,,RGYA GAR SKAD DU, TA MO PA NA MU KHA N'A MA SV'AH'A, BOD SKAD DU, MUN GYI NAGS TSAL GYI SGO ZHES BYA BA'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN DU YOD PA NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS TE, DE NAS DE'I TSE NGAM GROG GSUM PO ZHES BYA BA'I LJONGS KYI SKYE BO DAG GI NANG NAS RI KHROD KYI GRONG ZHIG NA, BRAM ZE LA BA CAN ZHES BYA BA SPUN BU 'DOD PA'I PHYIR BRAM ZE RNGA LEB LA DKA' THUB BYED DE, LHA STONG PHRAG BRGYA LA BU SLONG ZHING GSOL BA 'DEBS PA DANG LA BA CAN LA BU BTZAS PA NI MING RAB MTHONG ZHES BTAGS
SO; ;NU BO LA BTZAS PA NI DGA' BO ZHES BTAGS SO, ,GANG GI NYIN MO RAB MTHONG BTZAS PA DE'I NYIN MO BRAM ZE LNGA BRGYA LA BU LNGA BRGYA BTZAS TE, DE DAG RIM BZHIN DU BU CHER SKYES PA DANG; RAB MTHONG LA SOGS PA LNGA BRGYA LHAN CIG TU RIG PA DAG SLOB PA NA, RAB MTHONG LA SOGS PA RIG PA'I GNAS THAMS CAD KYI PHA ROL TU SON CING THAMS CAD RDZOGS PAR YANG DAG PAR BYANG BAR GYUR LA, BSOD NAMS KYI TSOGS YANG DAG PA LAS BYUNG BA'I SPYOD PA MTSUNGS PA MED PA STONG PHRAG BRGYA SNYED THOB STE, DBANG BYED PA GANG GI DUS SU BRAM ZE MA nA PA GCIG YUL DBUS NAS 'ONGS TE PHYIN NAS PHRAD PA DANG, DE LA GSONG POR SMRAS TE GTAM DAG KYANG BYAS NAS NGES PAR GANG NAS 'ONGS PA YIN ZHES DRIS PA DANG, DES SMRAS PA, YUL DBUS NAS 'ONGS PA YIN TE, DE'ANG GRONG KHYER CHEN PO DRUG GO ,DE'I NANG DAG NA TSAD MA DRUG LA MKHAS SHING LTAS KYI BYA BA DRUG LA THOGS PA MED PAR BRJOD NUS PA'I STON BCO BRGYAD YOD DE, DE NA CHU KLUNG YANG 'BAB BO, ,DE MA YIN PA BSOD NAMS CHEN PO DANG LDAN PA, DGE ZHING SHES PA, 'JIG RTEN THAMS CAD MKHYEN PA, SANGS RGYAS BCOM LDAN 'DAS KYANG DE NA'O ZHES BYAS PA DANG, RAB 'THONG GIS SGRA DE THOS PA DANG, BA SPU LANGS YI G-YOS, RAB TU DGA' STE DER 'GRO'O SNYAM NAS, PHA'I GAN DU SONG STE PHYIN NAS,
, ,YAB; BDAG NI YUL DBUS SU MCHI'O, ,DE NAS MU STEG PA DAG LAS RGYAL BAR BGYI'O, ,MKHAS PAR 'GRANGS PA DAG DANG NGES PAR LHAN CIG SMRA BAR BGYI'O ZHES GSOL PA DANG, PHAS DE LTAR GNANG NGO, ,DE NAS BSOD NAMS CHEN PO SBYIN PAS DBANG PHYUG CHEN PO DANG LDAN PA, SEMS CAN THAMS CAD LA GTONG PA CHEN PO CAN DE LHA DAG GIS BSRUNGS PA ZHIG PAS LHA DAG NYE BAR 'ONG ZHING SNGON DU 'GRO STE, RAB MTHONG CHEN PO LA MCHOD PA BYOS SHIG DANG, PHAN YON MANG PO DAG GI 'BRAS BU CHEN PO 'BYUNG BAR 'GYUR RO ZHES SGRA SGROGS SHING SONG BA DANG, RIM GYIS LHA DANG, MIS MCHOD PA BYAS SHING MNYAN YOD DU PHYIN TO, ,DE NAS LAM GYIS DUB PA RTA BSTIS TE BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'KHOD