The Sutra on the Duration of Lifetimes (Āyuṣparyanta Sūtra)

RGYA GAR SKAD DU, A'A YU PA RYANTA S'U TRA, BOD SKAD DU, TSE'I MTHA'I MDO, DKON MCHOG GSUM LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYED SEMS CAN RNAMS KYI TSE'I MTHA' THOS PAR 'DOD DAM, BCOM LDAN 'DAS, DE'I DUS LA BAB LAGS SO, ,BDE BAR GSHEGS PA, DE'I DUS LA BAB LAGS SO, ,BCOM LDAN 'DAS, SEMS CAN RNAMS KYI TSE'I MTHA' BSTAN PA BCOM LDAN 'DAS LAS THOS NAS DGE SLONG DAG 'DZIN PAR BGYID LAGS SO, ,DGE SLONG DAG ,DE'I PHYIR LEGS PAR RAB TU NYON LA YID LA ZUNGS SHIG DANG NGAS BSHAD DO, ,DGE SLONG DAG ,DMYAL BA RNAMS KYI TSE'I TSAD NI RING NA BSKAL PA GCIG STE, BAR MA DOR 'CHI BA NI YOD DO, ,DGE SLONG DAG,

DUD 'GRO RNAMS KYI TSE'I TSAD NI RING NA BSKAL PA GCIG STE, BAR MA DOR 'CHI BA NI YOD DO, ,DGE SLONG DAG ,MI RNAMS KYI NYIN ZHAG SUM CU GANG YIN PA DE YI DVAGS RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, YI DVAGS RNAMS KYI TSE'I TSAD NI LO DE LTA BUR BRTZIS PA'I LNGA BRGYA THUB STE, DE MI'I LTAR BRTZIS NA LO KHRI LNGA STONG YOD DE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, JI LTAR RAB TU CHE BA'I LUS 'GRENG ZHING, ,MCHU DANG MID BSKAMS SHIN TU SDUG BSNGAL BA, ,RANG GI SKRAS YOG KHA GDANGS GNAM DU LTA, ,SNA NI KHAB LTAR RAB TU PHRA BA DANG, ,RUS GONG 'DRA LUS GCER BU RANG SKRAS YOG ,GZUGS MI SDUG PA 'GRENG ZHING THOD PA THOGS, ,BKRES DANG SKOM DANG NGAL BAS RA BA GZIR GANG, ,CHO NGES 'DEBS SHING KUN TU RGYUG PA DAG ,NYAM THAG SKAD 'BYIN SDUG BSNGAL TSOR BA MYONG, ,PHAN TSUN PHRAG DOG SER SNA 'DIR BSTEN CING, ,'DIR NI SDIG PA'I LAS DAG BYAS PA YIS, ,YI DVAGS 'JIG RTEN DU NI DE DAG SKYES, ,DGE SLONG DAG ,SHAR GYI LUS 'PHAGS KYI MI RNAMS KYI TSE'I TSAD NI LO NYIS BRGYA LNGA BCU STE, BAR MA DOR 'CHI BA NI YOD DO, ,DGE SLONG DAG ,NUB KYI BA LANG SPYOD KYI MI RNAMS KYI TSE'I TSAD LO LNGA BRGYA STE, BAR MA DOR 'CHI BA NI YOD DO, ,DGE SLONG DAG ,BYANG

, ,GI SGRA MI SNYAN RNAMS KYI TSE'I TSAD NI LO STONG STE, BAR MA DOR 'CHI BA NI MED DO, ,RGYU GANG GIS SGRA MI SNYAN PA RNAMS KYI TSE'I TSAD NI LO STONG THUB LA, BAR MA DOR 'CHI BA NI MED CE NA, DGE SLONG DAG ,BYANG GI SGRA MI SNYAN GYI MI RNAMS NI BDAG GI BA MED CING YONGS SU 'DZIN PA MED LA TSE NGES PA YOD CING 'DI NAS SHI 'PHOS NAS KYANG KHYAD PAR DU 'GRO BA STE, PHYI MA LA MTHO RIS SU NYE BAR 'GRO'O, ,DGE SLONG DAG ,RGYU DES NA BYANG GI SGRA MI SNYAN GYI MI RNAMS KYI TSE'I TSAD NI LO STONG THUB LA BAR MA DOR 'CHI BA NI MED DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, DBUL BAS SDUG BSNGAL SEMS CAN DAG ,GZHAN GYI NOR LA SMON PAR BYED, ,DE DAG DAM PA MA BSTEN PAS, ,GZHAN GYI MNGAG GZHUG NGAN CING DMAN, ,LONGS SPYOD DAG DANG LDAN PA YI, ,PHYUG CING NOR MANG SEMS CAN NI, ,NOR DANG 'BRU DANG SKYE BOR LDAN, ,DE DAG DAM PA BSTEN PA YIN, ,BSOD NAMS PHYUG PAS NYER 'TSO BA'I, ,DGE BA'I LAS NI 'DIR BYAS PAS, ,'BYOR PA CHEN PO PHUN SUM TSOGS, ,LHA BZHIN DU NI DGA' BAR BYED, ,LKOG GYUR GANG YIN MI SNANG STE, , MNGON SUM 'DI LA BLTA BAR BYOS, ,GANG ZAG KHA CIG 'JIG RTEN NA, ,BDE LDAN SNGON BYIN 'BRAS BU YIN, ,BYANG PHYOGS GLING GI MI RNAMS NI, ,BDAG GI MED CING YONGS 'DZIN

