, ,RGYA GAR SKAD DU, SIDDHEE AE KA B'I RA S'A DHA NAm, BOD SKAD DU, DPA' BO GCIG TU GRUB PA'I SGRUB THABS, SNGAR BSHAD PA'I CHO GAS STONG PA NYID BSGOMS PA'I RJES LA, PADMA DKAR PO'I STENG DU YI GE A'A: DKAR PO LAS BYUNG BA'I ZLA BA LA YI GE DH'I: DKAR PO YONGS SU GYUR PA LAS RJE BTZUN 'JAM DPAL DPA' BO GCIG TU GRUB PA ZHES BYA BA, SKU MDOG THAMS CAD DKAR BA ZHAL GCIG PHYAG GNYIS PA, G-YAS PAS MCHOG SBYIN PA, G-YON PAS AUTPALA SNGON PO BSNAMS PA, LHA RDZAS KYI RGYAN DANG LDAN ZHING MDZES PA, RNAM PAR BKRA PA'I NA BZA' BSNAMS NAS SKYIL KRUNG GIS BZHUGS PAR BDAG NYID SKAD CIG GIS RDZOGS PAR BYAS LA, MGO BO DANG MGRIN PA DANG, SNYING GA RNAMS SU YI GE AOm A'A: H'Um RNAMS DGOD PAR BYA'O, ,A'A:'I YI GE DANG H'Um GI GNYIS KYI BAR DU YANG YI GE DH'I:'I 'OD ZER GYIS 'JIG RTEN GYI DON BYED PAR GYUR PAS GSANG SNGAGS BZLAS PAR BYA STE, AOm RDO RJE RNON POS SDUG BSNGAL GCOD, ,SHES RAB YE SHES DAG GI SKU, ,YE SHES SKU STE GSUNG DBANG PHYUG ,AA RA PA TZA NA DBANG 'DUD, ,DPA' BO GCIG TU GRUB PA'I SGRUB THABS SO, , MKHAS PA AA BHA YA LAS TSUL KHRIMS RGYAL MTSAN GYIS BSGYUR BA'O,,