, ,RGYA GAR SKAD DU, W'A G'I R'A tA S'A DHA NAm, BOD SKAD DU, GSUNG GI MNGA' BDAG GI SGRUB THABS, SNGAGS PAS RE ZHIG THOG MA NYID DU SA GZHI'I CHA DRI ZHIM POS NYE BAR BYUGS PA DANG, ME TOG SNA TSOGS KYIS KYANG LEGS PAR BKANG LA, DE'I DBUS SU STAN BDE BA LA LEGS PAR GNAS TE, GSUM LA SKYABS SU 'GRO BA'I TSIGS SU BCAD PA BRJOD PAR BYA'O, ,DE'I PHYI NAS NI RANG GI SNYING GAR YI GE AA BLTA BAR BYA'O, ,DE YONGS SU GYUR PA LAS ZLA BA'I DKYIL 'KHOR RO, ,DE'I DBUS SU YI GE MU: RNAM PAR BSAM PAR BYA'O, ,YI GE MU: DE LAS BYUNG BA'I KHA DOG LNGA DANG LDAN PA'I 'OD ZER GYI TSOGS RNAMS RANG GI BA SPU'I BUG RNAMS NAS SPRO BAR BYA STE, 'OD ZER DE DAG RNAMS KYIS KYANG 'JAM PA'I DBYANGS KYI SKUS NAM MKHA' GANG PAR BLTA BAR BYA'O, ,DE NAS DE DAG RNAMS ME TOG LA SOGS PAS MCHOD PAR BYA BA'O, ,DE NAS DE'I RJES LA SDIG PA BSHAGS PA DANG BSOD NAMS LA RJES SU YI RANG BA DANG, SMON LAM LA SOGS PA RNAMS BYA BA'O, ,DE NAS TSANGS PA'I GNAS BZHI BSGOM PAR BYA BA'O, ,PHYIS DE DAG RNAMS THAMS CAD KYANG STONG PA NYID DU BSGOMS TE, AOm STONG PA NYID KYI YE SHES KYI RDO RJE'I RANG BZHIN GYI BDAG NYID NI NGA YIN NO ZHES SNGAGS BRJOD PAR BYA'O, ,DE NAS YANG RANG GI SNYING GAR YI GE AA BLTA BAR BYA'O, ,DE YONGS SU SMIN PAS ZLA BA'I DKYIL 'KHOR RO, ,DE'I DBUS NA YI GE MU:'O, ,DE DAG YONGS SU GYUR PA LAS 'JAM PA'I DBYANGS KYI SKUR BDAG NYID BLTA BAR BYA STE,
, ,SENG GE LA BZHUGS PA, ,GSER GYI MDOG TU SER BA'I SKU RGYAN THAMS CAD KYIS BRGYAN PA PHYAG CHOS BSHAD PA'I PHYAG RGYAS BREL CING G-YON NGOS NA AUTPALA 'DZIN PA MI BSKYOD PAS DBU BRGYAN CING, G-YAS PHYOGS NA GZHON NU NOR BZANGS, G-YON DU NI GSHIN RJE'I GSHED BLTA BAR BYA BA YIN NO, ,BSGOMS PAS DUB NA SNGAG [*SNGAGS?] BZLAS PAR BYA BA NI, AOm W'A G'I SHVA RI MU: GSUNG GI MNGA' BDAG GI SGRUB THABS RDZOGS SO,, ,,TSUL KHRIMS RGYAL MTSAN GYIS BSGYUR BA'O,,