MED; ;DPAG BSAM LAS BYUNG GOS STEN PA, ,DE NI SNGON BYIN 'BRAS BU YIN, ,DE DAG GRANG DANG TSA BA MED, ,DE DAG LA NI NAD MED CING, ,GZUGS DANG KHA DOG PHUN SUM TSOGS, ,DE NI SNGON BYIN 'BRAS BU YIN, ,BYANG PHYOGS GLING NA MA NYAMS SHING, ,MA GRUGS DAG CING GTZANG BA DANG, ,SHIN TU DKAR BA'I S'A LU SKYE, ,DE NI SNGON BYIN 'BRAS BU YIN, ,NOR BU 'OD BYED 'BAR BA YIS, ,DE RNAMS RTAG TU MDZES PA DANG, ,DE DAG ZAS NI 'JU BYED GANG, ,DE NI SNGON BYIN 'BRAS BU YIN, ,DE DAG LA NI TSOD MA DANG, ,SRAN TSOD KYANG NI CUNG ZAD MED, ,KHA DOG DRI DANG ROR LDAN PA'I, ,S'A LU DAG NI RTAG TU ZA, ,ZAS NI LAN GCIG BYIN PA YIS, ,STAN LAS MA LANGS BAR DU NI, ,ZAD MI SHES PAR SDER LA YOD, ,DE NI SNGON BYIN 'BRAS BU YIN; ;KU BA'I 'BRAS BU 'DRA BA DANG, ,BCAD KYANG YAL GA LAS SKYES TE, ,BRNGAS NAS BTZO MI DGOS PAR ZA, ,DE NI SNGON BYIN 'BRAS BU YIN, ,DE DAG 'BAB CHU BSIL BA DANG, ,'THUNGS KYANG LTO LA MI GNOD PA'I, ,YAN LAG BRGYAD LDAN CHU LA YOD, ,DE NI SNGON BYIN 'BRAS BU YIN, ,ROL MO'I LJON SHING GANG DAG GIS, ,DE DAG RTAG TU RTZE ZHING DGA', ,YID NI RTAG TU BDE DANG LDAN, ,DE NI SNGON BYIN 'BRAS BU YIN, ,DE DAG ROL MO'I LJON SHING BZANG, ,GOS KYI LJON SHING MANG PO DANG, ,SPOS KYI LJON SHING PHUN SUM TSOGS, ,DE NI SNGON BYIN 'BRAS

, ,BU YIN, ,SPOS DANG ME TOG ROL MO DANG, ,DE BZHIN DU NI GOS RNAMS KYANG, ,GANG DAG JI LTAR 'DOD PA BZHIN, ,DE DAG DE BZHIN 'BYUNG BAR 'GYUR, ,NE'U GSING DAG NI SNGON PO LA, ,SHING BAL LTA BUR RAB 'JAM PA, ,GANG DU DE DAG RTAG RTZE BA, ,DE NI SNGON BYIN 'BRAS BU YIN, ,DE DAG LA NI KHRO MED CING, ,SER SNA DANG NI PHRAG DOG MED, , PHAN TSUN DAG TU RTZE BYED PA, ,DE NI SNGON BYIN 'BRAS BU YIN, ,MTSAN MO THUN TSOD DANG PO LA, ,SKAD CIG TZAM ZHIG CHAR 'BEBS CING, ,RDUL RNAMS MED PAR BYED PA STE, ,DE NI SNGON BYIN 'BRAS BU YIN, ,DE DAG YONGS SU 'DZIN MED PAS, ,MA DANG BUR YANG MI SHES SHING, ,SDUG BSNGAL MED PAS MYA NGAN MED, ,DE NI SNGON BYIN 'BRAS BU YIN, ,MA DAG GIS KYANG RANG GI BU, ,LAM STONG DAG TU BOR TE 'GRO ,MTHE BO LAS NI 'O MA 'DZAG ,DE NI SNGON BYIN 'BRAS BU YIN, ,DE DAG GANG YANG DU BA MED, ,SHIN YANG NI BOR TE 'GRO ,BYA DAG GIS NI GLING 'PHYAG PA, ,DE NI SNGON BYIN 'BRAS BU YIN, ,KHOR YUG TU NI 'OBS KYIS BSKOR, ,GLU GAR YID DU 'ONG BA YIS, ,GANG DU RTZE ZHING DGA' BAR BYED, ,DE NI SNGON BYIN 'BRAS BU YIN, ,MI YI TSE NI LO STONG PO, ,ZAD PA DAG TU BYAS NAS NI, ,BAR MA DOR NI 'CHI MED PA, ,DE NI SNGON BYIN 'BRAS BU YIN, ,DPAL NI RGYAS PAR SPYAD NAS SU, ,MI YI LUS NI

