, ,RGYA GAR SKAD DU, A'ARYA AA BA LO KE TE SHVA RA S'A DHA NI, BOD SKAD DU, 'PHAGS PA SPYAN RAS GZIGS DBANG PHYUG GI SGRUB THABS, SNGAR BSHAD PA'I TSUL GYIS STONG PA NYID BSGOMS PA'I RJES THOGS LA NAM MKHAR RA LAS NGES PAR BYUNG BA'I NYI MA LA GNAS PA'I YI GE H'Um LAS BYUNG BA'I SNA TSOGS RDO RJE YONGS SU GYUR PA LAS, RDO RJE'I RA BA DANG RDO RJE'I GUR RNAM PAR BSGOM PAR BYA BA'O, DE'I DBUS SU SHIN TU 'JIGS PA DUR KHROD DO, ,DE'I YANG DBUS SU PADMA DMAR PO 'DAB MA BRGYA DPA'O, ,DE'I DBUS SU YANG YI GE HR'I: SNGON PO LAS YANG DAG PAR BYUNG BA BCOM LDAN 'DAS 'PHAGS PA SPYAN RAS GZIGS DBANG PHYUG STE, SKU MDOG NAG PO G-YAS BRKYANG BA'I GNAS PAS NYI MA'I DKYIL 'KHOR LA BZHUGS PA, ZHAL LNGA PA SPYAN GSUM PA PHYAG BCU GNYIS PA G-YAS KYI ZHAL GNYIS NI DKAR BA DANG DMAR BA'O, ,DE BZHIN DU G-YON GYI ZHAL GNYIS NI SER PO DANG
, ,LJANG GU'O, ,G-YAS KYI PHYAG RNAMS NA NI dA MA RU DANG KHA tV'Am GA DANG LCAGS KYU DANG ZHAGS PA DANG RDO RJE DANG MDA' BSNAMS PA'O, ,G-YON GYI PHYAG RNAMS NA NI SDIGS MDZUB DANG THOD PA DANG PADMA DMAR PO DANG NOR BU DANG 'KHOR LO DANG GZHU BSNAMS PA'O, ,ZHAL THAMS CAD KYANG MCHE BA RNAM PAR GTZIGS PA'O, ,PHYAG RGYA DRUG DANG LDAN PA 'DZAG PA DANG LNGA PA'I MGO BO PHRENG BAS SKU LA RGYAN DU BYAS PA GCER BU SKU THAMS CAD KYANG SHIN TU MDZES PAR BDAG NYID SKAD CIG GIS RTOGS PAR BYAS LA, DUS PHYIS SNYING GAR ZLA BA LA YI GE HR'I: DBUS SU CHUD PAR AOm A'A: H'Um ZHES BYA BA'O, ,MU NI BA RA BADZRE H'Um DZA: ZHES BYA BA'I SNGAGS 'DI PHRENG BA BYAS LA BZLAS PA BYA BA'O, ,MTSAMS MED PA LNGA BYAS PA NAMS KYIS KYANG 'BUM BZLAS NA 'GRUB BO, ,SGYU 'PHRUL GYI DRA BA'I LUGS KYI 'PHAGS PA SPYAN RAS GZIGS DBANG PHYUG GI SGRUB THABS, PAndI TA CHEN PO SH'ANTA AA KA RA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,