`, ,SO SOR 'BRANG MA'I SGRUB THABS BZHUGS, #, ,SO SOR 'BRANG MA CHEN MO LA PHYAG 'TSAL LO, ,SNGAR BSTAN BA'I CHO GAS STONG BA NYID BSGOMS PA'I RJES LA, AA LAS SKYES PA'I ZLA BA'I DKYIL 'KHOR DU YI GE PRAm SER PO 'OD ZER SNA TSOGS LAS SEMS CAN GYI DON BYED PA STE, DE YONGS SU GYUR PA LAS SKAD CIG GIS BCOM LDAN 'DAS MA CHEN MO SO SOR 'BRANG MAR BDAG NYID BSKYED BAR BYA'O; ,MDOG SER MO ZHAL BZHI PA SPYAN GSUM PA, PHYAG BRGYAD PA STE, ZHAL DANG PO SER PO DANG, G-YAS PA DKAR PA, RGYAB SNGO BA, G-YON DMAR PO, G-YAS KYI PHYAG RNAMS KYIS RAL GRI DANG, 'KHOR LO DANG, RTZE GSUM DANG, MDA' RNAMS DANG, G-YON GYI PHYAG RNAMS KYIS GZHU DANG, ZHAGS PA DANG, DGRA STA DANG, RDO RJE RNAMS 'DZIN PA'O, ,SNA TSOGS PADMA ZLA BA'I DKYIL 'KHOR GYI GDAN LA ROL PAS BZHUGS PA, 'OD ZER DMAR PO'I DKYIL 'KHOR CAN, RGYAN THAMS CAD KYIS BRGYAN PA, GOS SNA TSOGS KYI NA BZA' BSNAMS PA, SHING NGA DPUNG CHAD DANG, RIN PO CHE SNA TSOGS KYI DBU RGYAN CAN, 'DI LTAR BSAMS LA, SKU DANG GSUNG DANG THUGS RNAMS KYI ZLA BA'I DKYIL 'KHOR LA, AOm A'A:H'Um DKAR PO DANG, DMAR PO DANG, SNGON PO'I YI GE GSUM BSAM PAR BYA'O, ,DE NAS NU MA'I DBUS SU ZLA BA LA GNAS PA'I YI GE PRAm BSAMS NAS, SNA TSOGS PA'I LHA MO RNAMS KYIS BDAG NYID MCHOD PAR BSAMS TE, JI SRID DU NGAL BAR MA GYUR BA DE SRID DU SPRO BAS BSGOM PAR BYA'O, ,NGAL BAR GYUR NA RANG GI SNYING GA'I ZLA BA LA SNGAGS MU TIG GI PHRENG BA'I TSUL DU BZLAS PAR BYA'O, ,AOm NA nI DHA RI
BADZRI MA T'A PRA TI S'A RE H'Um H'Um PHAt PHAt SV'A H'A, ZHES BA NI SNGAGS SO, ,SO SOR 'BRANG MA'I SGRUB THABS RDZOGS SO,,