BOR NAS KYANG, ,LHA YI NANG DU SKYE BAR 'GYUR, ,DE NI SNGON BYIN 'BRAS BU YIN, ,DGE SLONG DAG, DZAMBU'I GLING GI MI RNAMS LA NI YAR 'PHEL BA DANG, MAR 'GRIB PA YOD DE, DGE SLONG DAG , DZAMBU'I GLING GI MI RNAMS NI TSE LO DPAG TU MED PAR YANG 'GYUR, TSE LO BRGYAD KHRI PA DANG, TSE LO BRGYA PA DANG, TSE LO BCU PAR YANG 'GYUR RO, ,DGE SLONG DAG ,DZAMBU'I GLING GI MI RNAMS KYI DA LTAR GYI TSE'I TSAD NI LO BRGYA PA YIN NO, ,DGE SLONG DAG ,DA LTAR NI DZAMBU'I GLING GI MI RNAMS LAS RING DU 'TSO BA GANG YIN PAS LEGS PAR BDE BAR GNAS NA LO BRGYA'AM, LO BRGYA LAS CUNG ZAD CIG LHAG PAR THUB BO, ,DGE SLONG DAG ,'TSO BA'I GNAS SKABS NI BCU MYONG BAR 'GYUR TE, GNAS SKABS DANG PO NI ZHAN CING GAN RKYAL DU NYAL PA STE BYIS PA YIN NO; ;GNAS SKABS GNYIS PA NI RTZE BA'I RANG BZHIN CAN TE GZHON NU YIN NO, ,GNAS SKABS GSUM PA NI 'DOD PA LA SPYOD PA STE, LANG TSO LA BAB PA YIN NO, ,GNAS SKABS BZHI PA NI SPRO BA DANG LDAN ZHING NYAMS STOBS DANG LDAN PA YIN NO, ,GNAS SKABS LNGA PA NI STOBS DANG LDAN ZHING SHES RAB DANG LDAN PA YIN NO, ,GNAS SKABS DRUG PA NI DPYOD PA'I RANG BZHIN CAN TE DRAN PA DANG LDAN PA YIN NO, ,GNAS SKABS BDUN PA NI CHOS LUGS KHONG DU CHUD PA YIN NO, ,GNAS SKABS BRGYAD PA NI RGYAL POS BKUR ZHING RGAN RABS SU BKUR BA YIN NO, ,

, ,GNAS SKABS DGU PA NI RGAS SHING 'KHOGS PA STE RGAN PO YIN NO, ,GNAS SKABS BCU PA NI TSE'I MTHAR THUG PA STE 'CHIR NYE BA YIN NO, ,DGE SLONG DAG, LO BRGYAR 'TSO BAS GNAS SKABS BCU PO DE DAG MYONG BAR 'GYUR RO, ,DGE SLONG DAG ,LO BRGYAR 'TSO BA NI DUS TSIGS SUM BRGYAR 'TSO STE, DGUN GYI DUS TSIGS BRGYA DANG, DPYID KYI DUS TSIGS BRGYA DANG, DBYAR GYI DUS TSIGS BRGYA RNAMS SO, ,DUS TSIGS SUM BRGYAR 'TSO BA NI ZLA BA BCU GNYIS PHRAG BRGYAR 'TSO BA STE, DGUN BZHI DANG, DPYID BZHI DANG, DBYAR BZHI RNAMS SO, ,ZLA BA BCU GNYIS PHRAG BRGYAR 'TSO BA NI ZLA BA PHYED NYIS STONG BZHI BRGYAR 'TSO STE, DGUN BRGYAD DANG, DPYID BRGYAD DANG, DBYAR BRGYAD RNAMS SO, ,ZLA BA PHYED NYIS STONG BZHI BRGYAR 'TSO BA NI, NYIN ZHAG SUM KHRI DRUG STONG DU 'TSO STE, DGUN BCU GNYIS DANG, DPYID BCU GNYIS DANG, DBYAR BCU GNYIS RNAMS SO, ,NYIN ZHAG SUM KHRI DRUG STONG DU 'TSO BA NI BAR CHAD DU GYUR PA MA GTOGS PAR ZAN BDUN KHRI NYIS STONG ZA'O, ,DE LA 'DI DAG NI ZAN BAR CHAD DU 'GYUR BA YIN TE, 'KHRUGS NAS MA ZOS PA DANG , SDUG BSNGAL BAR GYUR PAS MA ZOS PA DANG, PHONGS PA BYUNG NAS MA ZOS PA DANG, BSNYUNGS PA BYAS TE MA ZOS PA DANG, MA RNYED PAS MA ZOS PA DANG, RNYED KYANG MA ZOS PA DANG ,

GNYID LOG NAS MA ZOS PA DANG, RA RO STE MA ZOS PA DANG, RAB TU MYOS PAS MA ZOS PA STE, ZOS PA GANG YIN PA DANG, MA ZOS PA GANG YIN PA DE DAG GCIG TU BSDOMS NA MA'I NU ZHO 'THUNG BA MA GTOGS PAR ZA MA BDUN KHRI NYIS STONG DU 'GYUR RO, ,DGE SLONG, DE LTAR NGAS DZAMBU'I GLING GI MI RNAMS KYI TSE 'ANG BSHAD, DUS TSIGS DANG, ZLA BA DANG, ZLA BA PHYED PA DANG, NYIN ZHAG DANG; ZAN DANG, ZAN BAR CHAD DU GYUR PA'ANG BSHAD PA YIN NO, ,DGE SLONG DAG ,MI RNAMS KYI TSE LO LNGA BCU GANG YIN PA DE NI RGYAL CHEN BZHI'I RIS KYI LHA RNAMS KYI NYIN ZHAG GCIG GO ,DE SUM CU LA ZLA BA GCIG ,ZLA BA BCU GNYIS LA LO GCIG STE, RGYAL CHEN BZHI'I RIS KYI LHA RNAMS KYI TSE'I TSAD NI LO DE LTA BUR BRTZIS PA'I LHA'I LO LNGA BRGYA STE, DE MI'I LO LTAR BRTZIS NA LO SA YA PHRAG DGU YOD DE, BAR MA DOR 'CHI BA NI YOD DO, ,DE NI SEMS CAN DMYAL BA CHEN PO YANG SOS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, SEMS CAN DMYAL BA CHEN PO YANG SOS KYI SEMS CAN DMYAL BA RNAMS KYI TSE CHAD NI LO DE LTA BU BRTZIS PA'I LO LNGA BRGYA STE, DE MI'I LTAR BRTZIS NA LO BYE BA PHRAG 'BUM DRUG KHRI NYIS STONG YOD DE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, LUS KYIS NYES PAR SPYAD BYAS SHING, ,NGAG GIS NYES PAR

