, ,RGYA GAR SKAD DU, W'I G'I SHVA RA S'A DHA NAm, BOD SKAD DU, NGAG GI DBANG PHYUG GI SGRUB THABS, ,DE KHO NA BZHIN DU STONG PA NYID DU LA SOGS PA BSGOMS PA'I RJES LA SNA TSOGS PADMA'I STENG DU ZLA BA LA YI GE AA DKAR PO LAS BYUNG PA'I DPAL CHOS KYI DBYINGS KYI NGAG GI DBANG PHYUG STE, SKU THAMS CAD DKAR BA ZHAL BZHI PA, PHYAG BRGYAD PA, SANGS RGYAS LNGA DANG RIN PO CHE'I DBU RGYAN DANG LDAN PA, LHA RDZAS KYI RGYAN DANG NA BZA' MNGA' BA, SGEG PA LA SOGS PA'I NYAMS DANG LDAN PA'O, ,PHYAG GNYIS CHOS BSHAD KYI PHYAG RGYAS MTSON PA RAL GRI DANG MDA' DANG RDO RJE NI G-YAS PA'I PHYAG GSUM NA'O, ,SHES RAB KYI PHA ROL TU PHYIN PA'I PO TI DANG, GZHU DANG RDO RJE DRIL BU NI G-YON PA'I PHYAG GSUM NA STE, RDO RJE SKYIL MO KRUNG DU BDAG NYID RDZOGS PAR BYAS LA, SNYING GAR ZLA BA LA H'Um MTHING NAG LAS BYUNG BA'I SA BON DANG BCAS PA'I RDO RJE NI PHYAG RGYA CHEN PO'I RANG BZHIN NO, ,SMIN MTSAMS SU YI GE TAm SER PO LAS SA BON DANG BCAS PA'I RIN PO CHE STE CHOS KYI PHYAG RGYA'I RANG BZHIN NO, ,MGRIN PAR YI GE HR'I: DMAR PO LAS BYUNG BA'I SA BON DANG BCAS PA'I PADMA NI DAM TSIG GI PHYAG RGYA'I RANG BZHIN NO, ,SPYI BOR YI GE A'A: LJANG GU LAS BYUNG PA'I SA BON DANG BCAS PA'I SNA TSOGS RDO RJE NI LAS KYI PHYAG RGYA'I RANG BZHIN NO, ,PHYAG RGYA BZHI DANG LDAN PA 'DIR BDAG NYID RNAM PAR BSGOMS LA, AOm H'Um HR'I: BHA GA B'A NA DZNY'A NA M'A RTTI B'A G'I SHVA RA MA H'A W'A TZA SARBA DHA RM'A GA GA N'A MA LA SU BA RI SHUDDHA DHA RMA DH'A TU DZNY'A NA GRGHA AA: BYA BA'I SNGAGS 'DIS BYIN GYIS BRLAB PAR BYA'O, ,DE NAS RDO RJE BCINGS LA GUNG MO GNYIS KYI TSIGS GSUM PA BCAG PAS RAL GRI'I RNAM PAR LTA BUR GZUNG PAR BYA ZHING MDZUB MO GNYIS BSLANG STE, MTHE BONG GNYIS KYIS STONG PA BKAG LA GZUNG BAR BYA BA 'DI NI DAM TSIG GI PHYAG RGYA'O, ,DE NAS RANG GI LCE LA ZLA BA LA GNAS PA'I YI GE HR'I: DMAR PO SA BON GYIS BYIN GYIS BRLABS PA BSGOMS LA KHRO BO'I TSIG GIS SNGAGS BZLAS PAR BYA BA'O, ,DE LA BZLAS PA'I SNGAGS NI 'DI YIN TE, AOm BADZR'A
TI KshnA DU: KHATZTSED PRA DZNY'A NA MU RTA YE, DZNY'A NA K'A YA B'A G'I SHVA RA AA RA PA TZA NA MA: GRANGS BRGYA RTZA BRGYAD DU MTSAN BRJOD PAS KYANG MTSAN YANG DAG PAR BRJOD PA DUS JI LTA PAR BKLAG PAR BYA BA YIN NO, ,CHOS KYI DBYINGS KYI DAG GI DBANG PHYUG GI SGRUB THABS AA BHA YA LAS TSUL KHRIMS RGYAL MTSAN GYIS BSGYUR PA'O,,