, ,RGYA GAR SKAD DU, M'A R'I TZYEE S'A DHA NAm, BOD SKAD DU, 'OD ZER CAN GYI SGRUB THABS, 'OD ZER CAN MA LA PHYAG 'TSAL LO, ,AOm A'A: HR'I SV'A H'A, ZHES BYA BA RNAMS BDAG NYID KYI MGO BO DANG DPRAL BA DANG, MGRIN PA DANG, SNYING GA DANG, BUS PO GNYIS PO RNAMS LA RNAM PAR BSGOMS LA, YI GE AOm LAS NGES PAR GRUB PA'I RDO RJE DBYINGS KYI DBANG PHYUG MA'I 'OD ZER CAN SKU MDOG DMAR MO STE, ZHAL DRUG MA PHYAG BCU GNYIS MA, GSUS PA 'JOL BA, DBU SKRA SER PO GYEN DU 'BAR BAR GYUR PA, THOD PA'I PHRENG BA 'PHYAD BA, SBRUL GYI SMAD KA DA LDAN PA, STAG GI PAGS PA'I SHAM THABS CAN, ZHABS GNYIS KYIS BGEGS KYI TSOGS DU MA KUN NAS MNAN PA, MCHOD RTEN GYI NANG NA NYI MA'I DKYIL 'KHOR LA G-YAS BSKUM PAS BZHUGS PA, RNAM PAR SNANG MDZAD DBU RGYAN DANG LDAN PA, PHAG SNA TSOGS KYIS 'DREN PA'I SHING RTA LA'O, ,DMAR MO DANG, NAG MO DANG, LJANG GU DANG SER MO DANG, DKAR MO NI DANG PO LA SOGS PA'I ZHAL LNGA PA'O,, ZHAL GCIG NI STENG NA STE PHAG GI ZHAL NAG MO, ,G-YAS KYI RNAMS NA NI RAL GRI DANG DBYUG TO DANG MDA' DANG LCAGS KYU DANG RDO RJE RTZE GCIG PA DANG MDUNG RNAMS SO, ,G-YON GYI RNAMS NA NI ZHAGS PHA DANG BCAS PA'I SDIGS MDZUB DANG THOD PA DANG, SHING MYA NGAN MED LO 'DAB DANG BCAS PA DANG,
TSANGS PA'I MGO BO DANG, GZHU DANG, MDUNG THUNG RTZE GSUM PA RNAMS BSNAMS PAR MDZAD DO, ,SPYAN GSUM MA LJAGS 'DRIL BAR MDZAD PA, ZHAL MCHE BA RNAM PAR GTZIGS PA, SHIN TU 'JIGS PA CHEN POR MDZAD PAR BSAM PAR BYA BA'O, ,SHING RTA'I NANG DU PHYAG GNYIS MA SDIGS MDZUB DANG SHING MYA NGAN MED LO 'DAB DANG LDAN PA PHYAG NA BSNAMS SHING SHING RTA BSKYOD PAR MDZAD PA, GDAN LA ZHABS G-YAS BSKUM PAS GNAS PA, 'JIGS SU RUNG BAR MDZAD PAR BSAM PAR BYA'O, ,SPRO BA LA SOGS PA SNGON DU 'GRO BAS MA RUNGS PA'I SEMS CAN RNAMS RENGS PAR GYIS SHIG RMONGS PAR GYIS SHIG CHOMS SHIG ,AOm RDO RJE DBYINGS KYI DBANG PHYUG MA, SEMS CAN MA RUNGS PA THAMS CAD HA NA HA NA DA HA DA HA PA TZA PA TZA AOm 'OD ZER CAN AOm H'Um PHAt SV'A H'A, ZHES BYA BA'I SNGAGS 'DI BZLAS PAR BYA BA'O, ,'OD ZER CAN GYI SGRUB THABS SO, ,AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,