DO, ,DE NAS BCOM LDAN 'DAS KYIS DE DAG LA CHOS BSTAN PA MDZAD DE, DE'I 'KHOR LNGA BRGYA PO DAG LTA BA MCHOG TU 'DZIN PA BSHIG BCOM STE, BDEN PA MTHONG STE DE NYID DU RAB TU BYUNG, DGE SLONG GI DNGOS PO BZUNG STE, NYON MONGS PA THAMS CAD BCOM NAS DGRA BCOM PA MNGON DU BYAS TE, DGA' BO NI MA GTOGS SO, ,SKYE BO MANG PO KUN GYIS KYANG CHOS KHONG DU CHUD DO, ,STON PA CHEN
PO RAB MTHONG BLTA BA'I PHYIR LHA LA SOGS PA DAG KYANG 'ONGS TE DER PHYIN PA DANG, BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,DGE SLONG RAB MTHONG 'DI NI NGA'I DGE SLONG DANG, DGE SLONG DAG GI NYAN THOS DAG LA JI LTAR LHA DANG, MI MCHOD PA BYED DE, DE DAG GI NANG NA LHA DANG, MIS MCHOD PAR BYA BA'I MCHOG NI DGE SLONG RAB MTHONG YIN NO; ;ZHES BCOM LDAN 'DAS KYIS BKA' STZAL TO, ,DE NAS DUS DE NYID DU MI MJED KYI BDAG PO TSANGS PA DANG, LHA RNAMS KYI DBANG PO BRGYA BYIN DANG, 'JIG RTEN SKYONG BA BZHI DANG GNOD SBYIN GYI SDE DPON CHEN PO NYI SHU RTZA BRGYAD DANG, DRI ZA'I RGYAL PO DANG, GRUL BUM GYI SDE DPON CHEN PO LA SOGS PA RANG RANG GI GNAS NAS SONG STE, TSE DANG LDAN PA RAB MTHONG CHEN PO GA LA BA DER SONG STE PHYIN NAS, PHYOGS GCIG TU 'KHOD DE MNGON DU PHYOGS, THAL MO SBYAR TE 'DI SKAD CES SMRAS SO, ,KYE; BTZUN PA RAB MTHONG CHEN PO, SNGON GYI BCOM LDAN 'DAS YANG DAG PAR RDZOGS PA'I SANGS RGYAS GSHEGS SHING BZHUGS PA'I GNAS, RANG SANGS RGYAS KYI BZHUGS GNAS, 'DOD CHAGS DANG BRAL BA DAG GIS GNAS PAR BYA BA DRANG SRONG GI GNAS SU GYUR, DE KHO NA NYID NGES PAR MKHYEN NAS 'DAS PA'I BSKAL PA DGU BCU RTZA GCIG NA YANG DAG PAR RDZOGS PA'I SANGS RGYAS RNAM PAR GZIGS
, ,ZHES BYA BA 'JIG RTEN DU BYUNG STE, DE'I TSE DGE SLONG GSAL BA ZHES BYA BA LHA DANG, MIS MCHOD PA'I MCHOG TU GYUR PA DE'I GNAS KYANG 'DI LAGS TE, YUL DBUS LAS BYANG PHYOGS KYIS MTSAMS KYI RI DUNG GI LTE BA ZHES BYA BA NI RI DE LA RTZVA RIGS DUNG GI LTE BA 'DRA BA SKYE BAS DUNG GI LTE BA'I RI ZHES BYA BAR BTAGS PAR GYUR, RI DE DANG NYE BA NA NAGS ZHIG NA KLU MO AE NI ZHES BYA BA GNAS PAS AEE NI'I NAGS ZHES BYA BAR BTAGS PAR 'GYUR, DE NA PHUG CIG YOD PA DANG NYE BAR SHING PA TI LI ZHES BYA BA SKYE BAS PA TI'I PHUG CES BTAGS PAR GYUR PA DE NYID DU BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS ZHES BYA BA, 'KHOR DGRA BCOM PA BRGYAD KHRI DANG GSHEGS SHING THABS GCIG TU BZHUGS PAR GYUR, DGE SLONG GSAL BA'ANG DE NYID NA'O, ,DE NAS BCOM LDAN 'DAS 'KHOR DANG BCAS PA DAG KYANG RIM PA BZHIN DU MYA NGAN LAS 'DAS, BSTAN PA NUB NAS RANG SANGS RGYAS BDUN KHRI DAG MNGON PAR SHES PA DRUG DANG LDAN PA DAG MNYAM DU BYUNG STE GSHEGS SHING BZHUGS PAR GYUR, RANG SANGS RGYAS DE DAG KYANG MYA NGAN LAS 'DAS NAS DRANG SRONG DRUG KHRI MNGON PAR SHES PA LNGA DANG LDAN PA DAG KYANG DE NYID DU GNAS PAR GYUR TO, ,BTZUN PA RAB MTHONG CHEN PO,
