, ,RGYA GAR SKAD DU, SHUKLA TZAndA MA H'A RO shA nA S'A DHA NAm, BOD SKAD DU, GTUM PO DKAR PO CHEN PO'I SGRUB THABS, GTUM PO KHRO BO CHEN PO LA PHYAG 'TSAL LO, ,SNGAGS PAS RE ZHIG THOG MAR STONG PA NYID BSGOMS TE, DE'I NGANG LAS SNA TSOGS PADMA DANG NYI MA'I STENG DU ZHAL GCIG PHYAG GNYIS PA SKU MDOG DKAR PO RIN PO CHE'I
, ,RGYAN SNA TSOGS KYIS BRGYAN PA, RIN PO CHE'I COD PAN CAN, PHYAG G-YAS PA RAL GRI SPYI BOR 'PHYAR BA, G-YON PA SDIGS MDZUB DANG BCAS PA'I ZHAGS PA SNYING GAR 'DZIN PA, ZHABS G-YAS PA TZOG PUR BZHUGS SHING, G-YON PA'I PUS MO NYI MA'I DKYIL 'KHOR LA RAB TU BTZUGS PA, LHA'I NA BZA' GOS SU GYON PA, SNYING GAR SNA TSOGS PADMA DANG NYI MA'I DBUS SU YI GE H'U% LA YI GE DGUS BSKOR BA DANG BCAS PA'I BCOM LDAN 'DAS BSGOM PAR BYA'O, ,DE'I MDUN DU DE DANG KHA SBYOR ZHING YANG DE KHO NA DANG 'DRA BA'I BCOM LDAN 'DAS GNYIS PA BSGOM BAR BYA'O, ,DE'I RJES SU RANG GI SNYING GA'I SNGAGS LAS 'PHROS PA'I SNGAGS KYI PHRENG BA RANG GI KHA NAS MDUN GYI BCOM LDAN 'DAS KYI ZHAL DU ZHUGS SHING DE'I LTE BA NAS RANG GI LTE BAR ZHUGS SHING YANG RANG GI SNYING GAR 'THON NAS DE KHO NA BZHIN 'KHOR BAR BSGOM PAR BYA'O, ,BZLAS PA'I TSE RANG GI SNYING GA'I H'U% GI 'OD ZER GYIS SANGS RGYAS DANG BYANG CHUB SEMS DPA'I YE SHES KYI BDUD RTZI DANG, ZLA BA DANG, SKAR MA DANG, SMAN DANG, SGYU RTZAL DRUG CU RTZA BZHI'I NUS PA DANG, RIG PA LA SOGS PA LA MKHAS PA'I YON TAN DANG, GZHAN ZIL GYIS GNON PA'I RTZOD PA DANG, SNYAN NGAG LA SOGS PA'I YON TAN MA LUS PA BKUG NAS RANG GI SNYING GA'I H'U% LA RAB TU THIM ZHING, BDAG NYID RIG PA LNGA LA MKHAS PA'I PAndI TA YIN NO SNYAM PA'I NGA RGYAL DANG LDAN PA'I SPOBS PAS SNGAGS BZLAS PAR BYA'O, ,ZHAG NYI SHU RTZA GCIG BZLAS PAS SNYAN NGAG MKHAN CHEN POR 'GYUR RO, ,GTUM PO KHRO BO CHEN PO'I SHES RAB BLO 'PHEL GYI SGRUB THABS RDZOGS SO,, ,,RGYA GAR SHAR PHYOGS KYI PAndI TA D'A NA SH'I LAS RANG 'GYUR DU MDZAD PA'O,,