, (,'DI MAN MDO TSAN BCU GSUM SNAR THANG BAR DU MDO AA PA'I GSHAM DU YOD KYANG, SDE DGER GSAR 'GYUR MDO RNAMS SHER PHYIN DU GTOGS PA MA YIN MOD KYI, PHYIS 'GYUR BA RNAMS PHYOGS GCIG TU GLEGS BAM 'DI'I GSHAM DU BKOD 'DUG CING, THEG PA CHE CHUNG GANG YIN DANG, SNGA 'GYUR DANG ZLOS PA YOD MED SOGS KYANG MA BRTAGS BAR BZHAG BSNANG BA BZHIN BYAS ZHES GSUNGS PA LTAR, 'DIR YANG PO DGRA MTSUNGS CHED 'DIR BZHUGS,, ,,) RGYA GAR SKAD DU, DHARMA TZAKRA PRA BRTAN S'U TRA, BOD SKAD DU, CHOS KYI 'KHOR LO RAB TU BSKOR BA'I MDO, 'PHAGS PA DKON MCHOG GSUM LA GUS PAR PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS YUL W'A RA n'A SI'I DRANG SRONG LHUNG BA RI DVAGS RGYU BA'I GNAS NA BZHUGS SO, , DE NAS BCOM LDAN 'DAS KYIS DGE SLONG LNGA SDE RNAMS BOS TE BKA' STZAL PA, DGE SLONG DANG, RAB TU BYUNG BDAG ,MTHA' GNYIS PO 'DI LA GNAS PAR MI BYA'O, ,GANG SU DAG 'DIR 'DOD PA RNAMS DANG, BDE BA LA ZHEN PA NI MI RIGS PA DANG, DMAN PAR 'GYUR RO, ,SO SO'I SKYE BO RNAMS NI DON MED PA DANG LDAN PA'I PHYIR, GANG SU DAG LUS DUB PA DANG, 'BRAL BA'I SDUG BSNGAL BSNGAGS PAR BYA BA MA YIN PA RNAMS KYIS DON MED PA DANG LDAN NO, ,DGE SLONG DAG ,'DI
RNAMS NI MTHA' GNYIS KYI MTHA' STE, DE LA 'JUG PAR MI BYA'O, ,DE BZHIN GSHEGS PA MNGON PAR RDZOGS PAR SANGS RGYAS NAS DBU MA'I LAM 'DI GSUNGS SO, ,MIG BYED PA DANG, YE SHES BYED PA DANG, ZHI BAR BYED PA DANG, MNGON PAR SHES PA DANG, YANG DAG PAR KHONG DU CHUD PA DANG, MYA NGAN LAS 'DAS PA LA YANG DAG PAR 'JUG GO ,DGE SLONG DAG ,DE BZHIN GSHEGS PAS MNGON PAR RDZOGS PAR SANGS RGYAS NAS GSUNGS PA'I DBU MA'I LAM GANG ZHE NA, MIG BYED PA DANG, YE SHES BYED PA DANG, ZHI BAR BYED PA DANG, MNGON PAR SHES PA DANG, YANG DAG PAR KHONG DU CHUD PA DANG, MYA NGAN LAS 'DAS PA LA YANG DAG PAR 'JUG GO ,DBU MA'I LAM NI 'PHAGS PA'I LAM YAN LAG BRGYAD DE, BRGYAD PO 'DI NI, 'DI LTA STE, YANG DAG PA'I LTA BA DANG, YANG DAG PA'I RTOGS PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,DBU MA'I LAM 'DI 'ANG DE BZHIN GSHEGS PA MNGON PAR RDZOGS PAR SANGS RGYAS NAS GSUNGS SO, ,MIG BYED PA DANG, YE SHES BYED PA DANG, ZHI BAR BYED PA DANG, MNGON PAR
, ,SHES PA DANG, YANG DAG PAR KHONG DU CHUD PA DANG, MYA NGAN LAS 'DAS PA LA YANG DAG PAR 'JUG GO ,'DI 'ANG, DGE SLONG NGAG, SDUG BSNGAL 'PHAGS PA'I BDEN PA STE, SKYE BA'I SDUG BSNGAL DANG, RGA BA'I SDUG BSNGAL DANG, NA BA'I SDUG BSNGAL DANG, 'CHI PA'I SDUG BSNGAL DANG, MI SDUG PA DANG PHRAD PA'I SDUG BSNGAL DANG, SDUG PA DANG BRAL BA'I SDUG BSNGAL DANG, GANG 'DOD PA BTZAL TE MA RNYED PA DE YANG SDUG BSNGAL BA DANG, MDOR NA NYE BAR LEN PA'I PHUNG