DE NAS YANG BSKAL PA DRUG CU RTZA GCIG NA BCOM LDAN 'DAS YANG DAG PAR RDZOGS PA'I SANGS RGYAS GTZUG TOR CAN ZHES BYA BA 'JIG RTEN DU BYUNG STE, DE'I DGE SLONG RAB GSAL ZHES BYA BA LHA DANG, MIS MCHOD PA'I MCHOG TU GYUR PA'ANG DE NYID NA'O, ,MTSAMS KYI RI DE NYID LA RTZVA'I RIGS RO HI T'I ZHES BYA BA SKYE BAS RO HI T'I RI ZHES BYA BAR BTAGS PAR GYUR, KLU MO GOS MED CES BYA BA GNAS PAS GOS MED KYI NAGS ZHES BYA BAR BTAGS PAR GYUR, SHING SHIR SHA SKYE BAS SHING SHIR SHA'I PHUG CES BTAGS PAR GYUR, YANG DAG PAR RDZOGS SANGS RGYAS GTZUG TOR CAN 'KHOR DGRA BCOM PA BDUN KHRI DANG YANG DER GSHEGS SHING THABS GCIG TU BZHUGS PAR GYUR, DE DAG KYANG MYA NGAN LAS 'DAS, BSTAN PA NUB NAS RANG SANGS RGYAS DRUG KHRI'ANG DER GSHEGS SHING BZHUGS PAR GYUR, RANG SANGS RGYAS DE DAG KYANG MYA NGAN LAS 'DAS NAS DRANG SRONG LNGA KHRI'ANG MNGON PAR SHES PA LNGA DANG LDAN PA DE 'DI NYID NA GNAS PAR GYUR TO, ,BTZUN PA RAB MTHONG CHEN PO, DE NAS YANG BSKAL PA SUM CU RTZA GCIG NA YANG DAG PAR RDZOGS PA'I SANGS RGYAS THAMS CAD SKYOB CES BYA BA 'JIG RTEN DU BYUNG STE, DE'I DGE SLONG CHOS GSAL ZHES BYA BA LHA DANG, MIS MCHOD PA'I MCHOG TU GYUR PA'ANG DE NYID NA'O, ,MTSAMS KYI RI DE LA RTZVA'I RIGS
, ,BHA SA BHA ZHES BYA BA SKYE BAS BHA SA BHA'I RI ZHES BTAGS PAR GYUR, KLU MO BRAG CES BYA BA GNAS PAS BRAG GI NAGS ZHES BTAGS PAR GYUR, SHING AA SHVAD THA SKYE BAS AA SHVAD THA'I PHUG CES BTAGS PAR GYUR, YANG DAG PAR RDZOGS PA'I SANGS RGYAS THAMS CAD SKYOB 'KHOR DGRA BCOM PA DRUG KHRI DANG DE NYID DU GSHEGS SHING THABS GCIG TU BZHUGS PAR GYUR, DE DAG MYA NGAN LAS 'DAS, BSTAN PA NUB NAS RANG SANGS RGYAS LNGA KHRI'ANG GSHEGS SHING BZHUGS PAR GYUR, RANG SANGS RGYAS DE DAG KYANG MYA NGAN LAS 'DAS NAS DRANG SRONG MNGON PAR SHES PA LNGA DANG LDAN PA BZHI KHRI'ANG GNAS PAR GYUR TO, ,'DI NI BTZUN PA RAB MTHONG CHEN PO, SNGON BYUNG BA BSKAL PA BZANG PO 'DI NYID LA SKYE DGU'I TSE LO BZHI KHRI THUB PA NA, YANG DAG PAR RDZOGS PA'I SANGS RGYAS LOG PAR DAD SEL ZHES BYA BA 'JIG RTEN DU BYUNG STE, DE'I DGE SLONG CHOS LDAN ZHES BYA BA LHA DANG, MIS MCHOD PA'I MCHOG TU GYUR PA'ANG DE NYID NA'O, ,MTSAMS KYI RI'I RTZVA'I RIGS KOO SHI KA ZHES BYA BA SKYE BAS KOO SHI KA'I RI ZHES BTAGS PAR GYUR, SPRIN CES BYA BA'I KLU MO GCIG GNAS PAS SPRIN GYI NAGS ZHES BTAGS PAR GYUR, SHING AU DUM W'A RA SKYE BAS AU DUM W'A RA'I PHUG CES BTAGS PAR GYUR, YANG DAG PAR RDZOGS PA'I
