, ,LHA MO GDUGS DKAR MO CAN LA PHYAG 'TSAL LO, ,PHYUGS NAD SRUNG BAR 'DOD PAS, DANG POR GOR GYI 'BYUNG PO LA MCHOD PA DANG GTOR MAS TSIM PAR BYAS TE, DE NAS BSGRUB BYA RNAMS LA THAMS CAD 'JOMS PAR BYED PA'I SNGAGS KYIS BGEGS BSKRAD CING GZIR BA DANG, SRUNG BA'I 'KHOR LO BTAGS TE KHRUS BYA BA DANG, 'PHAGS PA GDUGS
DKAR MO CAN SGOM PA'I RNAL 'BYOR PAS, MTHAR MCHOD BSTOD BYAS TE, GOR ZHI BA'I GSOL BA GDAB PA DANG, TSANGS PA LA SOGS PA MCHOD PA DANG GTOR MAS TSIM PAR BYAS TE GSOL BA GDAB PAR BYA'O, ,DE YANG BAR SKABS SU GDUGS DKAR MO DANG SRUNG MA'I TSOGS LA GSOL BA GDAB CING, SNYIM PA SBYAR TE BSRUNG BAR BYA'O, ,KHYAD PAR DU GOR GYI 'BYUNG PO LA 'BYUNG GTOR GYIS MNYES PAR BA'O, ,DE LTAR THUN BZHI'I SBYOR BAS RTAG TU BSGOMS PAS MTHAR PHYIN PA DANG, 'JIG RTEN PA DANG 'JIG RTEN LAS 'DAS PA LA MCHOD BSTOD BYAS TE, PHYUGS DE RNAMS GNAS DBEN PAR GNAS PAR BYA'O, ,DE LTA BUS NI GOR THAMS CAD ZHI BAR 'GYUR RO, ,GOR SRUNG BA'I CHO GA SLOB DPON TZANDRA GO MIS MDZAD PA RDZOGS SO,,