, ,SPYAD PA DANG, ,YID KYIS NYES PAR SPYAD BYAS SHING, ,GANG ZHIG NYES PA GZHAN LDAN PA'I, ,LAS DE DAG GIS YANG SOS KYI, ,DMYAL BA DAG TU SKYE 'GYUR TE, ,LO NI BYE BA PHRAG STONG DU, ,GTAGS SHING BCOM YANG YANG 'TSO'O, ,PHAN TSUN KHO NA DAG CHAGS PA YIS, ,MI RNAMS GSOD PA'I MI DAG NI, ,LAS DE DAG GIS YANG SOS KYI, ,DMYAL BA DAG TU SKYE BAR 'GYUR, ,DGE SLONG DAG ,MI RNAMS KYI LO BRGYA GANG YIN PA DE NI SUM CU RTZA GSUM PA'I LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG STE, SUM CU RTZA GSUM GYI LHA RNAMS KYI TSE'I TSAD NI LO DE LTA BUR BRTZIS PA'I LHA'I LO STONG THUB BO, ,DE MI'I LTAR BRTZIS NA LO BYE BA PHRAG GSUM DANG, SA YA PHRAG DRUG YOD DE, BAR MA DOR 'CHI BA NI YOD DO, ,DE NI SEMS CAN DMYAL BA CHEN PO THIG NAG GI NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG STE, SEMS CAN DMYAL BA CHEN PO THIG NAG GI TSE'I TSAD NI LO DE LTA BUR BRTZIS PA'I LO STONG THUB BO, ,DE MI'I LTAR BRTZIS NA LO BYE BA PHRAG SA YA NYIS 'BUM DGU KHRI DRUG STONG RTZA BCU GNYIS YOD DE, DUS MA YIN PAR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, PHA MA DAG DANG SANGS RGYAS DANG, ,NYAN

THOS RNAMS LA 'KHU BYED PA, ,DE DAG THIG NAG SKYE 'GYUR TE, ,SDUG BSNGAL TSOR BA MYONG BAR 'GYUR, ,GANG ZHIG MI BRTZON 'JOG PA DANG, ,MI RNAMS MDZA' BA'I DBYEN BYED PA, ,THIG NAG TU NI SKYE BAR 'GYUR, ,BRDZUN SMRA BA YANG DE BZHIN TE, ,LAS DE YIS NI THIG NAG GI ,DMYAL BA RNAMS SU DE DAG SKYE, ,DGE SLONG DAG ,MI RNAMS KYI LO NYIS BRGYA GANG YIN PA DE NI 'THAB BRAL GYI LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, 'THAB BRAL BA'I LHA RNAMS KYI TSE'I TSAD NI LO DE LTA BUR BRTZIS PA'I LHA'I LO NYIS STONG THUB BO, ,DE MI'I LTANG BRTZIS NA LO BYE BA PHRAG BCU BZHI DANG, LO KHRI BZHI STONG YOD DE, BAR MA DOR 'CHI BA NI YOD DO, ,DE NI SEMS CAN DMYAL BA CHEN PO BSDUS 'JOMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, SEMS CAN DMYAL BA CHEN PO BSDUS 'JOMS KYI SEMS CAN DMYAL BA RNAMS KYI TSE'I TSAD NI LO DE LTA BUR BRTZIS PA'I LO NYIS STONG YOD DE, DE MI'I LTAR BRTZIS NA LO BYE BA PHRAG SUM 'BUM DRUG KHRI BRGYAD STONG RTZA GCIG YOD DE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, MI DGE'I LAS RNAM GSUM BYAS SHING, ,LAS DGE RNAM GSUM MA BYAS TE, ,LAS DE DAG GIS BSDUS 'JOMS KYI, ,DMYAL BA DAG TU SKYE