SANGS RGYAS LOG PAR DAD SEL 'KHOR GYI DGRA BCOM PA LNGA KHRI DANG THABS GCIG TU GSHEGS SHING BZHUGS PAR GYUR, DE DAG KYANG MYA NGAN LAS 'DAS NAS MNGON PAR SHES PA LNGA DANG LDAN PA DRANG SRONG SUM KHRI'ANG DE NA GNAS PAR GYUR TO, ,'DI NI BTZUN PA RAB MTHONG CHEN PO, SNGON BYUNG BA BSKAL PA BZANG PO 'DI NYID LA SKYE DGU'I TSE LO SUM KHRI THUB PA NA YANG DAG PAR RDZOGS PA'I SANGS RGYAS GSER THUB CES BYA BA 'JIG RTEN DU BYUNG STE, DE'I DGE SLONG CHOS 'PHAGS ZHES BYA BA LHA DANG, MIS MCHOD PA'I MCHOG TU GYUR PA'ANG DE NYID NA'O,, MTSAMS KYI RI DE LA RTZVA'I RIGS KHA DOG LJANG LO CAN ZHES BYA BA SKYE BAS KHA DOG LJANG LO RI ZHES BTAGS PAR GYUR, THIG LE ZHES BYA BA'I KLU MO GNAS PAS THIG LE'I NAGS ZHES BTAGS PAR GYUR, SHING KA PI TA SKYE BAS KA PI TA'I PHUG CES BTAGS PAR GYUR, YANG DAG PAR RDZOGS PA'I SANGS RGYAS GSER THUB 'KHOR DGRA BCOM PA BZHI KHRI DANG GSHEGS SHING THABS GCIG TU BZHUGS PAR GYUR, DE DAG KYANG MYA NGAN LAS 'DAS, BSTAN PA NUB NAS RANG SANGS RGYAS SUM KHRI'ANG GSHEGS SHING BZHUGS PAR GYUR, RANG SANGS RGYAS DE DAG KYANG MYA NGAN LAS 'DAS NAS MNGON PAR SHES PA LNGA DANG LDAN PA DRANG SRONG NYI KHRI'ANG DE NYID NA GNAS PAR GYUR TO, ,'DI NI BTZUN PA RAB MTHONG CHEN PO, SNGON BYUNG
, ,BA BSKAL PA BZANG PO 'DI NYID LA SKYE DGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS 'OD SRUNG ZHES BYA BA 'JIG RTEN DU BYUNG STE, DE'I DGE SLONG SHE dO KA ZHES BYA BA LHA DANG, MIS MCHOD PA'I MCHOG TU GYUR PA'ANG DE NYID NA'O, ,MTSAMS KYI RI LA RTZVA'I RIGS ZLA BA ZHES BYA BA SKYE BAS ZLA BA'I RI ZHES BTAGS PAR GYUR, KLU MO RGYAL BA ZHES BYA BA GNAS PAS RGYAL BA'I NAGS ZHES BYA BAR BTAGS PAR GYUR, SHING DZAMBU ZHES BYA BA SKYE BAS DZAMBU'I PHUG CES BTAGS PAR GYUR, YANG DAG PAR RDZOGS PA'I SANGS RGYAS 'OD SRUNG 'KHOR GYI DGRA BCOM PA NYI KHRI DANG GSHEGS SHING THABS GCIG TU BZHUGS PAR GYUR, DE DAG KYANG MYA NGAN LAS 'DAS , BSTAN PA NUB NAS RANG SANGS RGYAS KHRI LNGA STONG GSHEGS SHING BZHUGS PAR GYUR, RANG SANGS RGYAS DE DAG KYANG MYA NGAN LAS 'DAS NAS MNGON PAR SHES PA LNGA DANG LDAN PA DRANG SRONG KHRI GNAS PAR GYUR TO, ,'DI NI BTZUN PA RAB MTHONG CHEN PO, BSKAL PA BZANG PO 'DI NYID LA SKYE DGU'I TSE LO BRGYA THUB PA NA YANG DAG PAR RDZOGS PA'I SANGS RGYAS SH'AKYA THUB PA 'JIG RTEN DU BYUNG STE, 'PHAGS PA RAB MTHONG CHEN PO KHYOD LHA DANG, MIS MCHOD PA'I MCHOG TU GYUR PA'ANG 'DI NYID NA'O, ,MTSAMS KYI RI LA RTZVA'I RIGS AU SHI
