313 · GMLW-002259

An Exalted Sutra entitled 'A Fine Evening" (Ārya Bhadraka Ratri Nāma Sūtra)

'PHAGS PA MTSAN MO BZANG PO ZHES BYA BA'I MDO
נושאי-מדףSubjects:
MDO MANGCollection of Sutras (Sūtra)$$
נושאיםTopics:ImpermanenceSecret Words
חיי היום-יוםDaily life:daily practice
נמצא בfound inCollection of Sutras (Sūtra)$$
מספר טוהוקוTohoku numberToh 313 · Sutra
מהדורהrecensionDerge
כותרת בסנסקריטSanskrit titleA'ARYA BHA DRA KA R'A T'I N'A MA S'U TRA
כניעה לhomage toBYANG CHUB SEMS DPA' THAMS CAD
פוליוfolios248a–252a
צורהformmixed
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreRoot Texta sutra with the full frame — thus I have heard, and the world rejoiced
מקום החיבורplace of compositionRajgirthe Buddha is in the Bamboo Grove at Rajgir where the jays feed, and the monk sits by the river Tapoda
אנשים ומקומותpeople and places namedno translator colophon
רמת קושיlevelentry
לחיי היום־יוםfor daily lifedaily practice
הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00313_'PHAGS PA MTSAN MO BZANG PO ZHES BYA BA'I MDO_An Exalted Sutra entitled 'A Fine Evening" (Ārya Bhadraka Ratri Nāma Sūtra).txt/10. MDO MANG_Collection of Sutras (Sūtra)$$/VOL 26 (LA)

הטקסטThe text

טיבטיתTibetanKL00313_'PHAGS PA MTSAN MO BZANG PO ZHES BYA BA'I MDO_An Exalted Sutra entitled 'A Fine Evening" (Ārya Bhadraka Ratri Nāma Sūtra).txt8,433 תוויםcharacters
248a

,,RGYA GAR SKAD DU, A'ARYA BHA DRA KA R'A T'I N'A MA S'U TRA, BOD SKAD DU, 'PHAGS PA MTSAN MO BZANG PO ZHES BYA

248b

BA'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA GNAS PA NA BZHUGS TE, DE'I TSE DGE SLONG ZHIG RGYAL PO'I KHAB KYI CHU TA BO TA'I 'GRAM NA 'DUG GO ,DE NAS LHA KHA DOG MCHOG DANG LDAN PA ZHIG NAM SROS NAS DGE SLONG DE GA LA BA DER SONG STE PHYIN NAS, CHU TA BO TA'I 'GRAM THAMS CAD SNANG BA RGYA CHEN POS KHYAB PAR SNANG BAR BYAS TE, DGE SLONG DE LA 'DI SKAD CES SMRAS SO, ,DGE SLONG KHYOD KYIS MTSAN MO BZANG PO'I MDO SDE SHES SAM, DES 'DI SKAD CES SMRAS SO, ,LHA; BDAG GIS NI MTSAN MO BZANG PO'I MDO SDE MA 'TSAL NA, LHA KHYOD KYIS MTSAN MO BZANG PO'I MDO SDE MKHYEN TAM, MI MKHYEN, DES 'DI SKAD CES SMRAS SO, ,DGE SLONG, BDAG GIS KYANG MTSAN MO BZANG PO'I MDO SDE MI SHES SO, ,LHA; 'O NA MTSAN MO BZANG PO'I MDO SDE 'TSAL BA DA LTAR SU MCHIS, DES DI SKAD CES SMRAS SO, ,RGYAL PO'I KHAB KYI 'OD MA'I TSAL BYA KA LAN DA KA GNAS PA 'DI NA BCOM LDAN 'DAS BZHUGS KYI, KHYOD BCOM LDAN 'DAS KYI THAD DU SONG LA ZHUS TE, BCOM LDAN 'DAS KYIS DE KHYOD LA JI LTAR LUNG