, ,BAR 'GYUR, ,BA LANG RA LUG MA HE DANG, ,RI DVAGS BYA GAG PHAG RNAMS DANG, ,DE BZHIN SROG CHAGS GZHAN GSOD PA, ,BSDUS GZHOM DAG TU SKYE BAR 'GYUR, , DGE SLONG DAG ,MI RNAMS KYI LO BZHI BRGYA GANG YIN PA DE DGA' LDAN GYI LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, DGA' LDAN GYI LHA RNAMS KYI TSE'I TSAD NI LO DE LTA BUR BRTZIS PA'I LHA'I LO BZHI STONG THUB STE, DE MI'I LTAR BRTZIS NA LO BYE BA PHRAG LNGA BCU RTZA BDUN DANG, LO SA YA PHRAG DRUG YOD DE, BAR MA DOR 'CHI BA NI YOD DO, ,DE NI SEMS CAN DMYAL BA CHEN PO DU 'BOD KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, SEMS CAN DMYAL BA CHEN PO DU 'BOD KYI SEMS CAN DMYAL BA RNAMS KYI TSE'I TSAD NI LO DE LTA BUR BRTZIS PA'I LO BZHI STONG THUB STE, DE MI'I LTAR BRTZIS NA LO BYE BA PHRAG SA YA GNYIS DANG, BYE BA PHRAG DGU 'BUM BZHI KHRI BZHI STONG DANG, BYE BA PHRAG BRGYAD YOD DE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, 'JIGS SU RUNG LA DRAG SHUL CAN, ,LAG PA GNYIS NI KHRAG GIS BSKUS, ,SDIG PA'I LAS NI SPYOD PA YIS, ,RTAG TU DU 'BOD 'GRO BAR 'GYUR, ,GZHAL LUGS G-YO DANG SGYU BYED MI, ,SKYE BO

DAG NI YID PHYUNG BAS, ,'JIGS SU RUNG BA'I SGRA 'BYIN CING, ,YUN RING DU NI SREG 'BOD 'GYUR, ,DGE SLONG DAG ,MI RNAMS KYI LO BRGYAD BRGYA GANG YIN PA DE 'PHRUL DGA'I LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, 'PHRUL DGA'I LHA RNAMS KYI TSE TSAD NI LO DE LTA BUR BRTZIS PA'I LO BRGYAD STONG THUB STE, DE MI'I LTAR BRTZIS NA LO BYE BA PHRAG NYIS BRGYA SUM CU DANG, LO SA YA PHRAG BZHI YOD DE, BAR MA DOR 'CHI BA NI YOD DO, ,DE NI SEMS CAN DMYAL BA CHEN PO DU 'BOD CHEN PO'I NYIN ZHAG GCIG GO, NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, SEMS CAN DMYAL BA CHEN PO DU 'BOD CHEN PO'I SEMS CAN DMYAL BA RNAMS KYI TSE'I TSAD NI LO DE LTA BUR BRTZIS PA'I LO BRGYAD STONG YOD DO, ,DE MI'I LTAR BRTZIS NA LO BYE BA PHRAG SA YA GSUM DANG, BYE BA PHRAG LNGA 'BUM KHRI NYIS STONG DRUG CU RTZA DRUG YOD DE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, LTA BA'I THIBS POS KHEBS GYUR CING, ,SRED PA'I G-YOG PAS G-YOGS PA DAG ,SDIG PA'I CHOS NI SPYOD PA YIS; ;DU 'BOD DAG TU SKYE BAR 'GYUR, ,YID GCUGS NYAMS PA'I MI DAG NI, KHA SPU SLONG ZHING 'BAR BA YIS, ,BSKOR BA'I KHYIM GYI NANG CHUNG NAS, ,DU 'BOD CHEN PO SREG PAR 'GYUR, ,

, ,GTAM PA BRNOGS PA'I MI DAG NI, ,RAL GRI YIS NI LUS GTUB CING, ,BYA RGOD BYA ROG 'UG PA KHYIS, ,'GUL BZHIN DU NI ZA BAR 'GYUR, ,DGE SLONG DAG, MI RNAMS KYI LO STONG DRUG BRGYA GANG YIN PA DE GZHAN 'PHRUL DBANG BYED KYI LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, GZHAN 'PHRUL DBANG BYED KYI LHA RNAMS KYI TSE'I TSAD NI LO DE LTA BUR BRTZIS PA'I LHA'I LO KHRI DRUG STONG THUB BO, ,DE MI'I LTAR BRTZIS NA LO SA YA PHRAG DRUG DANG, LO BYE BA PHRAG DGU BRGYA NYI SHU RTZA GCIG YOD DE, BAR MA DOR 'CHI BA NI YOD DO, ,DE NI SEMS CAN DMYAL BA CHEN PO TSA BA'I NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG STE, SEMS CAN DMYAL BA CHEN PO TSA BA'I SEMS CAN DMYAL BA RNAMS KYI TSE'I TSAD NI LO DE LTA BUR BRTZIS PA'I LO KHRI DRUG STONG YOD DO, ,DE MI'I LTAR BRTZIS NA LO BYE BA SA YA PHRAG BRGYAD DANG, BZHI 'BUM DANG, LO BYE BA KHRAG KHRI DRUG STONG LNGA BRGYA SUM CU YOD DE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, DGE SLONG BRAM ZE DGE BA DANG, ,DE BZHIN DU NI PHA MA LA, ,GANG ZHIG RTAG TU GDUNG BYED PA, ,DE NI TSA BAR SKYE BAR 'GYUR, ,'DIR NI GANG ZHIG GDUNG BA YIS,,

