, ,RGYA GAR SKAD DU, MANYDZU SHR'I YA PRADZNY'A CA KRA, BOD SKAD DU, 'JAM DPAL GYI SHES RAB KYI 'KHOR LO,
BLA MA'I ZHABS LA RTAG BTUD CING, ,DE BZHIN RDO RJE SLOB DPON LA'ANG, ,DANG POR PHYAG 'TSAL 'JAM PA'I DPAL, ,GANG GIS GRUB PA BDAG GIS BRI, ,SEMS DPA'I SKYIL MO KRUNG GIS GNAS, ,SNYING GA'I ZLA BA LA YI GE A'I DANG AA: DAG GIS BRGYAN CING DUD DANG KUNDHA LTAR MCHOG TU 'BAR ZHING 'OD ZER SNA TSOGS PA RNAMS KYIS KUN DU GANG BA'I SA BON NO, ,DES BSGRUBS PA'I RDZOGS PA'I SANGS RGYAS DANG BLA MA DANG SANGS RGYAS DANG BYANG CHUB SEMS DPA' RDZU 'PHRUL CHEN PO DANG LDAN PA DE DAG RNAMS BLTAS PA LA SNGAGS 'DI DAG GIS MCHOD PAR BYA BA'O, ,AOm RDO RJE'I ME TOG H'Um, AOm RDO RJE'I BDUG PA H'Um, AOm RDO RJE'I MAR ME H'Um, AOm RDO RJE'I DRI CHAB H'Um, AOm RDO RJE'I LHA BSHOS H'Um, DE NAS NI, BDAG NI DKON MCHOG GSUM LA SKYABS SU MCHI, ,SDIG PA THAMS CAD BDAG GIS SO SOR BSHAGS, ,'GRO BA'I BSOD NAMS LA NI RJES YI RANG, ,SANGS RGYAS BYANG CHUB YID KYIS GZUNG BAR BGYI, , SANGS RGYAS CHOS DANG TSOGS KYI MCHOG RNAMS LA, ,BDAG NI BYANG CHUB BAR DU SKYABS SU MCHI, ,BDAG DANG GZHAN DON RAB TU BSGRUB BYA'I PHYIR, ,BYANG CHUB SEMS 'DI BDAG GIS BSKYED PAR BGYI, ,BYANG CHUB MCHOG GI SEMS NI BDAG GIS BSKYED BGYI ZHING, ,BDAG GIS SEMS CAN THAMS CAD MGRON DU GNYER BAR BGYI, ,YID 'ONG BYANG CHUB MCHOG GI SPYOD PA SPYAD PAR BGYI, ,'GRO LA PHAN PHYIR SANGS RGYAS NYID NI 'GRUB PAR SHOG ,CES PA'I SMON LAM SNGON DU 'GRO BAS CHOS THAMS CAD BDAG MED PAR BSGOM PAR BYA BA LA SNGAGS NI 'DI YIN TE, AOm STONG PA NYID KYI YE SHES KYI RDO RJE'I RANG BZHIN GYI BDAG NYID NI NGA YIN NO, ,KHAMS GSUM MA LUS PA RNAMS SGYU MA DANG MTSUNGS PA'I SA BON GYI RNAM PAR BSAM PAR BYA BA'O, ,MTHONG DANG RIG PA NYID DAG DANG, ,GANG PHYIR SGYU BZHIN THAMS CAD NAS, ,DMIGS SU YOD PA NYID KYANG MIN, ,'JIG RTEN THAMS CAD DE LTAR GNAS; ,'DIR MOS PA BSKYED PAR BYA BA'O, ,DE NAS THOG MA MED PA'I DUS NAS YANG DAG PA MA YIN PA'I RTOG PA'I SA BON SBYANGS LA RANG BZHIN GYIS DAG PA YIN NO ZHES KYANG MOS PAR BYA BA YANG AOm RANG BZHIN GYIS DAG PAS CHOS THAMS CAD KYANG RANG BZHIN GYIS DAG PA NI BDAG YIN NO ZHES BYA BAS
, ,SO; ,DE NAS SNGAR BSHAD PA'I SA BON GYUR PA LAS RAL GRI'O, ,DE'I CHANG ZUNGS KYI LTE BA'I DBUS SU ZLA BA'I DKYIL 'KHOR RO, ,DE'I STENG DU SNGAR BSHAD PA'I SA BON NO, ,DE DAG THAMS CAD GZHAN DU GYUR PAS BDAG NYID 'JAM DPAL GYI SKU DANG, NGA KHO NA 'JIG RTEN THAMS CAD KYI MNGA' BDAG YIN NO ZHES BYA BA YANG DAG PAR BSAM PAR BYA STE, PADMA DANG ZLA BA'I GDAN LA SEMS DPA'I SKYIL MO KRUNG GIS BZHUGS PA DANG, ZLA BA LTA BU 'OD ZER DU MA SPRO BA DANG BSDU BAS NAM MKHA'I DKYIL KHYAB PAR MDZAD PA