, ,RGYA GAR SKAD DU, PRADZNY'A P'A RA MI T'A S'A DHA NAm, BOD SKAD DU, SHES RAB KYI PHA ROL TU PHYIN MA'I SGRUB THABS, SNGAR BSHAD PA'I CHO GAS RANG GI SNYING GAR PADMA DKAR PO 'DAB MA DANG LDAN PA'I ZLA BA'I DKYIL 'KHOR LA YI GE PRAm DKAR PO RNAM PAR BKOD DE, ,DE NYID LAS SNGAR BZHIN DU THAMS CAD TSUL BZHIN DU BYAS NAS YI GE PRAm DANG PADMA YONGS SU GYUR PA LAS BCOM LDAN 'DAS MA ZHAL GCIG PHYAG GNYIS MA SKU MDOG DKAR MO STE, LUNG DANG RTOGS PA'I BDAG NYID KYIS RIN PO CHE'I DBU RGYAN GYIS BRGYAD PA, SHES RAB KYI PHA ROL TU PHYIN PA'I PO TIS MTSAN PA'I PADMA CAN GNYIS G-YAS PA DANG G-YON PA'I ZUR GYI BAR SNANG LA LANGS LA LEGS PAR BSNAMS PA PHYAG GNYIS KYIS CHOS BSHAD PA'I PHYAG RGYA BCINGS SHING, PADMA DKAR PO DANG ZLA BA LA RDO RJE SKYIL MO KRUNG GIS BZHUGS PA, GZHON SHING LANG TSO LA BAB PA DREGS PA DANG LDAN PA, NA BZA' DANG RGYAN RNAMS PAR BKRA BA RNAMS KYIS BRGYAN PA, SO SONG SNANG BA TZAM DU RAB TU SPRO BAR BYED PA'I 'OD ZER GYI TSOGS RNAM PA SNA TSOGS KYIS NAM MKHA' KUN NAS 'GENGS PAR BYED PA MAR ME'I PHRENG BA DANG 'DRA BA THOGS PA MED PA'I SHES RAB KYI PHA ROL TU PHYIN MA DU MA SPRO BA DANG BSDU BA'I SBYOR BAS THAMS CAD RANG BZHIN GCIG TU LHAG PAR MOS PAS KYANG JI SRID DU SHES RAB KYI PHA ROL TU PHYIN MA MNGON SUM DU BYAS PA DE SRID DU BSGOM PAR BYA BA'O, ,DE NAS YANG GANG GI TSE RGOD PAR GYUR NA DE'I TSE SNA'I RTZE MO LA PADMA DKAR PO SRAN MA TZA NA KA'I TSAD TZAM BRIS PA DANG 'DRA BA RNAM PAR BSGOMS LA, DE LA GNAS PA'I SHES RAB KYI PHA ROL TU PHYIN MA SHIN TU PHRA MOR GYUR PA SNGAR BSHAD PA'I GZUGS RTZE GCIG GIS YID KYI DUS YONGS SU CHAD PA MED PAR YANG DANG YANG DU BSGOM PAR BYA BA'O, ,DE NAS BSKYED PA'I PHYOGS KYI SNGAGS NI AOm PRAm SV'A H'A, RDZOGS PA'I PHYOGS KYI SNGAGS NI YOD PA YIN TE, DON DAM PA'I RIM PA'I SHES RAB KYI PHA ROL TU PHYIN MA'I RNAL 'BYOR GYI GDAMS NGAG THOB PAR GYUR PA, DGE 'DUN GYI BU ZHES PA, RIGS MING YANG
STE BRTZON PA YIS, ,SGRUB THABS GSAL POR BRIS PA NI, ,SEMS CAN THAMS CAD DON PHYIR YIN, ,SHES RAB KYI PHA ROL TU PHYIN PA'I SGRUB THABS SO, ,AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,