, ,RGYA GAR SKAD DU, TZUNDA S'A DHA NAm, BOD SKAD DU, SKUL BYED MA'I SGRUB THABS, SKUL BYED MA LA PHYAG 'TSAL LO, ,DANG PO NI SNYING GA'I ZLA BA'I DBUS NA GNAS PA'I SA BON TZ'Um LAS RNAM PAR 'PHROS PA'I 'OD ZER SNA TSOGS PA LAS NGES PAR GRUB PA'I BLA MA DANG SANGS RGYAS DANG BYANG CHUB SEMS DPA' RNAMS MDUN DU BLTAS LA, MCHOD PA LA SOGS PA RNAMS BYA STE, AOm RDO RJE'I ME TOG H'Um BYA BA LA SOGS PA'I SNGAGS KYIS SO,,
DE NAS GSUM LA SKYABS SU 'GRO BA'I TSIGS SU BCAD PA BRJOD PAR BYA'O, ,DE'I RJES THOGS LA STONG PA NYID RNAM PAR BSGOM PAR BYA ZHING, AOm STONG PA NYID KYI YE SHES KYI RDO RJE'I RANG BZHIN GYI BDAG NYID NI NGA YIN NO, ,ZHES BRJOD PAR BYA BA'O, ,DE NAS TZUm LAS NGES PAR GRUB PA'I TZUNDA STE, STON KA'I ZLA BA'I 'OD ZER DANG MTSUNGS MA, PHYAG BZHI MA, RGYAN RNAMS THAMS CAD KYIS BRGYAN PA'O, ,G-YAS PAS NI MCHOG SBYIN PA, G-YON PAS NI PO TI DANG BCAS PA'I PADMA BSNAMS PA, PHYAG LHAG MA GNYIS KYIS NI LHUNG BZED BSNAMS PA'O, ,PADMA DANG ZLA BA LA SEMS DPA'I SKYIL MO KRUNG GIS BZHUGS PA BSGOMS LA, PHYI NAS NI PHYAG RGYA SNYING GA DANG, MGRIN PA DANG, SMIN MTSAMS DANG, SPYI BO RNAMS SU REG PAS SRUNG BA BYAS LA BZLAS PA BYA BA'O, ,AOm TZA LE TZU LE TZUN DE SV'A H'A, DE LA PHYAG RGYA NI 'DI YIN TE, LAG PA GNYIS KYIS SNYIM PA BYAS LA MDZUB MO GNYIS DANG GUNG MO GNYIS DBUS SU GZHONG BU'I RNAM PA LTA BUR BYAS PA LA GLOR MTHE BONG GNYIS KYIS SBYAR BAS GNAS PA'O, ,SKUL BYED MA'I SGRUB THABS RDZOGS SO,, ,,AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,