, ,RGYA GAR SKAD DU, S'I TA T'A RA S'A DHA NAm, BOD SKAD DU, SGROL MA DKAR MO'I SGRUB THABS, SNGAR BZHIN DU STONG PA NYID LA SOGS PA'I RJES THOGS LA, SUm GYI YI GE YONGS SU GYUR PA LAS, RIN PO CHE SNA TSOGS PA'I RANG BZHIN GYI RI RAB LHUN PO, ,DE'I STENG DU YI GE POm LAS PADMA DKAR PO, DE'I STENG DU YI GE AA LAS ZLA BA'I DKYIL 'KHOR RO, ,DE'I DBUS SU YI GE H'Um DKAR PO YONGS SU RDZOGS PA LAS, BCOM LDAN 'DAS MA SGROL MA DKAR MO STE, SPYAN GSUM MA, PHYAG BZHI MA, DE BZHIN GSHEGS PA LNGA DBU RGYAN LA BZHUGS PA, SNA TSOGS PA'I RGYAN MNGA' BA, PHYAG GNYIS KYIS AUTPALA'I PHYAG RGYA MDZAD PA, PHYAG G-YAS PA NA YID BZHIN GYI NOR BU RIN PO CHE LEGS PAR BSNAMS NAS MCHOG SBYIN PAR MDZAD PAS
, ,NI SEMS CAN THAMS CAD KYI BSAM PA YONGS SU RDZOGS PAR MDZAD DO, ,G-YON PA NA AUTPALA'I STONG PO RNAM PAR 'TSER BA BSNAMS PAR BSGOM PAR BYA BA'O, ,DE'I G-YAS KYI ZUR DU 'OD ZER CAN SER MO ZLA BA'I GDAN LA GNAS PA, NA BZA' SNGO BA PHYAG GNYIS KYI G-YON PAS SHING MYA NGAN MED DMAR PO'I YAL GA BSNAMS PA, G-YAS PAS RNGA YAB DKAR PO BSNAMS PA, STOD SHAD DMAR PO DANG RGYAN DANG LDAN PA'O, ,G-YON GYI ZUR NA RMA BYA CHEN MO PRI YANG KLU'I MDOG LTAR SNGON MO PHYAG GNYIS MA G-YON PAS RMA BYA'I MJUG SGRO 'DZIN PA G-YAS PAS RNGA YAB 'DZIN PA'O, ,DE LTAR RNAM PAR BSAMS LA, AOm BCOM LDAN 'DAS MA SGROL MA BDAG GI SNYING LA LEGS PAR ZHUGS SV'A H'A ZHES BYA BA 'DIS BDAG NYID BYIN GYIS BRLAB PAR BYA'O, ,DE NAS SNGAGS BZLAS PAR BYA STE, AOm SGROL MA LA PHYAG 'TSAL LO,, YID 'PHROG MA H'Um H'A RA SV'A H'A, SGROL MA DKAR MO'I SGRUB THABS SO, ,AA BHA YA LAS DGE SLONG TSUL KHRIMS RGYAL MTSAN GYIS BSGYUR BA'O,,