SHA SKYE BAS AU SHI'I RI ZHES BTAGS PAR GYUR, KLU MO TA MA ZHES BYA BA GNAS PAS TA MA'I NAGS TSAL ZHES BTAGS PAR GYUR, SHING AA MRA SKYE BAS AA MRA'I PHUG CES DA LTAR BTAGS PA YIN TE, BTZUN PA RAB MTHONG CHEN PO, AU SHI SHA'I RI BRAG 'DI NYID DU THUGS BRTZE BAR DGONGS TE BZHUGS PA NI LEGS SO, ,DE NAS YANG TSANGS PA DANG, LHA'I DBANG PO BRGYA BYIN DANG, 'JIG RTEN SKYONG BA DAG GIS GNAS BRTAN CHEN PO'I RKANG PA LA PHYAG BTZAL TE THAL MO SBYAR BA BYAS NAS RAB TU GUS PAS 'DI SKAD CES SMRAS SO, ,THUGS BRTZE BA CAN, NAGS 'DI NI GSHEGS SHING BZHUGS PA'I GNAS YIN TE, BDAG CAG KYANG NYE GNAS BGYID LA GZHAN DAG KYANG GZUNG DU GSOL, DE NI SNYAN PAR GRAGS SHING LEGS TE CHU NI GZIGS PAR DBYUNG BAR 'TSAL LO ZHES GSOL BA BTAB BO, ,GZHAN YANG, GNOD SBYIN GYI SDE DPON BRGYAD PO 'DI DAG STE, SINGGA LA ZHES BYA BA DANG, CHOS SKYONG ZHES BYA BA DANG, DON GRUB CES BYA BA DANG, GZHAN LAS RGYAL ZHES BYA BA DANG, GLANG RNA ZHES BYA BA DANG, DBYIG RNA BA ZHES BYA BA DANG, CHOS LDAN ZHES BYA DANG, CHOS 'PHAGS ZHES BYA BAS KYANG GNAS BRTAN CHEN PO'I RKANG PA LA PHYAG BTZAL TE THAL MO SBYAR NAS RAB TU GUS PAS 'DI SKAD CES SMRAS SO, ,THUGS BRTZE BA CAN, NAGS DE NI GSHEGS SHING BZHUGS
, ,PA'I GNAS YIN TE, BDAG CAG KYANG NYE GNAS BGYID LA GZHAN DAG KYANG GZUNG DU GSOL, DE NI SNYAN PAR GRAGS SHING LEGS TE CHU NI GZIGS PAR DBYUNG BAR 'TSAL LO ZHES GSOL BA BTAB BO, ,GZHAN YANG, GNOD SBYIN MA CHEN MO BRGYAD 'DI DAG STE, AA SHI dI ZHES BYA BA DANG, BU MANG SHE ZHES BYA BA DANG, 'PHYANG MA ZHES BYA BA DANG, RAB TU 'PHYANG MA DANG, DRAG MO ZHES BYA BA DANG, GTUM MO ZHES BYA BA DANG, MDUNG THUNG 'DZIN CES BYA BA DANG, BAR SNANG MA ZHES BYA BAS KYANG GNAS BRTAN CHEN PO'I RKANG PA LA PHYAG BTZAL TE THAL MO SBYAR BA BYAS NAS RAB TU GUS PAS 'DI SKAD CES SMRAS SO, ,THUGS BRTZE BA CAN, NAGS DE NI GSHEGS SHING BZHUGS PA'I GNAS YIN TE BDAG CAG KYANG NYE GNAS BGYID LA GZHAN DAG KYANG GZUNG DU GSOL, DE NI SNYAN PAR GRAGS SHING LEGS TE CHU NI GZIGS PAR DBYUNG BAR 'TSAL LO ZHES GSOL BA BTAB BO, ,DE BZHIN DU, GZHAN YANG, KLU CHEN PO BRGYAD PO 'DI DAG STE, SER SKYA ZHES BYA BA DANG, DRI MA ZHES BYA BA DANG, CHU LDAN ZHES BYA BA DANG, DRAG SHUL ZHES BYA BA DANG, LHA'I BANG RIM ZHES BYA BA DANG, BUM PA'I BANG RIM ZHES BYA BA DANG, NYE BA'I KLU ZHES BYA BA DANG, AO dA SU TA ZHES BYA BAS KYANG GNAS BRTAN CHEN PO'I RKANG PA LA PHYAG BTZAL TE,