249a

, ,BSTAN PA DE BZHIN DU GZUNG LA BRTZON PAR GYIS SHIG CES SMRAS NAS, LHA DE DE NYID DU MI SNANG BAR GYUR TO, ,DE NAS DGE SLONG DE NANG PAR LANGS NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS DGE SLONG DES BCOM LDAN 'DAS LA 'DI SKAD CES GSOL TO, ,BTZUN PA, MDANG DGUNG RMONGS NAS BDAG GI DER LHA KHA DOG MCHOG DANG LDAN PA ZHIG BDAG GA LA BA DER MCHIS TE, CHAB TU BO TA'I 'GRAM THAMS CAD SNANG BA CHEN POS KHYAB PAR SNANG BAR BGYIS NAS BDAG LA 'DI SKAD MCHI'O, ,DGE SLONG KHYOD KYIS MTSAN MO BZANG PO'I MDO SDE SHES SAM, BDAG GIS DE LA 'DI SKAD CES BGYIS SO, ,LHA; BDAG GIS NI MTSAN MO BZANG PO'I MDO SDE MA 'TSAL NA, LHA KHYOD KYIS LHA MTSAN MO BZANG PO'I MDO SDE MKHYEN TAM, MI MKHYEN, DE 'DI SKAD CES MCHI'O, ,DGE SLONG, BDAG GIS KYANG MTSAN MO BZANG PO'I MDO SDE MI SHES SO, ;LHA; 'O NA MTSAN MO BZANG PO'I MDO SDE 'TSAL BA DA LTAR SU MCHIS, DE 'DI SKAD CES MCHI'O, ,RGYAL PO'I KHYAB KYI 'OD MA'I TSAL BYA KA LAN DA KA GNAS PA NA BCOM

249b

LDAN 'DAS BZHUGS KYI, KHYOD BCOM LDAN 'DAS KYI THAD DU SONG LA ZHUS TE, BCOM LDAN 'DAS KYIS DE KHYOD LA JI LTAR LUNG BSTAN PA DE BZHIN DU GZUNG LA BRTZON PAR GYIS SHIG CES SMRAS NAS, LHA DE DE NYID DU MI SNANG BAR GYUR TO, ,BTZUN PA, BCOM LDAN 'DAS DE'I SLAD DU BDAG 'DI'I DON YONGS SU ZHU'O, ,BCOM LDAN 'DAS KYIS BKA' STZAL PA, DGE SLONG KHYOD KYIS LHA DE SHES SAM, DGE SLONG DES GSOL PA, BTZUN PA, BDAG GIS LHA DE MA 'TSAL TO, ,BCOM LDAN 'DAS KYIS BKA' STZAL PA, LHA'I BU DE NI SUM CU RTZA GSUM GYI LHA RNAMS KYI SDE DPON TE, TZANDAN ZHES BYA'O, ,DGE SLONG DES GSOL PA, BTZUN PA, BDAG MTSAN MO BZANG PO'I MDO SDE THOS PAR 'TSAL LO, ,BCOM LDAN 'DAS KYIS BKA' STZAL PA, DGE SLONG KHYED DE'I PHYIR LEGS PAR RAB TU NYON LA YID LA ZUNGS SHIG DANG, NGAS KHYOD LA BSHAD PAR BYA'O, ,DGE SLONG, CHOS GSUM DANG LDAN NA, DGE SLONG, MTSAN MO BZANG PO'I MDO SDE LA GNAS PA ZHES BYA'O, ,GSUM GANG ZHE NA, 'DI LTA STE, 'DAS PA LA RJES SU PHRAD PAR MI BYED PA DANG, MA'ONGS PA LA RE BA MED PA DANG, DA LTAR BYUNG BA'I CHOS RNAMS KYIS MI 'PHROGS PAR GNAS PA'I CHOS CAN TE, CHOS GSUM