SKYE BO MANG PO GDUNG BYED PA, ,LAS DE DAG GIS TSA BA YI, ,DMYAL BA RNAMS SU SKYE BAR 'GYUR, ,DGE SLONG DAG ,KHYED CHU BUR CAN DU SKYES PA'I SEMS CAN RNAMS KYI TSE'I MTHA' NYAN PAR 'DOD DAM, BCOM LDAN 'DAS, DE'I DUS LA BAB LAGS SO, ,BDE BAR GSHEGS PA, DE'I DUS LA BAB LAGS SO, ,BCOM LDAN 'DAS LAS DGE SLONG DAG GIS GANG CHU BUR CAN DU SKYES PA'I SEMS CAN RNAMS KYI TSE'I MTHA' BSTAN PA THOS NAS, DGE SLONG DAG ,'DZIN PAR BGYID LAGS SO, ,DGE SLONG DAG ,DE'I PHYIR LEGS PAR RAB TU NYON LA YID LA ZUNGS SHIG DANG BSHAD DO, ,DGE SLONG DAG ,'DI LTA STE, 'DI LA TIL YUL KO SA LA'I KHAL BCU TSAD NYI SHU SHONG BA'I KHAL BCU TSAD NYI SHU PA TIL GYIS BYUR BUR GANG BAR GYUR PA DE LAS MI LA LA ZHIG GIS LO BRGYA 'DAS SHING TIL 'BRU GCIG BOR TE, TIL KHAL BCU TSAD NYI SHU SHONG BA'I KHAL BCU TSAD NYI SHU PA DE THABS 'DIS MYUR DU YONGS SU ZAD CING GTUGS PAR GYUR KYANG, DGE SLONG DAG ,CHU BUR CAN DU SKYES PA'I SEMS CAN RNAMS KYI TSE'I TSAD NI DE LTA MA YIN PAR NGA SMRA'O, ,CHU BUR CAN GYI NYI SHU JI LTA BA DE LTAR CHU BUR RDOL GYI GCIG YIN NO, ,CHU BUR RDOL GYI NYI SHU JI LTA BA DE LTAR SO THAMS THAMS KYI GCIG YIN NO, ,SO THAMS THAMS KYI NYI SHU JI LTA BA DE LTAR KYI HUD ZER GYI GCIG YIN NO, ,KYI HUD ZER GYI NYI SHU JI LTA BA DE LTAR AA CHU ZER

, ,GYI GCIG YIN NO, ,AA CHU ZER GYI NYI SHU JI LTA BA DE LTAR AUTPA LA LTAR GAS PA'I GCIG YIN NO, ,AUTPA LA LTAR GAS PA'I NYI SHU JI LTA BA DE LTAR PADMA LTAR GAS PA'I GCIG YIN NO, ,PADMA LTAR GAS PA'I NYI SHU JI LTA BA DE LTAR PADMA LTAR GAS PA CHEN PO'I GCIG YIN NO, ,LHAS BYIN GYI PHYOGS DGE SLONG KO KA LI KAS DGE SLONG SH'A RI'I BU DANG, MOONGGAL GYI BU LA ZHE SDANG GI SEMS BSKYED PAS RANG GI LUS DE NYID KYIS SEMS CAN DMYAL BA CHEN PO PADMA LTAR GAS PA CHEN POR SKYES SO, ,DGE SLONG DAG ,DE LTA BAS NA DE'I PHYIR 'DI LTAR BSLAB PAR BYA STE, SDONG DUM TSIG PA LA'ANG ZHE SDANG GI SEMS BSKYED PAR MI BYA NA RNAM PAR SHES PA DANG LDAN PA'I LUS LA LTA SMOS KYANG CI DGOS PA DE LTAR DGE SLONG DAG KHYED KYIS BSLAB PAR BYA'O, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, MI ZHIG SKYES PAR GYUR PA NA, ,GANG GIS BDAG NI GCOD BYED PA'I, ,KHA NAS STA RE'I TSIG 'BYUNG BA, ,NYES PAR SMRA BAS SMRA BA NI, ,GANG DAG SMAD BYA BSTOD BYED CING, ,SKYE BO BSTOD BYA SMOD BYED PA'I, ,SDIG GANG BDE BA MI MYONG BA'I, ,SDIG DE DE YI KHA NA GSOG ,GANG 'DIR RGYAN POS BDAG NOR YAL, ,'DI NI SDIG PA CHUNG DU STE, ,GANG ZHIG BDE GSHEGS SDANG SEMS BSKYED, ,'DIR NI SDIG PA DE CHE'O, ,NGAG DANG YID KYIS KYANG NI SDIG BYAS SHING, ,