DANG, RNAM PAR MDZES PA'I NA BZA' BSNAMS PA DANG, SKYE DGU RNAMS DGA' BAR MDZAD PA DANG, SKU MDOG DKAR PO YID DU 'ONG BA DANG, ZUR PHUD LNGA DANG LDAN PA'I DPA' BO CHEN PO DANG, RGYAN RNAMS THAMS CAD KYIS BRGYAN PA DANG, PHYAG G-YAS PAS RAL GRI GDENGS PAR MDZAD CING PHYAG G-YON PAS THUGS KA NA PO TI BSNAMS PA'O, ,DE NAS PHYAG RGYA BCING BAR BYA STE, LAG PA GNYIS KYIS THAL MO KHA SBYAR BAR BYAS LA, MDZUB MO GNYIS DANG SRIN LAG GNYIS KYI RTZE MO RTZE BKAB PA NI AUTPALA'I KHA BYE BAS LEGS PAR GNAS PA STE, RANG GI SNGAGS KYI SNYING GA DANG, MGRIN PA DANG, SMIN MTSAMS DANG, SPYI BO RNAMS SU DGOD PAR BYA BA'O, ,PHYI NAS NI LTE BA'I 'OG TU YI GE BHR'Um LAS KHA DOG DKAR PO SHING MYA NGAN MED KYI 'DAB MA DANG CHA 'DRA BA'I ZLA BA'I DKYIL 'KHOR BSAM PAR BYA BA'O, ,DE'I STENG DU BRGYAD PA'I BZHI PA LA DANG PO'I BCU DRUG PA DANG BDUN PA'I GNYIS PA DANG DANG PO'I BZHI PAS BRGYAN PA'O, ,DE DAG YONGS SU RDZOGS PA LAS YI GE H'Um GYIS KHA BYE BAR BYAS PA'I PADMA DRI MA MED PA LTE BA'I STENG DU BSAM PAR BYA BA'O, ,DE'I STENG DU ZLA BA'I DKYIL 'KHOR RO, ,DE'I STENG DU SOR GYI BAR TZAM BKAG PA NA 'KHOR LO RTZIBS DRUG PA GZI BRJID DANG LDAN PA'O, ,DE'I RTZIBS RNAMS LA NI DBYANGS YIG BCU GNYIS PO RNAMS YI GE ZUNG RE RE DGOD DO, ,RTZIBS SO SO'I STENG DU NI RTZA BA'I SNGAGS RNAMS KYI YI GE RE RE RNAM PAR DGOD PAR BYA BA'O, ,'KHOR LO'I NANG GI LTE BA LA NI YI GE DH'I: 'OD KYIS GANG BA DANG LDAN ZHING, G-YO BA MED PA BSGOM PAR BYA BA'O, ,PHYI ROL DU MU KHYUD LA NI NGA NYA nA NA MA'I YI GE RNAMS
DANG BRAL BA'I KA'I SDE TSAN MCHOG TU 'BAR BA DANG LDAN PA RNAMS BSAM PAR BYA BA'O, ,GZHAN YANG STENG DU SOR GYI BAR TZAM YANGS PAR ZLA BA'I DKYIL 'KHOR RO, ,DE'I STENG DU YI GE AA RA PA TZA NA'O, ,'DI DAG BLTAS LA 'KHOR LO SHIN TU MYUR BAR BYA BA 'KHOR BA DANG LDAN PAR BSGOM PAR BYA ZHING, JI SRID DU ZLA BA DRUG GI BAR DU BZLAS PAR BYA BA'I SNGAGS KYANG 'DI DAG YIN TE, AOm BADZRA T'IKshnA HAm NYI MA RE RE ZHING KHRI PHRAG RE BZLAS PAR BYA BA'O, ,DE DAG GIS BLUN PO YANG DAG GI BDAG POR 'GYUR RO, ,BLO RNO BA DANG GZHUNG STONG PHRAG RE 'DZIN PAR BYED DO, ,RGYUN MI 'CHAD PAR SAm SKRi TA SMRA BA PO, DANG SNYAN DANG GAS PA CHEN PO NYID DANG BSTAN BCOS THAMS CAD KYI PHA ROL TU PHYIN PAR 'GYUR RO, ,GRUB PA THOB NAS NI RAL GRI'I RIG PA 'DZIN PA'I MNGA' BDAG TU 'GYUR TE, RIG PA 'DZIN PA RNAMS DANG LHAN CIG TU RTZE DGA' BAR BYED DO, ,SHES RAB 'KHOR LO MCHOG GYUR 'DI, ,BRIS LAS BSOD NAMS GANG BYUNG BA, ,DES NI 'JIG RTEN MA LUS 'DI, ,'JAM DPAL GO 'PHANG THOB PAR SHOG ,'JAM DPAL GYI SHES RAB 'KHOR LO RDZOGS SO,, ,,MKHAS PA AA BHA YA LAS DGE SLONG TSUL KHRIMS RGYAL MTSAN GYIS BSGYUR BA'O,,