, ,RGYA GAR SKAD DU, PRADZNY'A PA RA MI T'A S'A DHA NAm, BOD SKAD DU, SHES RAB KYI PHA ROL TU PHYIN MA'I SGRUB THABS, 'PHAGS MA SHES RAB KYI PHA ROL TU PHYIN PA LA PHYAG 'TSAL LO, ,DE NAS GANG ZHIG BSGOMS TZAM GYIS, RGOL BA THAMS CAD TSAR GCOD PAR, ,SHES RAB PHA ROL PHYIN 'BYUNG BA, ,DE PHYIR BDAG GIS RAB BSHAD BYA, ,ZHAL GCIG PHYAG NI GNYIS MA STE, ,KHA DOG DKAR MO YID 'ONG MA, ,DBU SKRA PHYED PHYED 'KHYIL BA DANG, ,PAD DKAR LA NI LEGS BZHUGS PA'ANG, ,RDO RJE SKYIL MO KRUNG GIS BZHUGS, ,PADMA G-YAS PA'I PHYAG NA DANG, ,SHES RAB PHA ROL PHYIN MA'I G-YON, ,KHA DOG DMAR MO RNAM PAR BSGOM, ,RGYAN RNAMS THAMS CAD YONGS RDZOGS NAS,, LTE BA'I DKYIL 'KHOR DU BSGOM BYA, ,AAm YIG YE SHES LAS LEGS BYANG, ,MCHOG TU MTHA' YAS DGA' BYED MA'O, ,DAM TSIG SEMS DPA' RDZOGS BYAS LA, ,YE SHES SEMS DPA' BSGOM PAR BYA, ,ZLA DRUG SBYOR BA GOMS PA YIS, ,SHES RAB PHA ROL PHYIN MAR 'GYUR, ,ZHAG BDUN NA NI RAB SBYOR BAS, ,BSTAN BCOS KUN LA 'JIGS MED 'GYUR, ,'BUM PHRAG BZLAS PA'I SBYOR BA YIS, ,NYIN RE TSIGS BCAD BRGYAD BRGYA BYED, ,RAB TU BRTZON PA DAG GIS KYANG, ,GZHUNG NI BRGYA YANG 'DZIN PAR BYED, ,'DI LA SNGAGS KYI TSIG TU GYUR PA RNAMS NI, AOm PI TZU PI CU PRA DZNY'A BARDHA NI DZVA LA ME DHA BARDHA NI DHI RI DHI RI BUDHI BARDHA NI SV'A H'A SNGAGS 'DIS MA STZAL BA'I SBRANG RTZI LA
, ,LAN BDUN MNGON PAR BSNGAGS NAS JI SRID ZLA BA DRUG GI BAR DU SBU GUS 'THUNGS PAS SHES RAB CHEN POR 'GYUR RO, ,AOm PI SV'A H'A SNGAGS 'DI LA YANG MI BSKYOD PAS RGYAS GDAB PAR BYA BA YIN NO, ,SHES RAB KYI PHA ROL TU PHYIN PA'I SGRUB THABS SO, ,PAndI TA CHEN PO MA LA BA ZHES BYA BA DHA BYANG CHUB SEMS DPA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,