PO LNGA SDUG BSNGAL LO, ,'DI YANG, DGE SLONG DAG, SDUG BSNGAL KUN 'BYUNG 'PHAGS PA'I BDEN PA STE, GANG SRED PA 'BYUNG BA CAN DANG, DGA' BA'I 'DOD CHAGS DANG LDAN PA DANG, DE DANG, DE LA MNGON PAR DGA' BA NI, 'DI LTA STE, 'DOD PA'I SRED PA DANG, 'KHOR BA LA SRED PA DANG, 'KHOR BA DANG BRAL BA LA SRED PA'O, ,'DI YANG, DGE SLONG DAG ,SDUG BSNGAL 'GOG PA 'PHAGS PA'I BDEN PA STE, GANG ZHIG 'DI BZHIN SRED PA MA LUS PA LA 'DOD CHAGS DANG BRAL BA DANG, 'GOG PA DANG, BOR BA DANG, SO SOR BSGYUR BA DANG, GROL BA DANG, GROL BA LA ZHUM PA MED PA'O, ,'DI YANG, DGE SLONG DAG, SDUG BSNGAL 'GOG
PAR 'GRO BA'I LAM 'PHAGS PA'I BDEN PA'O, ,'DI YANG 'PHAGS PA'I LAM YAN LAG BRGYAD PA STE, 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I TING NGE 'DZIN TO, ,DGE SLONG DAG , 'DI NI SDUG BSNGAL 'PHAGS PA'I BDEN PA STE, SNGAR CHOS MA THOS PA LA, MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,DE YANG SDUG BSNGAL 'PHAGS PA'I BDEN PA STE, DGE SLONG DAG ,'DI YONGS SU SHES PAR BYA'O, ,SNGAR CHOS MA THOS PA LA, MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,'DI NI SDUG BSNGAL KUN 'BYUNG 'PHAGS PA'I BDEN PA STE, DGE SLONG DAG, 'DI NI SNGAR CHOS MA THOS PA LA, MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA? DANG, SNANG BA BSKYED PA'O, ,'DI YANG SDUG BSNGAL KUN 'BYUNG 'PHAGS PA'I BDEN PA STE RAB TU SPANG BAR BYA'O, ,DGE SLONG DAG ,'DI NI SNGAR CHOS MA THOS PA
, ,LA; MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,'DI NI SDUG BSNGAL 'GOG PA 'PHAGS PA'I BDEN PA STE, DGE SLONG DAG ,'DI NI SNGAR CHOS MA THOS PA LA, MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,'DI YANG SDUG BSNGAL 'GOG PA 'PHAGS PA'I BDEN PA STE, MNGON SUM DU BYA'O, ,DGE SLONG DAG ,'DI NI SNGAR CHOS MA THOS PA LA, MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O, ,DGE SLONG DAG ,'DI NI SNGAR CHOS MA THOS PA LA, MIG BSKYED PA DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,'DI YANG SDUG BSNGAL 'GOG PAR 'GRO BA'I LAM 'PHAGS PA'I BDEN PA STE, BSGOM PAR BYA'O, ,DGE SLONG DAG ,'DI NI SNGAR CHOS MA THOS PA LA, MIG BSKYED PA
DANG, YE SHES BSKYED PA DANG, SHES RAB BSKYED PA DANG, RIG PA BSKYED PA DANG, SNANG BA BSKYED PA'O, ,DGE SLONG DAG ,DE LTAR BSHAD PA RNAM PA BZHI PO 'DI NI 'PHAGS PA'I BDEN PA'O, ,'DI LTAR LAN GSUM DU BZLAS TE, RNAM PA BCU GNYIS PO JI LTAR GYUR PA RNAMS YE SHES MTHONG BA SHIN TU RNAM PAR DAG PA YIN NO, ,DGE SLONG DAG ,NGA SPANGS TE, LHA DANG BCAS PA'I 'JIG RTEN DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG BCAS PA DANG, SKYE DGU'I BDAG PO DANG, LHA DANG MIR BCAS PA