZANG ZHING SDUG PAS SA STENG GANG BAS NA, , 'JIG RTEN YANGS PA GZHAN DU 'GROR ZAD MOD, ,GANG NA BRNYAS BYED BKUR STI MI BYED DANG, ,SMOD PAR BYED CING BSTOD PAR MI BYED NA, ,MKHAS DANG BLUN 'GROGS CHED KA MI CHE BAS; ;RANG RGYAL BZHIN DU MI SMRA DE 'GRO RIGS, ,GANG NA SKYES BU 'THAB LA DGA' GYUR NAS, ,G-YO SGYU'I BSAM LDAN RTAG TU GLAGS KYANG BYED, ,KYAL PA DBYEN RDZUN TSIG RTZUB SMRA BYED PA, ,DE TSE MKHAS PA MYUR DU YUL GZHAN SONG, ,GANG NA MI RNAMS 'TSO BAR BYED GYUR NAS, ,PHAN TSUN GNOD LA 'BEBS PAR DGA' BA DANG, ,LUS DANG NGAG YID SNGOM
PA MED GYUR PA, ,DE TSE MKHAS PA MYUR DU YUL GZHAN SONG, ,GANG NA MI RNAMS PHRAG DOG BYED GYUR NAS, ,GZHAN GYI RNYED LA RTAG TU MI BZOD CING, ,SDANG BA'I BSAM PAS RNAM RMONGS TSUL 'CHOS PA, ,DE TSE BDAG 'DOD YUL GZHAN 'GRO BAR GYIS, ,GANG NA MI RNAMS SDIG BYED 'DOD GYUR NAS, ,BKUR STI 'DOD CING TSUL 'CHOS G-YO SGYU BYED, ,NANG YANG MA DAG PHYI YANG MA DAG PA, ,DE TSE BDAG 'DOD YUL GZHAN 'GRO BAR GYIS, ,GANG NA MI RNAMS ZHES MED GYUR NAS, ,YA RABS TSUL MED KHENGS SHING NGA RGYAL LDAN, ,BYIS PAS MKHAS PA RTAG TU BRNYAS BYED LA, ,DE TSE BDAG 'DOD YUL GZHAN 'GRO BAR GYIS, ,GANG DANG GANG DU BZA' BTUNG DANG, ,GANG DU GOS RNAMS RNYED PA DANG, ,GANG DU 'TSO BA DER SONG LA, ,CHAGS 'BYUNG GNAS SU MA 'DUG CIG ,LAN 'GA' RTZOD 'GYUR SRED PA GANG YIN SPONGS, ,RTAG KHENGS MCHOD MED NGA RGYAL GANG YIN SPONGS, ,'BRAS BU NGAN PA'I KHRO BA GANG YIN SPONGS, ,PHONGS DUS MI LTA'I GROGS PO GANG YIN SPONGS, ,ME YIS GANG BA'I LAM 'DRA'I MA RIG SPONGS, ,BYAS GZO MED PA'I GNYEN 'DRA'I 'DOD CHAGS SPONGS, ,MCHE BA MI BZAD KLU 'DRA'I CHAGS PA SPONGS, ,DGRA BO MTSON THOGS LTA BU'I SDUG BSNGAL SPONGS, ,KLU MO LTA BU MI BZOD CHUNG MA SPONGS, ,MGO LA ME 'BAR
, ,LTA BU'I BU RNAMS THONGS, ,'GO BA'I NAD BCAS LTA BU'I KHYIM RNAMS THONGS, ,BTUNG BA DUG CHEN LTA BU'I 'DOD PA THONGS, ,KHYIM GYI PHYIR NI GCIG BTANG STE, ,GRONG KHYER DON DU KHYIM BTANG NGO, ,LJONGS KYI PHYIR NI GRONG KHYER TE, ,BDAG GI DON DUS BTANG NGO, ,MI YI YAN LAG PHYIR NI NOR BTANG ZHING, ,SROG GI DON DU YAN LAG BTANG BAR BYA, ,NOR DANG YAN LAG RNAMS DANG DE BZHIN SROG ,THAMS CAD BTANG GI 'DIR NI CHOS SRUNG NGO, ,CHOS SPYOD PA LA 'JIGS SKRAG MED PA NYID, ,CHOS SPYOD PA DAG NGAN 'GROR MI 'GRO STE, ,CHOS SPYOD PA NI 'DOD PA'I 'GRO BAR 'GRO ,CHOS MI SPYOD PA SHI NAS GDUNG BAR 'GYUR, ,MKHAS PA NOR RNYED DGA' BAR MI 'GYUR LA, ,NOR ZAD NA YANG BLO GROS MI 'KHYAR BAR, ,'JIG RTEN DAG NA CI DGAR LEGS RGYU BA, ,SEMS CAN NANG NA MI YI SNYING POR CHUD, ,GANG ZHIG DGA' BAS GZHAN LA NOR SBYIN ZHING, ,NGA RGYAL 'TSE BA RNAM SPANGS BDEN LA GNAS, ,RGYA MTSO 'DRA BA'I SEMS LDAN DE DAG NI, ,DPA' BO RTUL PHOD YA RABS THABS LDAN YIN; ;GANG ZHIG DE DANG DE LA LEGS BSLABS PAS, ,DON RNAMS KUN LA MKHAS PAR GYUR PA DANG, ,DES LA 'GROGS NA BDE BA DE DAG NI, ,DAM PAS LEGS PA YIN ZHES
BSNGAGS PA MDZAD, ,NYE RNGAS SMRAS PA, ,RNGA KHYOD LA NI PHYI PHYIR ZHING, ,'DI LTAR BDAG NI RAB TU DAD, ,BDAG GI LUS 'DI SKAMS PA'AM, ,YANG NA SEMS NI MED KYANG SLA, , SDUG BSNGAL SHIN TU MI BZAD PAR, ,LHUNG YANG PHYIN CHAD SDIG MI BGYID, ,TSUL KHRIMS NYAMS PA GSON PA BAS, ,TSUL KHRIMS LDAN PA SHI YANG SLA, ,SKYE BA GCIG TU 'DI YI PHYIR, ,JI LTA BUR NI MI ZAD SPYAD, ,BCOM LDAN 'DAS KYIS BKA' STZAL PA, ,SNGON TSE GANG DU RAB GNAS SHING, ,DE DANG DER NI SKYES PA NA, ,MI DGE'I GROGS DANG 'GROGS PA YIS, ,NGA YI MI DGE LAS RNAMS BYAS, ,DGE BA'I BSHES DANG PHRAD PA NA, ,MI DGE'I LAS RNAMS SDANGS PA YIS, ,BDAG GIS MI DGE'I LAS RNAMS BSAL, ,BCOM LDAN DE BZHIN GSHEGS PA YIS, ,SNGON GYI GNAS RNAMS MNGON MKHYEN NAS, ,DE PHYIR DGE SLONG RNAMS LA NI, ,THUB PAS LUNG YANG BSTAN PAR MDZAD, ,SNGON TSE NGA NI RNGAR GYUR TE, ,KUN DGA' BO NI NYE RNGA YIN, ,LHA SBYIN RNGA SGAR GYUR TO ZHES, ,SKYES RABS DE LTAR GZUNG BAR GYIS, ,CHOS RNAMS SDUD PAR BYED PA YI, ,DON RGYAS MDO SDE 'DI THOS NAS; ;DGE SLONG THAMS CAD GUS BCAS PA, ,CHOS LA SPYAD PA NYID DU GYIS, ,KLU'I RGYAL PO RNGA SGRA'I TSIGS SU BCAD PA RDZOGS SO,,