, ,RGYA GAR SKAD DU, BADZRA S'A RA SVA TI S'A DHA NAm, BOD SKAD DU, RDO RJE DBYANGS CAN MA'I SGRUB THABS, SNGAR BSHAD PA'I CHO GA'I TSUL GYIS SNYING GAR PADMA DMAR PO DANG, ZLA BA LA YI GE NGO: DMAR PO'I SA BON YONGS SU GYUR PA LAS PADMA DMAR PO 'DAB MA BRGYAD PA RANG GI SA BON GYI SNYING POR GYUR PA'O, ,DE YONGS SU GYUR PA LAS BCOM LDAN 'DAS DBYANGS CAN MA STE, ZHAL GSUM PHYAG DRUG MA, SKU MDOG THAMS CAD DMAR BA, SPYAN GSUM MA SNGON PO DANG DKAR PO NI G-YAS PA DANG G-YON PA'I ZHAL LO, ,PADMA DANG RAL GRI DANG GRI GUG G-YAS PA'I PHYAG NA BSNAMS PA'O, ,THOD PA DANG RIN PO CHE DANG 'KHOR LO NI G-YON PA'I PHYAG NA BSNAMS PA'O, ,G-YAS BSKUM PAS GNAS PA, GZHON NU MA GSAR ZHING LANG TSO DANG LDAN PA RGYAN SNA TSOGS PA DANG LDAN PA, MTSAN MA DANG SA BON GYIS THUGS KA NAS BYIN GYIS BRLABS PA, GZHAN GYI DON MDZAD PA LA BRTZON PAR GYUR PAR BDAG NYID RNAM PAR BSGOM PAR BYA BA'O, ,AOm BI TZU PI TZU PRADZNY'A BARDHA NI DZVA LA DZVA LA ME DHA BARDHA NI DHI RI DHI RI BU DHI BARDHA NI SV'A H'A, ZHES BYA BA'I SNGAGS 'DI BZLAS PAR BYA BA'O, ,RDO RJE DBYANGS CAN MA'I SGRUB THABS SO, ,MA LA BA ZHES BYA BA DHA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,