250a

, ,PO DE DAG DANG LDAN NA, DGE SLONG, MTSAN MO BZANG PO'I MDO SDE LA GNAS PAR ZHES BYA'O, ,BCOM LDAN 'DAS KYIS DE SKAD CES BKA' STZAL TE; BDE BAR GSHEGS PAS DE SKAD GSUNGS NAS, STON PAS GZHAN YANG 'DI SKAD GSUNG NGO, ,'DAS LA RJES SU PHRAD MI BYED, ,MA 'ONGS PA LA RE BA MED, , 'DAS PA GANG YIN DE 'GAGS TE, ,MA 'ONGS DE NI MA PHYIN PA'O, ,GANG DAG DA LTAR BYUNG BA'I CHOS, ,DE DANG DE LA RAB BLTAS NAS, ,RNAM PAR RTOG PAS MI 'PHROGS PAR; ;DE DAG THAMS CAD KHYONG DU CHUD, ,SANG TZAM SHI YANG SU SHES KYI, ,DE RING NYID DU BRTUN TE BYA, ,'CHI BDAG SDE CHEN DE DANG NI, ,BDAG TU BSHES PA MA YIN NO; ;SEMS CAN KUN DANG SROG CHAGS KUN, ,'BYUNG PO KUN DANG THAMS CAD KYANG, ,BDE BA 'BA' ZHIG GRUB GYUR TE, ,THAMS CAD NYON MONGS MED PAR SHOG , THAMS CAD BZANG PO MTHONG GYUR TE, ,GANG YANG SDIG PAR MA GYUR CIG ,DE LTAR GNAS SHING RAB BRTZON LA, ,NYIN MTSAN SNYOMS LAS MED PAS NA, ,DE PHYIR MTSAN MO BZANG PO YI, ,MDO SDE THUB PAS RTAG TU GSUNGS, ,DE NAS BCOM LDAN 'DAS KYIS SEMS CAN THAMS CAD RJES SU GZUNG BA'I PHYIR MTSAN MO BZANG PO'O

250b

MDO 'DI BSHAD NAS 'GRO LDING BA'I GSANG SNGAGS KYI GZHI 'DI DAG GSUNGS SO, ,TADYA TH'A, BHI NI BHA RA DI, BI RI NI, BI RI NI, BUDDHA MA HAR T'AN DHE, MA NI NI MI NA NI, NI NI NI NI, TI TI TI TI TI, BHI RA TI, GOO RI, GANDHA RI, TZAndA LI, MA TANG GI ,PU KA SI, BRAMHA NI, DRA MI dI, DRA MI dI, SH'A BHA DI, SA D'A LAMBHE, HI N'A MA TYA MA AUDA TA RA NI; MA HO LA NA, DA LA BHA NE, DA L'A BHA DRE, MAH'A DA L'A NI, TZA L'A NI, AU SHE TZAKRA BHA KI, MAH'A TZAKRA BHA KI, SHA BA RI, SHA BA RI, MAH'A SHA BA RI, BHU TZID GI NI, BHU TZID RING GI NI, NI MI NI MING GI NI, NI MIN DHA RI BHU TA NI SV'AH'A, TADYA TH'A, AE TU TU TU, NA TU MIRNI, KERNI AING KU, SUD TA RI TZA LA, NAR TA, NAR MA LU LU, GA LU LU; AA PA TRA NO NI, SHO KA NIR, BHA RA DHA SA LE, TA RA KRE TA RE DH'A TU, NOD TU, TA LA L'A LU, BA TA BHA TI, YA BHA TI YE SV'AH'A, TDYA TH'A, AE RA K'A TE, NA RA K'A TE, BAm SU KA ,BA YEE YE, KA PO TA KA PA YEE YE TA BHO TA ZHE SV'AH'A, DGE SLONG, RIGS KYI BU'AM, RIGS KYI BU MO GANG LA LA ZHIG GIS SEMS CAN THAMS CAD RJES SU GZUNG BA'I PHYIR MTSAN MO BZANG PO'I MDO SDE 'DI'I DON DANG, TSIGS DANG, TSIGS SU BCAD PA DANG, 'GRO LDING BA'I SNGAGS KYI GZHI 'CHANG NGAM, 'DZIN TAM,