RNAMS LAS, BLA NA MED PA YANG DAG PAR RDZOGS PA'I SANGS RGYAS GZHAN MED DO, ,DGE SLONG DAG , GANG YANG 'DI NI 'PHAGS PA'I BDEN PA BZHI PO 'DI LTAR LAN GSUM DU BZLAS TE, RNAM PA BCU GNYIS SU JI LTAR GYUR PA'I YE SHES MTHONG BA SHIN TU RNAM PAR DAG PA YIN NO, ,JI LTAR DGE SLONG DAG ,NGA NI 'JIG RTEN LHA DANG BCAS PA DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG BCAS PA DANG, SKYE DGU'I BDAG PO DANG,, LHA DANG, MIR BCAS PA RNAMS LAS, BLA NA MED PA YANG DAG PAR RDZOGS PA'I SANGS RGYAS MNGON PAR RDZOGS PAR SANGS
, ,RGYAS NAS SO SOR RTOGS SO, ,YE SHES 'DI YANG BDAG MTHONG BAR GYUR PA DANG, SNGAR MED PA'I RNAM PAR GROL BA DANG, BDAG NI LHAG MA MED PAR YANG SRID PA LEN PA MED PAR MYA NGAN LAS 'DAS SO, ,BCOM LDAN 'DAS KYIS DE SKAD CES BKA' STZAL PA DANG, DGE SLONG LNGA SDE BCOM LDAN 'DAS KYIS GSUNGS PA LA MNGON PAR DGA'O, ,'DI LTAR LUNG DU BSTAN PA DE TSUN CHOD NAS, TSE DANG LDAN PA KOOndI N+YAS RDUL SPANGS PA DANG, DRI MA MED PA'I CHOS KYI MIG SKYES SO, ,GANG CUNG ZAD KUN 'BYUNG BA'I CHOS THAMS CAD NI DE 'GOG PA'I CHOS YIN NO, ,BCOM LDAN 'DAS KYIS CHOS KYI 'KHOR LO RAB TU BSKOR ZHING BSKOR NAS, SA'I LHA RNAMS KYIS BSTOD PA'I SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MI NUS PA 'DI NI BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS BLA NA MED PA'I CHOS KYI 'KHOR LO RAB TU MA BSKOR BA BSKOR TO, ,DE NAS SA'I LHA'I SGRA THOS NAS RGYAL CHEN RIS BZHI'I LHA RNAMS KYIS BSTOD PA'I SGRA
BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MI NUS PA 'DI NI BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS BLA NA MED PA'I CHOS KYI 'KHOR LO MA BSKOR BA BSKOR TO, , RGYAL CHEN RIS BZHI'I LHA RNAMS KYIS BSTOD PA'I SGRA THOS NAS, SUM CU RTZA GSUM GYI LHA RNAMS KYIS BSTOD PA'I SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MI NUS PA 'DI NI, BCOM LDAN 'DAS KYIS YUL W'A RA n'I'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS BLA NA MED PA'I CHOS KYI 'KHOR LO MA BSKOR BA BSKOR TO, ,SUM CU RTZA GSUM GYI LHA RNAMS KYIS BSTOD PA'I SGRA THOS NAS, 'THAB BRAL GYI LHA RNAMS KYIS BSTOD PA'I SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MI NUS PA 'DI NI, BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I