THAL MO SBYAR BA BYAS NAS RAB TU GUS PAS 'DI SKAD CES SMRAS SO, ,THUGS BRTZE BA CAN, NAGS DE NI GSHEGS SHING BZHUGS PA'I GNAS YIN TE, BDAG CAG KYANG NYE GNAS BGYID LA GZHAN DAG KYANG GZUNG DU GSOL, DE NI SNYAN PAR GRAGS SHING LEGS TE, CHU NI GZIGS PAR DBYUNG BAR 'TSAL LO ZHES GSOL BA BTAB BO, ,GZHAN YANG, KLU MO BRGYAD PO 'DI DAG STE, MUN ZHES BYA BA DANG, 'GRO 'DOD CES BYA BA DANG, MTHONG MO ZHES BYA BA DANG, GRANG MO ZHES BYA BA DANG, KHUR DRANG MO ZHES BYA BA DANG, LAB 'THOR MA ZHES BYA BA DANG, SNA TSOGS SDE ZHES BYA BA DANG, DRI ZA MO ZHES BYA BA DAG GIS KYANG GNAS BRTAN CHEN PO'I RKANG PA LA PHYAG BTZAL TE, THAL MO SBYAR BA BYAS NAS RAB TU GUS PAS 'DI SKAD CES SMRAS SO, ,THUGS BRTZE BA CAN, NAGS DE NI GSHEGS SHING BZHUGS PA'I GNAS YIN TE, BDAG CAG KYANG NYE GNAS BGYID LA GZHAN DAG KYANG GZUNG DU GSOL, ,DE NI SNYAN PAR GRAGS SHING LEGS TE CHU NI GZIGS PAR DBYUNG BAR 'TSAL LO ZHES GSOL BA BTAB PA DANG, TSE DANG LDAN PA RAB MTHONG CHEN POS CANG MI SMRA BAR DANG DU BLANGS SO, ,LHA DANG, LHA MA YIN DANG; NAM MKHA' LDING DANG, MI'AM CI DANG, DRI ZA DANG, LTO 'PHYE CHEN PO LA SOGS PA DE DAG GIS TSE DANG LDAN PA RAB MTHONG CHEN POS CANG MI SMRA BA DANG DU BLANGS PAR RIG
, ,NAS DGA' MGU YI RANGS PAR GYUR TO, ,DE NAS TSE DANG LDAN PA RAB MTHONG CHEN POS STON PA'I ZHAL DU LTA BA MTHONG NAS TA MA SA'I NAGS SU SONG STE; PHYIN NAS BLA GAB MED PAR 'GRENG STE GAndI BRDUNGS TE, GAndI'I SGRA DES DZAMBU'I GLING KHYAB PAR SGRA GRAGS PAR GYUR PA NA DGE SLONG DAG GIS SGRA THOS TE SEMS PA LA ZHUGS PA DANG, SGRA 'DI NI MUN GYI NAGS NAS BYUNG NGO SNYAM MO, ,DE'ANG SNGON GYI YANG DAG PAR RDZOGS PA'I SANGS RGYAS DAG GI BZHUGS GNAS, RANG SANGS RGYAS RNAMS KYIS GNAS BCAS PA, 'DOD CHAGS DANG BRAL BA DAG DANG DRANG SRONG DAG GIS GNAS SU GYUR PA YIN LA DA LTAR YANG DE KHO NA BTZUN PA RAB MTHONG CHEN PO YIN PAR GO ZHING SHES NAS MTHONG STE, DAG BCOM PA KHRI BRGYAD STONG SNYED KYIS MUN GYI NAGS SU PHYIN TE DBYAR GYI GNAS PA'ANG BCAS, TSANGS PA LHA'I DBANG PO DANG, 'JIG RTEN SKYONG BA DE DAG GIS DE BZHIN GSHEGS PA'I DBU SKRA DANG, SEN MO KHYER TE 'ONGS NAS DBU SKRA DANG, SEN MO'I MCHOD RTEN ZHIG BZHENGS SU GSOL, GTZUG LAG KHANG ZHIG KYANG BRTZIGS, RDO RJE'I GTZUG LAG KHANG DU MTSAN GSOL, MI MJED BDAG PO TSANGS PA DANG, 'JIG RTEN SKYONG BA BZHIS KYANG SO SO NAS GTZUG LAG KHANG RE RE BZHENGS SU GSOL, LO DANG PO LA LHA RNAMS KYIS GNAS BCAS,
