, ,RGYA GAR SKAD DU, A'ARYA AA TZA LA S'ADHA NAm, BOD SKAD DU, 'PHAGS PA MI G-YO BA'I SGRUB THABS, 'PHAGS PA MI G-YO BA LA PHYAG 'TSAL LO, ,THOG MAR SNGAGS PAS GSUM LA SKYABS SONG ZHING, ,BYANG CHUB MCHOG TU SEMS BSKYED BYAS RJES SU, ,SKAD CIG TZAM GYIS STONG PAR RAB DMIGS NAS, ,RAB DKAR PADMA NYI MA'I DKYIL 'KHOR BLTA, ,DE STENG MGON PO MI G-YO SKU MDOG DKAR, ,G-YAS G-YON PHYAG GIS RAL GRI SDIGS MDZUB
MDZAD; ,ZHABS GNYIS BUS MO MTHIL GYIS RAB BZHUGS PA, ,RIN CHEN DAR GYIS BRGYAN PA BSGOM PAR BYA, ,LHAG PA'I KHRO RGYAL DE YI MDUN DU YANG, ,DE NYID JI LTA'I BCOM LDAN 'DAS BSAM BYA, ,DE DAG THUGS KAR PADMA NYI MA LA, ,H'U% LA GZHAN GYIS BSKOR BA DMAR BAR BLTA, ,DE NAS YI GE 'BRU BCU BZLAS BYA STE, ,SNGAGS PHRENG KHA NAS KHAR ZHUGS YE SHES DGUG ,LTE BA NAS 'THON DER ZHUGS BDAG NYID KYI, ,SNYING GAR BSLAN PA 'KHOR LO BZHIN DU BSAM, ,DE LTAR ZHAG GRANGS NYI SHU RTZA GCIG TU, ,THUN GSUM NYID DU BSGOM PA GANG YIN DES, ,BKA' DANG BSTAN BCOS KUN GYI TSIG DANG DON, ,BLTAS BTZAM GYIS KHONG DU CHUD PAR 'GYUR, ,GZHAN YANG KUN LA MI 'JIGS SPOBS PA 'THOB, ,SNYAN DNGAGS BSTAN BCOS THOGS MED RTZOM NUS SHING, ,DE YI SMRA BA SUS KYANG BZLOG MI NUS, ,DE PHYIR 'DI 'DRA GAR YANG RNYED PAR DKA', ,'PHAGS PA MI G-YO BA'I SGRUB THABS RDZOGS SO,, RGYA GAR SHAR PHYOGS KYI PAndI TA CHEN PO D'A NA SH'I LAS RANG 'GYUR DU MDZAD PA'O,,