, ,RNAL 'BYOR PA ZHI BA'I SBYIN SREG BYED PAR 'DOD PAS, DANG POR SA GZHI SHIN TU KHA DOG DKAR BDAG BA LA THAB KHUNG ZLUM PO RGYAR KHRU GANG ZABS SU KHRU PHYED PA, KHA KHYER SOR BZHI PA DANG LDAN PAR BYA STE, DE LA DRI DKAR POS BYUG PA DANG, ME TOG DKAR PO GTOR BAR BYA'O, ,DE YANG DBUS SU PADMA'I STENG DU RDO RJES MTSAN PA BRIS TE, KHA KHYER YANG RDO RJES BSKOR BAR BYA'O,, DE NAS THAB KHUNG DU BUD SHING BRTZIG PA DANG, MCHOD PA DANG GTOR MA BSHAMS TE, ZHI BA'I RDZAS TIL DANG, MAR DANG, KU SHA DANG, D'UR BA DANG, NAS DANG, GRO DANG, DKAR GSUM MNGAR GSUM LA SOGS PA BSAGS TE, RANG NYID KHRUS BYAS TE, GOS GTZANG MA BGOS NAS, STAN BDE BA LA PADMA'I 'DUG STANGS SAM, RDO RJE'I SKYIL MO KRUNG GIS KHA SHAR DU BLTAS TE GNAS PAR BYA'O, ,DE NAS RANG NYID SGRUB THABS LAS 'BYUNG BA LTAR LHA'I RNAL 'BYOR BYAS TE, DE NAS MA H'A SH'U N+YA DZA T'A DZNY'A NAS, THAB DANG RDZAS RNAMS STONG PAR BYAS TE, RAm LAS THAB KHUNG 'BAR BA'I GZHAL YAS KHANG DU BSAMS TE, DE'I DBUS SU SENG GE NYI MA PADMA'I STENG DU, SNGAR BZHIN DU CHO GA'I YAN LAG GSUM GYIS GDUGS DKAR MO CAN 'KHOR DANG BCAS PA BSKYED BAR BYA'O, ,DE NAS MCHOD PA BSANG ZHING BYIN GYIS BRLABS NAS MDUN DU YE SHES KYI 'KHOR
, ,LO SPYAN DRANGS TE, MCHOD PA DANG BSTOD PA BYAS LA, SREG RDZAS RNAMS GDUGS DKAR MO'I SNYING POS BSREG PAR BYA'O, ,RDZAS DE RNAMS RE RE YANG BDUN NAM NYI SHU RTZA GCIG TU 'KHOR DANG BCAS PA RNAMS LA 'BUL LO, ,MTHAR YANG MCHOD PAS MNYES SHING TSIM PAR BYAS NAS BZOD PAR GSOL TE DGE RTZAR BSNGOS NAS YE SHES KYI LHA GSHEGS SU GSOL LA, DAM TSIG PA RANG LA BSDU'O, ,DE LTA BU'I ZHI BA'I CHO GA YANG NAD DANG GDON LA SOGS PA ZHI BAR GYUR PA DE SRID KYI BAR DU BDUN NAM NYI SHU RTZA GCIG GI BAR DU BYA'O, ,ZHI BA'I SBYIN SREG SLOB DPON TZANDRA GO MI'I GLING PAS MDZAD PA RDZOGS SO,,