251a

, ,KLOG GAM, YID LA BYED DAM, KUN CHUB PAR BYED DAM, GZHAN DAG LA'ANG RGYA CHER YANG DAG PAR STON NA, DE'I LUS LA MES MI TSUGS PAR 'GYUR, DUG GIS MI TSUGS PA YIN, RGYAL PO'I CHAD PAS MA YIN, RKUN PO'I CHAD PAS MA YIN TE, DUS MA YIN PAR 'CHI BA'I DUS BYED PAR YANG MI 'GYUR ZHING NGES PAR MYA NGAN LAS 'DAS PAR NYE BAR 'GRO BAR 'GYUR RO, ,GANG DANG GANG DU SKYES PAR YANG, MTSAN MO BZANG PO'I MDO BKLAG NA, ,SKYE BA DRAN DANG DGRA BCOM DANG, ,DBANG PHYUG TU YANG NGES PAR 'GYUR, , LAN GCIG GIS NI GNAS KUN TU, ,DUS MIN 'CHI DANG BAR MA DOR, ,BDAG GIS BDAG LA MI SBYOR BAR, ,DUS MIN 'CHI DANG CHOS MA YIN, ,SEMS CAN THAMS CAD SRUNG ZHING SEL, ,NAD DANG MYA NGAN 'JIGS SKYE DANG, ,RMI LAM MI SHIS MYA NGAM DU, ,BRJOD NA DPAL DU BYED PA 'GYUR, ,GANG GIS BRIS TE SKYES PA DANG, ,BUD MED LUS LA BTAGS NA NI; ;SKAL PA BZAR DANG GZI BRJID DANG, ,DE YI DPAL YANG SKYE BAR 'GYUR, ,LUS DANG NGAG DANG YID KYIS SU, ,MI DGE CUNG ZAD GANG BYAS PA, ,DE DAG THAMS CAD BZANG PO'I MDOS, ,DUS MA YIN PAR 'CHI LAS SKYOB, ,RGYAL PO CHU DANG ME DANG GLOG ,CHOM PO NAD DANG DGRA DAG DANG, ,G-YUL SPROD PA DANG 'THAB PA YANG, ,BZANG PO DRAN NA SKYOB PAR

251b

BYED; ;RIG PA BZANG PO 'DI DANG NI, ,GSANG SNGAGS 'DI DAG RTAG BRJOD NA, ,MI DAG MI ZHUM DUS KUN TU, ,DE BAS 'DI NI YID KYIS BRJOD, ,'DAS PA DANG, MA BYON PA DANG, DA LTAR BYUNG BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA PHYAG 'TSAL LO, ,PHYAG 'TSAL NAS RIG SNGAGS 'DI DAG BRJOD PAR BYA STE, RIG SNGAGS 'DIS BDAG 'BYOR PAR GYUR CIG ,TADYA TH'A, NI MI NI MI NA DHA RA, TI MI TI MING GA LI, TREE LO KA AA BA LO KA NI, TRA SHU LA DHA RA nI, AA KU PA NI, KRi M'I KRI TI, KI LI KI LI, KUD TO KUD TO, ,KUD TO KUD SI, KURTI KU PI TI, BDAG DANG, SEMS CAN THAMS CAD LAG NA RDO RJE DANG LHAN CIG TU 'JIGS PA THAMS CAD DANG, NAD THAMS CAD DANG, DUG THAMS CAD DANG; RIMS THAMS CAD DANG, GDON THAMS CAD DANG, GDUG PAS ZIN PA THAMS CAD DANG, CHOM RKUN THAMS CAD DANG, MI DANG, MI YIN PA THAMS CAD DANG, 'JIGS PA DANG, GNOD PA DANG, NAD 'GO BA THAMS CAD DANG, 'THAB PA DANG, RNYOG PA DANG, SDIG PA DANG, RTZOD PA DANG, 'GYED PA DANG, MTSANG 'DRU BA THAMS CAD DANG, LUS DANG, NGAG DANG, YID KYIS NGAN PAR SPYAD PA THAMS CAD DANG, THAMS CAD DU 'JIGS PA THAMS CAD LAS SRUNG SHIG, SRUNGS SHIG ,TADYA TH'A, HI LI, MI LI, TZI LI, AI LI, MI LI, PI SHA TZI

252a

, ,P'ARnA SHA BA TI, TZI LI TZI LI SV'AH'A, BCOM LDAN 'DAS KYIS DE SKAD CES BKA' STZAL NAS, DGE SLONG DE DAG DANG, THAMS CAD DANG LDAN PA'I 'KHOR DE DAG DANG; LHA DANG, MI DANG, LHA MA YIN DANG, NAM MKHA' LDING DANG, DRI ZA DANG, MI'AM CI DANG, LTO 'PHYE CHEN PO DANG, GNOD SBYIN CHEN PO DANG, SRIN PO DANG, YI DVAGS DANG; SHA ZA DANG BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA MTSAN MO BZANG PO ZHES BYA BA'I MDO RDZOGS SO;;