, ,RGYA GAR SKAD DU, A'ARYA AUshn'I shA SI T'A TA PA TRE STO TRA, BOD SKAD DU, 'PHAGS MA GTZUG TOR GDUGS DKAR MO LA BSTOD PA, 'PHAGS MA GDUGS DKAR MO CAN LA PHYAG 'TSAL LO, ,SRID GSUM STON PA MI DANG LHA YI LHA, ,MTSUNGS MED BDE GSHEGS SH'AKYA SENG GE YI, ,MTHON MTHING G-YAS SU 'KHYIL BA'I SPYI GTZUG NAS, ,YA MTSAN RMAD BYUNG LHA MO KHRO RGYAL GTZO, ,KHAMS GSUM DAG NA KHYOD 'DRA'I MGON MED DE, ,THUGS RJE'I DBANG PHYUG BKRA SHIS MCHOG GI LHA, ,SKU MDOG GANGS RI'I RTZE LA NYI SHAR 'DRA, ,ZHAL MANG STONG LA SPYAN MANG BYE BAS BRGYAN, ,SRID PA'I BTZON RAR SEMS CAN NYAM THAG PA'I, ,SDUG BSNGAL GZIGS NAS SEMS CAN NYAM THAG LA, ,ZHAL STONG PHYAG STONG SPYAN NI STONG RNAMS KYIS, ,KUN LA KHYAB MDZAD KHYOD LA PHYAG 'TSAL BSTOD, , BDUD DANG BGEGS RIGS PHAS KYI RGOL BA RNAMS, ,SPYAN MNGA' GCIG GIS KHRO GNYER 'GA' STON PAS, ,GNOD BA'I RGYUN RNAMS GTAN NAS 'JOMS MDZAD PA, ,RGOL BA TSAR GCOD KHYOD LA PHYAG 'TSAL BSTOD, ,MA RIG NOR BAS BSLUS PA'I SEMS CAN RNAMS, ,RANG GI LAS KYI RNAM PAR SMIN PA YIS, ,'DU BA RNAMS BZHI'I RIMS NAD MI BZAD PA, ,ZHI MDZAD THUGS RJE CAN LA PHYAG 'TSAL BSTOD, ,JI LTAR KHYOD KYIS SEMS CAN MANG PO LA, ,THUGS RJE MCHOG GIS 'GRO DON NYER BZUNG NAS, ,SRID GSUM 'JIGS BA CHE LAS BSGRAL GYUR CING, ,SDUG
, ,BSNGAL MANG PO'I NAD LAS THAR MDZAD LTAR, ,BDAG KYANG KHYOD BZHIN 'GRO BA'I MGON GYUR TE, ,SEMS CAN KLU YI ZHAGS PAS ZIN PA DANG, ,NAD KYI BSKAL PAS NYEN PA'I SEMS CAN LA, ,SDUG BSNGAL SEL BA'I SKYABS SU BDAG GYUR CIG ,'PHAGS PA GDUGS DKAR CAN LA BSTOD PA, SLOB DPON GI RI WA TAS MDZAD PA RDZOGS SO,,