, ,RGYA GAR SKAD DU, T'A RA S'A DHA NAm, BOD SKAD DU, SGROL MA'I SGRUB THABS, SGROL MA LA PHYAG 'TSAL LO, ,DANG PO SNYING GA'I ZLA BA'I DKYIL NA GNAS PA'I T'Am GI SA BON LAS RNAM PAR 'PHRO BA'I 'OD ZER LAS GRUB PA'I BLA MA DANG SANGS RGYAS DANG BYANG CHUB SEMS DPA' RNAMS BSGOM PAR BYA ZHING, DE DAG PHYI DANG NANG GI BDAG NYID KYI MCHOD PAS KYANG LEGS PAR MCHOD CING DE DAG GI SPYAN SNGAR BLA NA MED PA'I MCHOD PA RNAM PA BDUN YANG BYA BA'O, ,DE NAS STONG PA NYID RNAM PAR BSGOMS LA, AOm CHOS THAMS CAD RANG BZHIN GYIS DAG PAS RANG BZHIN GYIS DAG PA YIN NO ZHES BRJOD PAR BYA'O, ,DE NAS ZLA BA DANG T'Om LAS YANG DAG PAR BYUNG BA'I AUTPALA DKAR PO LA GNAS PA'I YI GE T'Om LAS NGES PAR SGROL MA SNGON PO STE, PHYAG GNYIS KYI G-YAS PAS MCHOG SBYIN PA G-YON PAS RTZA BA DANG BCAS PA'I AUTPALA'I MCHOG SBYIN BSNAMS PA, RGYAN THAMS CAD KYIS BRGYAN PA ZLA BA'I GDAN LA SKYIL MO KRUNG GIS BZHUGS PAR BSAM PAR BYA BA'O, ,DAM TSIG GI PHYAG RGYA BCINGS PA NI THAL MO SBYAR LA MDZUB MO GNYIS KYIS GUNG MO GNYIS RGYA BA NAS BKAB CING MTHE BONG DAG PADMA 'BYAR BA LTAR NANG DU BRKYANG BA NI AUTPALA KHA BYE BA'I PHYAG RGYA'O, ,DE NAS AOm T'A RE TUTT'A RE TU RE SV'A H'A, ZHES BYA BA'I SNGAGS 'DI BZLAS PAR BYA BA'O, ,SGROL MA CHEN MO ZHES BYA BA'I SGROL MA'I SGRUB THABS RDZOGS SO,, ,,AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,