, ,RGYA GAR SKAD DU, KU RU KULL'A SV'A DHA NAm, BOD SKAD DU, KU RU KULLE'I SGRUB THABS, AOm KU RU KULLE LA PHYAG 'TSAL LO, ,DANG PO BDE BA'I STAN LA NYE BAR GNAS LA, KU RU KULL'A'I GZUGS SU BYAS TE, SEMS CAN MA LUS DBANG DU BYAS PA BRTZAM PAR BYA BA'O, ,RANG GI SNYING GAR NYI MA'I DKYIL 'KHOR RO, ,DE'I STENG DU YI GE TA'm DMAR PO'O, ,DE LAS 'OD ZER LNGA KUN NAS SPROS LA DE BZHIN GSHEGS PA RNAMS LEGS PAR MCHOD CING, DKON MCHOG GSUM LA
, ,BDAG SKYABS MCHI, ,ZHES BYA BA LA SOGS PAS SDIG PA BSHAGS PA LA SOGS PA RNAMS KYANG BYAS LA, STONG PA NYID KYANG RNAM PAR BSGOMS SHING, PHYI NAS NI AUTPALA DMAR PO'O, ,DE'I STENG DU NYI MA'I DKYIL 'KHOR RO, ,DE'I STENG DU YI GE T'Am DMAR PO'O; ,DE DAG RNAMS THAMS CAD KYANG YONGS SU GYUR PA LAS NI RJE BTZUN MA KU RU KULLE SKU MDOG DMAR MO, PHYAG BZHI MA, G-YAS KYI PHYAG NA NI MDA' DANG MI 'JIGS PA'I PHYAG RGYA'O, ,G-YON GYIS NI GZHU DANG AUTPALA 'DZIN PA, RDO RJE SKYIL MO KRUNG GIS GNAS PA, STONG DU BSNAMS PA'I SHAG CHUNG DANG LDAN PAR BDAG NYID BSGOM PAR BYA BA'O, ,'OG TU NI 'DOD PA'I LHA BZA' SHUG BCAS PAR BSAM PAR BYA'O, PHYI NAS NI BSGOM PA DANG LDAN PAS GSANG SNGAGS BZLAS PAR BYA BA'O, ,AOm KU RU KULLE HR'I: SV'A H'A, KU RU LULLE'I SGRUB THABS SO, ,AA BHA YA LA TSUL KHRIMS RGYAL MTSAN GYIS BSGYUR BA'O,,