LHA'I DBANG PO BRGYA BYIN GYIS RANG GI LA GNAS LO GCIG GI CHOS GOS LA SOGS PA YO BYAD KYI RIN SBYAR, LHA'I BU MO BDE SOGS KYIS DGE SLONG RE RE ZHING RAS YUG RE RE CHOS GOS KYI RGYU'ANG PHUL, DE NAS TSE DANG LDAN PA RAB MTHONG CHEN PO GNAS KHANG DU LHA'I 'KHOR GYIS BSKOR TE GNAS BCAS PA NA 'DI SKAD CES SMRAS SO, ,GNAS BCAS PA 'DI YUN RING GNAS BCAS PAR 'GYUR BA'I PHYIR LHA DANG, MI'I GRONG KHYER GNAS BCA' BA'I PHYIR RGYAL RIGS RTZUB PO ZHES BYA BA LA SOGS PA'I MI RNAMS LA CHOS BSTAN PAS YID RAB TU DGA' ZHING, DAD PAR GYUR TE, RGYAL PO CHEN PO RTZUB POS DKON MCHOG GSUM LA SKYABS SU 'GRO BA BYAS, GZHAN DAG KYANG DAD PAR GYUR TE, PHUG LNGA BRGYA'I LAS KYANG BYAS, DRANG SRONG MNGON PAR SHES PA LNGA DANG LDAN PA LNGA BRGYA'ANG RAB TU BYUNG STE, DGRA BCOM PA MNGON DU BYAS, GNAS DE NA BRAM ZE SMRA BA LA MKHAS PA ZHIG YOD PA DE LAS RGYAL BAR GYUR, BTUL NAS RAB TU BYUNG STE; DES KYANG DGRA BCOM PA MNGON DU BYAS TE TA MA SA'I NAGS NA TSE DANG LDAN PA RAB MTHONG CHEN PO LA SOGS PA DGRA BCOM PA KHRI BRGYAD SNYED GNAS BCAS SO ZHES, RGYAL PO'I PHO BRANG 'KHOR DANG, GRONG KHYER DANG, GRONG KHYER KUN TU GRAGS PAR GYUR, RGYAL PO RTZUB PO LA SOGS PA MI RNAMS NI 'PHAGS PA'I DGE 'DUN GYI SLAD DU NYIN RE BZHIN DU DAR BA 'BUL, MI
, ,MA YIN PA DAG NI DE BZHIN DU ZHUN MAR 'BUL BAR BYED, GZHAN YANG, DGA' BA DANG, DANG BAS MGU ZHING RANGS PAS LEGS PAR LAS DANG, BYA BA'ANG BYED DO, ,DE BZHIN DU KLU DAG GIS DGA' BA DANG, MGU BAS THA DAD PA'I BYE BRAG BCO BRGYAD KYI BZA' BA DANG, BCA' BA SBYAR BA PHUL LO, ,GZHAN YANG, 'DI LTAR SKYE DGU'I LUS CAN SEMS BSKYED PA, 'DI LTA STE, BLON PO DANG, RGYAL RIGS SPYIR 'DUS TE, KUN DGA' RA BA ZHIG KYANG BYAS TE, DE DAG TU ME TOG GI SHING DANG, 'BRAS BU'I SHING MDZES PA 'DI DAG STE, AA MRA'I SHING DANG, PA TI'I SHING DANG, SENG LDENG GI SHING DANG, N+YA GRO DHA'I SHING DANG, AA SHVAD THA'I SHING DANG, 'BRAS BU GSUM GYI SHING DANG, ME TOG TZAM PA KA'I SHING DANG, AU DU KA'I SHING DANG, MA DU KA'I SHING DANG, BIL BA'I SHING DANG, 'BRA HO'I SHING DANG, DZAMBU'I SHING DANG, DU NA'I SHING DANG, CHU SHING LA SOGS PA DANG, ME TOG MA LI KA DANG, KUN DHA DANG, DZA HI KA LA SOGS PA MDZES PA SNA TSOGS DGE SLONG BDE BAR GNAS PA DGE BA'I PHYOGS BYED PA DANG MTHUN PA ZHIG KYANG BYAS TE DGE 'DUN LA PHUL LO, , DE NAS DGE SLONG DAG THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA, TSE DANG LDAN PA RAB MTHONG GIS LAS CI BGYID NA LAS GANG
