, ,RGYA GAR SKAD DU, A'ARYA T'A RA S'A DHA NAm, BOD SKAD DU, 'PHAGS MA SGROL MA'I SGRUB THABS, SNGAR BSHAD PA'I CHO GAS STONG PA NYID BSGOMS PA'I RJES LA, YI GE A'A: DMAR PO LAS BYUNG BA'I PADMA DMAR PO'I STENG DU YI GE T'Am DKAR PO LAS SKYES PA'I PADMA'I SNOD DU NYI MA LA GNAS PA'I YI GE H'Um MTHING NAG LAS BYUNG BA'I GRI GUG SA BON DANG BCAS PA YONGS SU GYUR PA LAS
RJE BTZUN MA 'PHAGS MA SGROL MA NAG MO STE ZHAL GCIG MA SPYAN GSUM MNGA' BA, PHYAG BZHI MA, GSUS PA 'PHYANG BA ZHAL MCHE BA GTZIGS PA, G-YAS BSKUMS PA'I ZHABS KYIS RO MNAN PA, KLU BRGYAD KYIS BRGYAN PA, STAG GI PAGS PA'I SHAM THABS CAN, MGO BO'I PHRENG BA 'PHYANG BAR GYUR PA, PHYAG RGYA LNGAS RNAM PAR BRGYAN PA, PHYAG G-YAS PA DAG GIS RAL GRI DANG GRI GUG BSNAMS PA, PHYAG G-YON PA DAG GIS AUTPALA DANG THOD PA BSNAMS PA, MI BSKYOD PA'I DBU GNON DANG LDAN ZHING RAL PA SER PO DANG LDAN PA, SHIN TU SKRAG PAR BYED PA'I GAD MO CHER SGROGS PA, 'JIGS SU RUNG BA'I GZUGS SU RDZOGS PAR BYAS LA, HRIm HRIm H'Um PHAt CES BYA BA'I SNGAGS 'DI DUG DANG, SHES RAB KYI DBANG DU BYAS LA BZLAS PAR BYA BA'O, ,RAL GRI'I GNAS SU SGREN PO YIS, ,MI RUS PHREG BA BSGOM BYAS LA, ,SPRO DANG BSDU BA'I SBYOR BA YIS, , BLA MED GSANG SNGAGS BZLAS PAR BYA, ,ZHES BYA BA'O, ,RGYA NAG CHEN PO'I LUGS KYI 'PHAGS MA SGROL MA'I SGRUB THABS SO, ,MKHAS PA AA BHA YA LAS DGE SLONG TSUL KHRIMS RGYAL MTSAN GYIS BSGYUR BA'O,,