RGYA GAR SKAD DU, PI TRi M'A TR'i S'U TRA, BOD SKAD DU, PHA MA'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA; BCOM LDAN 'DAS NYAN THOS KYI DGE 'DUN DANG BCAS PA MNYAN DU YOD PA NA RGYAL BU RGYAL BYED KYI TSAL KHYIM BDAG MGON MED ZAS SBYIN GYI KUN DGA' RA BA NA BZHUGS SO, ,DER BCOM LDAN 'DAS KYIS BKA' STZAL PA, DGE SLONG DAG ,KHYIM GANG DAG NA, PHA MA GNYIS LA LEGS PAR RI MO BYED PA DANG, LEGS PAR G-YOG BYED PA'I KHYIM DE DAG NI TSANGS PA DANG LDAN PA YIN NO, ,DE CI'I PHYIR ZHE NA, DGE SLONG DAG ,RIGS KYI BU'I PHA MA GNYIS NI RIGS PA'I SGO NAS TSANGS PA DANG 'DRA BA'I PHYIR RO, ,DGE SLONG DAG ,KHYIM GANG DAG NA PHA MA GNYIS LA LEGS PAR RI MO BYED PA DANG, LEGS PAR MCHOD PA BYED PA DANG, LEGS PAR G-YOG BYED PA'I KHYIM DE DAG NI SLOB DPON DANG LDAN PA YIN NO, ,DE CI'I PHYIR ZHE NA,
, ,DGE SLONG DAG, RIGS KYI BU'I PHA MA GNYIS NI RIGS PA'I SGO NAS SLOB DPON DANG 'DRA BA YIN PA'I PHYIR RO, ,DGE SLONG DAG ,KHYIM GANG DAG NA PHA MA GNYIS LA LEGS PAR RI MOR BYED PA DANG, LEGS PAR MCHOD PA BYED PA DANG, LEGS PAR G-YOG BYED PA'I KHYIM DE DAG NI KUN TU SBYIN PA'I 'OS SU GYUR PA DANG LDAN PA YIN NO, ,DE CI'I PHYIR ZHE NA, DGE SLONG DAG ,RIGS KYI BU'I PHA MA GNYIS NI RIGS PA'I SGO NAS KUN TU SBYIN PA'I 'OS SU GYUR PA YIN PA'I PHYIR RO, ,DGE SLONG DAG ,KHYIM GANG DAG NA PHA MA GNYIS LA LEGS PAR RI MO BYED PA DANG, LEGS PAR MCHOD PA BYED PA DANG, LEGS PAR G-YOG BYED PA'I KHYIM DE DAG NI MI DANG LDAN PA YIN NO, ,DE CI'I PHYIR ZHE NA, DGE SLONG DAG ,RIGS KYI BU'I PHA MA GNYIS NI RIGS PA'I SGO NAS MI DANG 'DRA BA'I PHYIR RO, ,DGE SLONG DAG ,KHYIM GANG DAG NA PHA MA GNYIS LA LEGS PAR RI MO BYED PA DANG, LEGS PAR MCHOD PA BYED PA DANG, LEGS PAR G-YOG BYED PA'I KHYIM DE DAG NI LHA DANG LDAN PA YIN NO, ,DE CI'I PHYIR ZHE NA, DGE SLONG DAG ,RIGS KYI BU'I PHA MA GNYIS NI RIGS PA'I SGO NAS LHA DANG 'DRA BA'I PHYIR RO, ,BCOM LDAN 'DAS KYIS DE SKAD CES BKA' STZAL TE, BDE BAR GSHEGS PAS DE SKAD GSUNGS NAS STON PAS GZHAN YANG 'DI SKAD CES
BKA' STZAL TO, ,PHA MA GNYIS NI TSANGS PA STE, ,DE BZHIN DANG PO SLOB DPON YIN, ,BU YI KUN SBYIN 'OS GYUR PA, ,MI YANG YIN LA LHA YANG YIN, ,DE PHYIR DE GNYIS PHYAG GI GNAS, , DRIL BA DANG NI KHRUS RNAMS DANG, ,RKANG PA DAG KYANG BSKU BA DANG, ,YANG NA ZAS DANG SKOM RNAMS DANG, ,GOS DANG MAL CHA STAN RNAMS KYIS, ,MKHAS PA DAG GIS BKUR STI BYA, ,PHA MA DAG LA BKUR BYAS PA, ,DES NA MKHAS PA DE DAG NI, ,'DIR YANG SMAD PA MED 'GYUR LA, ,SHI NA'ANG MTHO RIS 'GRO BAR 'GYUR, BCOM LDAN 'DAS KYIS DE SKAD CES BKA' STZAL NAS, DGE SLONG DE DAG YI RANGS TE BCOM LDAN 'DAS KYIS GSUNGS PA LA MNGON PAR BSTOD DO [?], ,PHA MA'I MDO RDZOGS SO, ,