, ,RGYA GAR SKAD
DU, HA RI HA RI HA RI B'A HA NA S'A DHA NAm, BOD SKAD DU, SENG GE DANG BYA KHYUNG DANG KHYAB 'JUG LA BZHUGS PA'I SGRUB THABS, SNGAR BRJOD PA'I RIM PA NYID KYIS STONG PA NYID BSGOMS PA'I RJES THOGS LA, YI GE HR'I: DKAR PO YONGS SU RDZOGS PAR GYUR PA LAS, SENG GE DANG BYA KHYUNG DANG KHYAB 'JUG LA BZHUGS PA LAS BYUNG BA'I BCOM LDAN 'DAS SPYAN RAS GZIGS DBANG PHYUG TU BDAG NYID BSGOM PAR BYA STE, SKU THAMS CAD DKAR BA RAL BA DANG DBU RGYAN DANG LDAN PA ZHI BA'I CHA BYAD CAN PHYAG G-YAS PAS BCOM LDAN 'DAS DE BZHIN GSHEGS PA DBANG DU MDZAD PA, GNYIS PAS PHRENG BA BSNAMS PA GSUM PAS TSUL NGAN PAR GNAS PA'I 'JIG RTEN PA RNAMS STON PAR MDZAD DO, ,G-YON PAS DBYUG THO BSNAMS PA GNYIS PAS RI DAGS KRIshnA SA RI'I PHAGS PA BSNAMS PA, GSUM PAS RIL PA SPYI BLUGS BSNAMS PA'O, ,SENG GE DANG BYA KHYUNG DANG KHYAB 'JUG GI PHRAG PA NA GNAS PAR RO, ,AOm HR'I: H'Um ZHES PA'I SNGAGS 'DI BZLAS PAR BYA BA'O, ,SENG GE DANG BYA KHYUNG DANG KHYAB 'JUG LA BZHUGS PA LAS 'BYUNG BA'I SGRUB THABS SO, ,DGE SLONG TSUL KHRIMS RGYAL MTSAN GYIS BSGYUR BA'O,,