, ,RGYA GAR SKAD DU, KHARSA PA nA S'A DHA NAm, BOD SKAD DU, BDE BA 'BYUNG BA'I SGRUB THABS, KHARSA PA nI LA PHYAG 'TSAL LO, ,RE ZHIG DANG POR SNGAGS PAS BDE BA'I STAN LA NYE BAR GNAS SHING GDOD PA'I GTZANG SPRA LA SOGS PA BYAS PAS, GTZANG ZHING BDEN PA'I PHYOGS SU RANG GI SNYING GAR YI GE AA LAS ZLA BA'I DKYIL 'KHOR RNAM PAR BSGOM PAR BYA BA'O, ,DE'I STENG DU YI GE HR'I: DKAR PO'O; ,DE'I 'OD ZER GYIS BSKUL LA MDUN
GYI NAM MKHA' LA BLA MA DANG, SANGS RGYAS DANG, BYANG CHUB SEMS DPA' LA SOGS PA SPYAN DRANGS LA, SNYING GA'I SA BON GYI 'OD ZER LAS BYUNG BA'I MCHOD PA'I SPRIN GYIS LEGS PAR MCHOD CING SDIG PA BSHAGS PA LA SOGS PA DANG, TSANGS PA'I GNAS BZHI BSGOM PA YANG BYA STE, DE NAS STONG PA NYID BSGOM PAR BYA ZHING, AOm STONG PA NYID KYI YE SHES RDO RJE'I RANG BZHIN GYI BDAG NYID NI NGA YIN NO ZHES BYA BA 'DIS BYIN GYIS BRLAB PAR BYA BA'O, ,DE'I RJES LA SNGAR BZHIN DU YI GE HR'I: RNAM PAR BSGOMS LA NAM MKHA'I DKYIL NA SPROS SHING BSDU BAR YANG BYAS LA, DE LAS NGES PAR BYUNG BA'I 'JIG RTEN DBANG PHYUG TU BDAG NYID BSGOM PAR BYA STE, DKAR PO 'OD ZER BYE BA 'PHRO BA RAL PA DANG, DBU RGYUN DANG LDAN PA, SNANG BA MTHA' YAS KYIS SPYI BOR MTSAN PA, RGYAN THAMS CAD KYIS BRGYAN PA, BZHIN 'DZUM PA, SKYIL KRUNG PHYED PAS PADMA DANG ZLA BA'I GDAN LA BZHUGS PA, G-YAS PAS MCHOG SBYIN PA, G-YON PAS PADMA BSNAMS PA'O, ,G-YAS KYI PHYOGS NA 'PHAGS MA SGROL MA DANG, GZHON NU NOR BZANGS GNYIS SO, ,G-YON GYI PHYOGS NA KHRO GNYER CAN DANG, RTA MGRIN GNYIS SO, ,DE NAS MGO BO LA YI GE AOm MGRIN PAR YI GE A'A: SNYING GAR YI GE H'Um 'DI DAG RNAMS LEGS PAR BSAMS LA, JI SRID DU SKYO BAR MA GYUR GYI BAR DU GNAS PAR BYA'O, ,SKYO BA DANG SNGAGS BZLAS PAR BYA'O, ,DE LA SNGAGS NI 'DI YIN TE, AOm HR'I: SV'A H'A BYA BA'O, ,KHARSA PA NI'I SGRUB THABS RDZOGS SO,, ,,PAndI TA CHEN PO RATNA A'A KA RA GUPTA'I ZHAL SNGA NAS, DGE SLONG TSUL KHRIMS RGYAL MTSAN GYIS BSGYUR BA'O,,