YANG RNAM PAR SMIN PA PHYUG CING NOR MANG LA LONGS SPYOD DANG LDAN PA'I RIGS SU SKYES, GZUGS MDZES SHING LHA DANG, MIS MCHOD PA'I MCHOG TU GYUR, BSOD NAMS CHEN PO DANG LDAN PA SHES PAR 'CHAL LAGS SO ZHES ZHUS PA DANG, BCOM LDAN 'DAS KYIS BKA' STZAL PA, DGE SLONG DAG ,'DAS PA'I BSKAL PA DGU BCU RTZA GCIG NA YANG DAG PAR RDZOGS PA'I SANGS RGYAS RNAM PAR GZIGS ZHES BYA BA, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'JIG RTEN DU BYUNG STE, RGYAL PO GNYEN LDAN GYI KHAB NA BZHUGS TE, DUS DE'I TSE ZHAL ZHAL MKHAN GYI RIGS LAS PHYUG PA GA GE MO ZHES BYA BA ZHIG GIS RNAM PAR GZIGS KYI SLAD DU GTZUG LAG KHANG BRTZIGS TE, ME TOG DANG, 'BRAS BU'I SHING LEGS PAR BTZUGS TE, KUN TU DRI BSUNG GI NGAD DANG LDAN PA 'BYUNG BAR GYUR TE PHUL, STON PA DE NYID KYI BSTAN PA LA'ANG RAB TU BYUNG, YANG DAG PAR RDZOGS PA'I SANGS RGYAS RNAM PAR GZIGS MYA NGAN LAS 'DAS NAS SKU GDUNG GI MCHOD RTEN GYI RMANG GI 'OG TU RIN PO CHE'I RDO RING BA CIG BSGRENG NGO, ,ZHAL ZHAL MKHAN GYI RIGS LAS RAB TU BYUNG BA DE'I 'KHOR MANG PO'ANG RJES SU YI RANG ZHING MOS PAR GYUR TE, KHYED
, ,STON PA LA MOS PAR GYUR PA DE BZHIN BDAG CAG KYANG DAD CING MOS PAR BGYID DE, STON PA'I BKA' BZHIN DU BGYID CING MNYES PAR BGYID LA MI MNYES PAR MA GYUR CIG CES SMON LAM BTAB BO, ,DGE SLONG DAG ,JI SNYAM DU SEMS, DE'I TSE DE'I DUS NA ZHAL ZHAL MKHAN GANG YIN PA DE NI TSE DANG LDAN PA RAB MTHONG CHEN PO NYID YIN LA, SKYE DGU'I LUS CAN DE DAG NI DA LTAR GYI LHA DANG MI 'DI DAG YIN TE, DA LTAR YANG 'DUL BAR BYED PA YIN NO, ,GZHAN YANG, BCOM LDAN 'DAS 'OD SRUNG GI BSTAN PA LA RAB TU BYUNG STE, DE'I MKHAN PO NI LHA DANG, MIS MCHOD PA'I MCHOG TU GYUR PA YIN TE, JI LTAR BDAG GI MKHAN PO LHA DANG, MIS MCHOD PA'I MCHOG TU GYUR PA DE BZHIN DU BDAG KYANG YANG DAG PAR RDZOGS PA'I SANGS RGYAS SH'AKYA THUB PA'I BSTAN PA LA LHA DANG, MIS MCHOD PA'I MCHOG TU GYUR CIG CES SMON LAM BTAB BO, ,DES NA DA LTAR LHA DANG, MIS MCHOD PA'I MCHOG TU GYUR PA YIN NO, ,DE LTA BAS NA DGE SLONG DAG GCIG TU GNAG PA'I LAS NI RNAM PAR SMIN PA'ANG GCIG TU GNAG GO ,RAB TU DKAR BA LAS NI DKAR BA'O, ,'DRES PA LA NI 'DRES PA'O; ;DE BAS NA, DGE SLONG DAG, RAB TU GNAG PA DANG, 'DRES MA DAG NI SPONGS SHIG, RAB TU DKAR BA DAG LA SPYAD PAR BYA STE, DGE SLONG DAG ,DE BZHIN DU BSLAB PAR GYIS
SHIG ;BCOM LDAN 'DAS KYIS DE SKAD CES BKA' STZAL PA DANG, DGE SLONG DE DAG BCOM LDAN 'DAS KYIS BSHAD PA YID LA BYED DE MNGON PAR DGA'O, ,MUN GYI NAGS TSAL GYI SGO ZHES BYA BA'I MDO RDZOGS SO,, ,,BYANG PHYOGS RGYUD KYI PHRENG BA'I MDO KHRI BA'I NANG NAS YUL ZA LENDRA'I BYANG PHYOGS KYI MTSAMS KYI RI AU SHI RI'I BSNGAGS PA'O,, ,,