, ,RGYA GAR SKAD DU, BADZRA SHRim KHA LE S'A DHA NAm, BOD SKAD DU, RDO RJE LCAGS SGROG MA'I SGRUB THABS, SNGAR BSHAD PA'I CHO GA'I RIM PAS STONG PA NYID BSGOMS PA'I RJES THOGS LA, SNA TSOGS PADMA DANG NYI MA LA GNAS PA'I YI GE H'Um LJANG GU LAS BYUNG BA'I SKU MDOG LJANG GU ZHAL GSUM PHYAG BRGYAD MA STE, ZHAL DANG PO NI CUNG ZAD BZHAD PA'I MDANGS DANG LDAN PA'O, ,G-YAS PA NI SER BA STE SPYAN YANG SER BA'O, ,G-YON PA NI DMAR BA'O, ,KHRO GNYER DANG LDAN ZHING MCHE BA RNAM PAR GTZIGS PA'O, ,G-YAS PA'I PHYAG BZHIS NI MI 'JIGS PA DANG RDO RJE DANG RDO RJE'I LCAGS THAG DANG MDA' BSNAMS PA'O, ,G-YON PA'I PHYAG BZHIS NA KHRAG GIS BKANG BA'I THOD PA DANG, SDIGS MDZUB DANG, ZHAGS PA DANG, GZHU BSNAMS PA'O, ,ROL PAS BSKYOD PA'I GDAN LA BZHUGS PA, BYI LA'I PAGS PA'I STOD SHAG BSNAMS PA, DON YOD GRUB PAS DBU BRGYAN PAR GYUR PA, DBU SKRA KHAM SER GYEN DU 'PHUR PAR BSAMS LA, AOm BADZRA SHRim KHA LE H'Um PHAt SV'A H'A, ZHES BYA BA'I SNGAGS BZLAS PAR BYA BA'O, ,GDAMS DAG GI KHYAD PAR GZHAN GYI RDO RJE LCAGS SGROG MA'I SGRUB THABS SO,, ,,AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,