GANG ZHIG 'PHAGS LA SMOD PA DMYAL 'GRO STE, ,STONG PHRAG BRGYAR NI CHU BUR RDOL NAS SU, ,CHU BUR CAN DU SUM CU RTZA DRUG GO ,SDIG PA'I SEMS KYIS BDEN PAR MI SMRA BA, ,BDAG NYID BRLAG CING DMYAL BAR 'PHEN PAR BYED, ,DE YID DRI MAS MA RNYOGS PAR BYED DE, ,KHA NA MA THO MED PA DE BZOD DO, ,DGE SLONG DAG ,SEMS CAN DMYAL BA CHEN PO RAB TU TSA BA'I TSE'I TSAD NI BSKAL PA PHYED GCIG YIN TE, BAR MA DOR 'CHI BA NI YOD DO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, 'BRAS BU YID 'ONG MTHO RIS SU, ,SKYE 'GYUR DGE BA SPANGS NAS NI, ,'DIR NI MI SDUG LAS BYAS PAS, ,RAB TU TSA BAR SKYE BAR 'GYUR, ,DGE SBYONG BRAM ZE DGE BA DANG, ,PHA DANG MA YANG DE YIN TE, ,GANG YANG BLA MA GZHAN GSOD PA, ,RAB TU TSA BAR DE 'TSED DO, ,DGE SLONG DAG ,DMYAL BA CHEN PO MNAR MED PA'I TSE'I TSAD NI BSKAL PA GCIG STE, BAR MA DOR 'CHI BA NI YOD DO, ,MI GTI MUG CAN LHAS BYIN GYIS DGE 'DUN MTHUN PA PHYE BA DANG, DE BZHIN GSHEGS PA LA NGAN SEMS KYIS KHRAG PHYUNG BA DANG, DGE SLONG MA DGRA BCOM PA BSAD PAS RANG GI LUS DE NYID KYIS DMYAL BA CHEN PO MNAR MED PA DER SKYES SO; ;DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, 'PHAGS PA RNAMS KYIS BSTAN PA YI, ,CHOS KYIS 'OS PAR 'TSO RNAMS LA, ,SDIG PA'I LTA BA LA

, ,BRTEN NAS, ,BLO NGAN GANG ZHIG SMOD BYED PA, ,TSER CAN 'OD MA'I 'BRAS BU LTAR, ,DE NI 'BRAS BU RLAG PAR BYED, ,DGE BAR 'GYUR BA BRJOD BYA STE, ,SDIG PA CAN DAG MI BRJOD DO, ,DGE BA SMRAS NA LEGS PAR 'GYUR, ,SDIG PA SMRAS NA SREG 'GYUR BAS, ,GAL TE SMRA NA DGE BA SMRA'I, ,SDIG PA SMRAS NA RLAG PAR 'GYUR, ,BYIS PA RNAMS NI SDIG SMRA STE, ,'PHAGS PA RNAMS NI MA YIN NO, ,'DIR NI NGAN 'GROR 'GRO BA YI, ,LAS NI SHAS CHER BYAS PAS NA, ,LAS DE DAG GIS MNAR MED PA'I, ,DMYAL BA DAG TU SKYE BAR 'GYUR, ,DGE SLONG DAG ,TSANGS RIS KYI LHA RNAMS KYI TSE'I TSAD NI BSKAL PA PHYED DE, BAR MA DOR 'CHI BA NI YOD DO, ,DGE SLONG DAG ,TSANGS PA'I MDUN NA 'DON GYI LHA RNAMS KYI TSE'I TSAD NI BSKAL PA'I BZHI CHA GSUM THUB STE, BAR MA DOR 'CHI BA NI YOD DO, ,DGE SLONG DAG ,TSANGS CHEN GYI LHA RNAMS KYI TSE'I TSAD NI BSKAL PA GCIG THUB STE, BAR MA DOR 'CHI BA NI YOD DO, ,DGE SLONG DAG ,'OD CHUNG GI LHA RNAMS KYI TSE'I TSAD NI BSKAL PA GNYIS THUB STE, BAR MA DOR 'CHI BA NI YOD DO, ,DGE SLONG DAG ,TSAD MED 'OD KYI LHA RNAMS KYI TSE'I TSAD NI BSKAL PA BZHI THUB STE, BAR MA DOR 'CHI BA NI YOD DO, ,DGE SLONG DAG ,'OD GSAL GYI LHA RNAMS KYI TSE'I TSAD NI BSKAL PA BRGYAD THUB STE, BAR MA DOR 'CHI BA NI YOD DO, ,DGE SLONG

DAG ;DGE CHUNG GI LHA RNAMS KYI TSE'I TSAD NI BSKAL PA BCU DRUG THUB STE, BAR MA DOR 'CHI BA NI YOD DO, ,DGE SLONG DAG ,TSAD MED DGE BA'I LHA RNAMS KYI TSE'I TSAD NI BSKAL PA SUM CU RTZA GNYIS THUB STE, BAR MA DOR 'CHI BA NI YOD DO, ,DGE SLONG DAG ,DGE RGYAS KYI LHA RNAMS KYI TSE'I TSAD NI BSKAL PA DRUG CU RTZA BZHI THUB STE, BAR MA DOR 'CHI BA NI YOD DO, ,DGE SLONG DAG ,SPRIN MED KYI LHA RNAMS KYI TSE'I TSAD NI BSKAL PA BRGYA NYI SHU RTZA LNGA THUB STE, BAR MA DOR 'CHI BA NI YOD DO, ,DGE SLONG DAG ,BSOD NAMS SKYES KYI LHA RNAMS KYI TSE'I TSAD NI BSKAL PA NYIS BRGYA RTZA LNGA BCU THUB STE, BAR MA DOR 'CHI BA NI YOD DO, ,DGE SLONG DAG ,'BRAS BU CHE BA'I LHA RNAMS KYI TSE'I TSAD NI BSKAL PA LNGA BRGYA THUB STE, BAR MA DOR 'CHI BA NI YOD DO, ,DGE SLONG DAG ,'DU SHES MED PA'I SEMS CAN DANG, MI CHE BA'I LHA RNAMS KYI TSE'I TSAD NI BSKAL PA STONG THUB STE, BAR MA DOR 'CHI BA NI YOD DO, ,DGE SLONG DAG ,MI GDUNG BA'I LHA RNAMS KYI TSE'I TSAD NI BSKAL PA NYIS STONG THUB STE, BAR MA DOR 'CHI BA NI YOD DO, ,DGE SLONG DAG ,SHIN TU MTHONG GI LHA RNAMS KYI TSE'I TSAD NI BSKAL PA BZHI STONG THUB STE, BAR MA DOR 'CHI BA NI YOD DO, ,DGE SLONG DAG ,GYA NOM SNANG GI LHA RNAMS KYI TSE'I TSAD NI BSKAL PA BRGYAD STONG THUB STE, BAR MA DOR 'CHI BA NI YOD DO, ,DGE SLONG DAG ,'OG MIN GYI LHA RNAMS KYI TSE'I TSAD NI BSKAL PA KHRI DRUG STONG THUB STE, BAR MA DOR