, ,GNAS SU BZHUGS NAS BLA NA MED PA'I CHOS KYI 'KHOR LO MA BSKOR BA BSKOR TO, ,'THAB BRAL GYI LHA RNAMS KYIS BSTOD PA'I SGRA THOS NAS, DGA' LDAN GYI LHA RNAMS KYIS BSTOD PA'I SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM , 'JIG RTEN DU GZHAN SUS KYANG BSKOR BAR MI NUS PA 'DI NI BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS BLA NA MED PA'I CHOS KYI 'KHOR LO MA BSKOR BA BSKOR TO, ,DG'A LDAN GYI LHA RNAMS KYIS BSTOD PA'I SGRA THOS NAS, 'PHRUL DGA'I LHA RNAMS KYIS BSTOD PA'I SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MA NUS PA 'DI NI BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS, BLA NA MED PA'I CHOS KYI 'KHOR LO MA BSKOR BA BSKOR TO, ,'PHRUL DGA'I LHA RNAMS GYIS BSTOD PA'I SGRA THOS NAS, GZHAN 'PHRUL DBANG BYED KYI LHA RNAMS KYIS BSTOD PA'I
SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MI NUS PA 'DI NI BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS BLA NA MED PA'I CHOS KYI 'KHOR LO MA BSKOR BA BSKOR TO; ;GZHAN 'PHRUL DBANG BYED KYI LHA RNAMS KYIS BSTOD PA'I SGRA THOS NAS, TSANGS RIS KYI LHA RNAMS KYIS BSTOD PA'I SGRA BSGRAGS SO, ,DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, 'JIG RTEN DU GZHAN SUS KYANG BSKOR BAR MI NUS PA 'DI NI BCOM LDAN 'DAS KYIS YUL W'A RA n'A SI'I DRANG SRONG LHUNG BA DANG, RI DVAGS RGYU BA'I GNAS SU BZHUGS NAS BLA NA MED PA'I CHOS KYI 'KHOR LO MA BSKOR BA BSKOR TO, ,DE NAS SKAD CIG DANG, YUD TZAM DE LA TSANGS PA'I 'JIG RTEN GYI BAR DU SGRAS KHYAB PAR GYUR TO, ,'DIR YANG 'JIG RTEN GYI KHAMS STONG PHRAG BCU YANG DAG PAR G-YOS SO, ,YANG DAG PAR RAB TU G-YOS SO, ,YANG DAG PAR RAB TU LDEG GO ,BAG YOD PAR GYUR, YA MTSAN DU GYUR, SNANG BAR GYUR, 'JIG RTEN RNAMS SU DE LTAR GYUR TO, ,'JIG RTEN RNAMS SU DE LTAR GYUR TE, TSANGS PAS
, ,CHOS BSTAN PA THOS NAS LHA RNAMS RANG RANG GI GNAS SU SONG NGO, ,DE NAS YANG BCOM LDAN 'DAS KYIS CHED DU BRJOD PA CHED DU BRJOD DE, KUN SHES PA'I PHYIR KOO ndI N+YA'O, ,KUN SHES PA RNAMS KYIS KOOndI N+YA'O, ,DE'I PHYIR 'DI NI TSE DANG LDAN PA KOOndI N+YA STE, KUN SHES KOOndI N+YA ZHES BYA BA'I MING THOB BO, ,CHOS KYI 'KHOR LO BSKOR BA'I MDO RDZOGS SO,, ,,SANGS RGYAS KYI BSTAN PA LA MI PHYED PA'I DAD PA DANG LDAN ZHING, GTZUG LAG GNYIS LA THUGS LEGS PAR BYANG BA, DPAL 'BYOR DBANG PHYUG DAM PA DKAR PHYOGS KYI ZLA BA LTAR 'PHEL BA'I ZHA LU BA SKU ZHANG GRAGS PA RGYAL MTSAN DU DBEN SHA'I BKA' LUNG GIS BYANG CHUB KYI SNYING PO RDO RJE'I GDAN LAS, LHO PHYOGS SU DPAG TSAD DRUG BRGYA TZAM BGROD PA'I GNAS SIm GHA GLING BA BRAM ZE'I RIGS LAS LEGS PAR RAB TU BYUNG ZHING, BSNYEN PAR RDZOGS PA SDE SNOD GSUM LA THUGS LEGS PAR BYANG BA'I PAndI TA CHEN PO A'A NANDHA SHRI'I ZHAL SNGA NAS, MANG DU THOS PA'I LO TZ'A BA SH'AKYA'I DGE SLONG NYI MA RGYAL MTSAN DPAL BZANG POS, SKAD GNYIS SMRA BA RNAMS KYI GDAN SA GTZUG LAG KHANG CHEN PO DPAL THAR BA GLING DU BSGYUR CING ZHUS TE GTAN LA PHAB PA'O, ,SA'I STENG DU NYI MA DANG ZLA BA LTA
BUR GYUR CIG,