, ,DNGOS GRUB BSGRUB PAR 'DOD NA, GNAS YID DANG MTHUN ZHING BKRA SHIS PAR GRO GA'AM RAS LA GZUNGS 'DI BRIS TE, GDUGS KYI RGYAL MTSAN GYI RTZE MO LA BTAGS PA'AM, YANG NA RIN PO CHE'I SGROM DU BCUG STE, MAndAL GYI DBUS SU BZHAG NAS SAM DNGOS GRUB KYI RTEN PA DMAR SER GYI ZHO'AM, MAR KHU'AM YANG NA CHANG NGAM, ZAN LA SOGS PA BZHAG NAS LHA'I RNAL 'BYOR BYAS TE GSOL BA BTAB LA, TSANGS PA DANG DBANG PO LA SOGS PA LA GTOR MA SBYIN TE, YANG GSOL BA BTAB NAS DNGOS GRUB GSOL BAR DMIGS TE BSGOM ZHING BZLAS PAR BYA'O, ,DE NAS NAM ZHIG NA DU BA DANG, DRO BA DANG, 'BAR BA KUN BYUNG NAS 'THUNGS SAM, ZOS NA TSE RING BA DANG, DBANG CHE BA DANG, RIGS RGYAS PA DANG, NAM MKHAR 'GRO BA LA
, ,SOGS PA 'BYUNG BAR 'GYUR RO, ,YANG NA BU 'DOD PA GANG LA LAS GZUNGS 'DI BRIS TE, GDUGS SA MA RGYAL MTSAN GYI RTZE MO LA BTAGS NAS LHA'I RNAL 'BYOR DANG LDAN PAS, BSKOR BA DANG MCHOD PA BYED CING TSANGS PA LA SOGS PA LA MCHOD PA DANG GTOR MA SBYIN TE, GSOL BA BTAB NA BU 'DOD PA NGES BU RNYED DE TSE DANG BSOD NAMS KYI STOBS KYANG DPAG TU MED PA YANG RNYED DO, ,DNGOS GRUB BSGRUB PA'I THABS RDZOGS SO,,