`, ,GTZUG TOR DRI MED KYI GZUNGS CHOG BZHUGS, *, ,BLA MA RNAMS LA PHYAG 'TSAL LO, ,GAL TE CHO GA BYA BAR 'DOD NA DES KHRUS BYAS LA GOS BTZANG MA BGOS, SPOS KYI DKYIL 'KHOR GRU BZHI PA BYA'O, ,SNYING PO'I RIG SNGAGS GRO GA LA BRI BAR BYA'O, ,MCHOD RTEN LNGA GDAB PAR BYA, ,RIG SNGAGS 'DI YANG MCHOD RTEN GYI NANG DU GZHUG PAR BYA, MCHOD RTEN NI GRVA BZHIR GZHAG PAR BYA, GCIG NI DKYIL 'KHOR GYI DBUS SU GZHAG PAR BYA, SHING BU BTZUGS TE BA DAN DMAR PO DPYANG PAR BYA'O, ,ME TOG GIS GTOR BAR BYA, BUM PA GANG BA BZHI BZHAG ,GRVA BZHIR POG PHOR BZHI DANG, TU RU SKA DANG, AA KA RU DANG, GU GUL GYI DUD PAS BDUG PAR BYA'O, ,SPOS KYI MCHOD YON GYI SNOD BZHI GZHAG PAR BYA, YID BZHIN GYI NOR BU RIN PO CHE'I SNGAGS 'DI GNYIS KYANG LAN BRGYA RTZA BRGYAD BZLAS BRJOD BYA, DKYIL 'KHOR LA BSKOR BAR BYA'O, ,NAD KYIS BTAB PA, GNOD PA, NAD TSABS CHE BA, TSE ZAD PA, DUS MA YIN PAR
, ,'CHI BAS 'JIGS PA, RGYAL PO DANG, PHA ROL GYI DMAG TSOGS KYIS 'JIGS PA, BU 'DOD PA RNAMS DKYIL 'KHOR LA MNGON PAR PHYOGS PAR GZHAG GO, ,RMA BYA'I SGRO LNGAS BYA BA PAR BYA'O, ,MCHOD RTEN GYI DKYIL 'KHOR LA MCHOD PAR BYA'O, ,CHO GA 'DI LAN GCIG BYAS NA BSKAL PA 'BUM DU BYAS PA'I LAS KYI SGRIB PA MED PAR 'GYUR RO, ,KUN NAS SGOR 'JUG PA'I 'OD ZER GTZUG TOR DRI MA MED PAR SNANG BA DE BZHIN GSHEGS PA THAMS CAD KYI SNYING PO DANG, DAM TSIG LA RNAM PAR BLTA BA'I GZUNG SNGAGS 'DI BRIS LA MCHOD RTEN GYI NANG DU GZHUG GO, , MCHOD RTEN GSAR PA'AM, RNYING PA BCOS PA YANG RUNG, DE'I NANG DU GZHUG ,SPOS DANG BYUG PA YANG DBUL LO, ,GZUNGS KYI SNGAGS ZLOS SHING BRGYA RTZA BRGYAD BSKOR BAR BYA, NYIN ZHAG RE LA NYIN LAN GSUM MTSAN LAN GSUM DRAN PAR BYA'O, ,DE NAS NYI MA SHAR BA DANG SHAR PHYOGS SU SPOS KYI DKYIL 'KHOR BYA, NYI MA LA LOGS SU ME TOG GIS GTOR RO, ,AA KA RU DANG, TU RUSKA'I DU BAS BDUGS TE, DE BZHIN GSHEGS PA THAMS CAD LA PHYAG BYAS LA LAN BRGYA RTZA BRGYAD BZLAS BRJOD BYA'O, ,MCHOD RTEN BRGYA RTZA BRGYAD BTAB LA RIG SNGAGS KYI SNYING PO BRIS TE MCHOD RTEN GYI NANG DU BCUG ,DKYIL 'KHOR GYI STENG DU BZHAG NA GANGG'A'I KLUNG BYE BA KHRAG KHRIG 'BUM PHRAG DGU'I BYE MA SNYED KYI DE BZHIN GSHEGS PA RNAMS KYI SKU GDUNG RING BSREL MCHOD RTEN RE RE'I NANG DU BCUG PAR 'GYUR RO, ,SNYING PO 'DI BRIS LA GZHUG GO, ,GTZUG TOR DRI MA MED PA'I GZUNGS KYI CHO GA RDZOGS SO,,