, ,'CHI BA NI YOD DO, ,DGE SLONG DAG ,NAM MKHA' MTHA' YAS SKYE MCHED DU NYE BAR 'GRO BA'I LHA RNAMS KYI TSE'I TSAD NI BSKAL PA NYI KHRI STE, BAR MA DOR 'CHI BA NI YOD DO, ,DGE SLONG DAG ,RNAM SHES MTHA' YAS SKYE MCHED DU NYE BAR 'GRO BA'I LHA RNAMS KYI TSE'I TSAD NI BSKAL PA BZHI KHRI STE, BAR MA DOR 'CHI BA NI YOD DO, ,DGE SLONG DAG ,CI YANG MED PA'I SKYE MCHED DU NYE BAR 'GRO BA'I LHA RNAMS KYI TSE'I TSAD NI BSKAL PA DRUG KHRI STE, BAR MA DOR 'CHI BA NI YOD DO, ,DGE SLONG DAG ,'DU SHES MED 'DU SHES MED MIN SKYE MCHED DU NYE BAR 'GRO BA'I LHA RNAMS KYI TSE'I TSAD NI BSKAL PA BRGYAD KHRI STE, BAR MA DOR 'CHI BA NI YOD DO, ,DGE SLONG DAG ,DE LTAR DMYAL BA CHEN PO MNAR MED PA NAS 'DU SHES MED 'DU SHES MED MIN SKYE MCHED KYI BAR DE DAG NI, DGE SLONG DAG ,SRID PA'I RTZE MO DANG, DE DAG NI SRID PA'I RTZE MO YIN NO, ,DE DAG NI SRID PA 'BYUNG BA YIN TE, DE DAG NI 'GRO BA LNGA'I SEMS CAN RNAMS 'ONG BA DANG, 'GRO BA DANG, GNAS PA DANG, 'CHI BA DANG, SKYE BAR SNANG NGO, ,SRID PA'I 'BYUNG BAS CHOG SHES PAR GYIS SHIG ,NGA NI SRID PA MNGON PAR SGRUB PA CHUNG DU LA'ANG THA NA DE'I SKAD CIG TZAM YANG BSNGAGS PA MI MDZAD DO, ,DE CI'I PHYIR ZHE NA, SRID PA MNGON PAR SGRUB PA NI SDUG BSNGAL YIN PA'I PHYIR TE, DPER NA, MI GTZANG BA NI NYUNG DU'ANG

MI ZHIM NA MANG PO LTA CI SMOS, DE LTAR DE BZHIN DU NGA NI SRID PA MNGON PAR SGRUB PA CHUNG DU LA'ANG THA NA DE'I SKAD CIG TZAM YANG BSNGAGS PA MI MDZAD DO, ,DE CI'I PHYIR ZHE NA, DGE SLONG DAG ,SRID PA MNGON PAR SGRUB PA NI SDUG BSNGAL YIN PA'I PHYIR RO, ,SO SO'I SKYE BO BYIS PA THOS PA DANG MI LDAN PA DE DAG NI 'GRO BA LNGA PO'I 'KHRO BA GANG DU YANG DANG, YANG DU DMYAL BA RNAMS DANG, YANG DANG; YANG DU DUD 'GRO RNAMS DANG, YANG DANG, YANG DU NGAN SONG NGAN 'GRO LOG PAR LTUNG BA RNAMS SU KUN TU RGYUG ,KUN TU RAB TU RGYUG GO ,DGE SLONG DAG ,DE LTA BAS NA DE'I PHYIR 'DI LTAR BSLAB PAR BYA STE, SRID PA RGYUN CHAD PAR BYA BA GANG YIN PA LA BRTZON PAR BYA ZHING SRED PA MNGON PAR MI BSGRUB PAR BYA'O, ,DGE SLONG DAG ,KHYED KYIS DE LTAR BSLAB PAR BYA'O, ,BCOM LDAN 'DAS KYIS DE SKAD CES BKA' STZAL NAS, DGE SLONG DE DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,TSE'I MTHA'I MDO RDZOGS SO,, ,, RGYA GAR GYI MKHAN PO BI SHUDDHA SIDHA DANG, LOTZTSA BA BANDE DGE BA'I DPAL GYIS BSGYUR, RGYA GAR GYI MKHAN PO BIDY'A KA RA SIDHA DANG, ZHUS CHEN GYI LOTZTSA BA BANDE DPAL BRTZEGS KYIS ZHUS CHEN BGYIS TA GTAN LA PHAB PA,,