, ,RGYA GAR SKAD DU, SIm HA N'A DA S'A DHA NAm, BOD SKAD DU, SENG GE SGRA'I SGRUB THABS, DANG POR RE ZHIG SNGAGS PAS BZHIN GYI GTZANG SBRA LA SOGS PA BYAS PA BDE BA'I STAN LA GNAS TE, RANG GI SNYING GAR ZLA BA'I DKYIL 'KHOR LA YI GE HR'I: DKAR PO DMIGS LA, DE'I 'OD ZER GYIS LEGS PAR SPYAN DRANGS PA'I BLA MA DANG SANGS RGYAS DANG BYANG CHUB SEMS DPA' RNAMS MDUN DU BSGOM PAR BYA BA'O, ,DE'I RJES SU MCHOD PA DANG SDIG BA BSHAGS PA LA SOGS
BYAS LA, STONG PA NYID LEGS PAR BSGOM PAR BYA ZHING, AOm STONG PA NYID KYI YE SHES RDO RJE'I RANG BZHIN GYI BDAG NYID NI NGA YIN NO ZHES BYA BA 'DIS BYIN GYIS BRLAB PAR YANG BYA BA'O, ,DE NAS DE MA THAG TU YI GE PAm YONGS SU GYUR PAS PADMA DKAR PO'O, ,DE'I STENG DU YI GE SI YONGS SU GYUR PA LAS SENG GE DKAR PO'O, ,DE'I RGYAB TU ZLA BA LA YI GE HR'I: LAS KUN NAS 'BYUNG BA'I 'JIG RTEN DBANG PHYUG SENG GE SGRA'I SKUR BDAG NYID BSGOM PAR BYA BA'O, ,DKAR PO PHYAG GNYIS PA SNANG BA MTHA' YAS DANG RAL PA DANG DBU RGYAN CAN, SPYAN GSUM PA DKA' THUB KYI CHA BYAD 'DZIN PA RGYAL PO CHEN PO'I 'GYING BAG GIS BZHUGS PA, PHYAG G-YON NA PADMA LANGS PA'I STENG NA RAL GRI LANGS PA'O, ,G-YAS NA RTZE GSUM DKAR PO LA SBRUL DKAR PO GDENGS KA DANG LDAN PAS DKRIS PA'O, ,G-YON NA ME TOG DRI ZHIM PO SNA TSOGS KYIS YONGS SU BKANG BA'I THOD PA DKAR PO'O, ,DE BZHIN GSHEGS PA LNGA 'PHRO BAR MDZAD PA, MYA NGAN LAS 'DAS PA CHEN PO'I SKUR BSGOM PAR BYA BA'O, ,BZLAS PA'I SNGAGS NI, AOm A'A: HR'I: SIm HA N'A DA H'Um PHAt, DE'I RJES THOGS LA NI GZUNGS YIN TE, DKON MCHOG GSUM LA PHYAG 'TSAL LO; ,THUGS RJE CHEN PO DANG LDAN PA'I BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG LA PHYAG 'TSAL LO, ,'DI LTA STE, AOm AA KA tE BI KA tE NI KA tE KA tAm KA tE KA RO tA B'IR YE SV'A H'A, ,BYA BA 'DI'I RIM PA NI BA'I LCI BA MA LHUNG BAR NANG PAR SHIN TU SNGA BAR BCOM LDAN 'DAS KYI SPYAN SNGAR MAndALA BRGYAD BYA STE, MAndALA RE RE ZHING LAN BCU GSUM RJES SU BRJOD PAR BYA BA'O, ,BA'I LCI BA'I LHAG MA LAN BDUN DU MNGON PAR BSNGAGS LA, NAD PA LA NYE BAR BYUG PAR BYA STE, NAD RNAMS THAMS CAD NYE BAR ZHI BAR BYED PA YIN NO, ,GAL TE MTSAMS MED PA LNGA BYAS PA RNAMS KYIS KYANG NYI MA BDUN NAM NYI MA BCU GSUM MAM NYI MA NYI SHU RTZA GCIG NA YANG 'DI GRUB PAR MA GYUR NA NI, DE'I TSE NGA NYID MTSAMS MED PA LNGA BYED PAR 'GYUR BA YIN NO, ,SENG GE SGRA'I SGRUB THABS SO,, ,,PAndI TA RATNA A'A KA RA'I ZHAL SNGA NAS, DGE SLONG
, ,TSUL KHRIMS RGYAL MTSAN GYIS BSKYUR BA'O,,