, ,RGYA GAR SKAD DU, TZAndA MA H'A RO shA nA S'A DHA NAm N'A MA, BOD SKAD DU, KHRO BO GTUM PO CHEN PO'I SGRUB THABS ZHES BYA BA, BCOM LDAN 'DAS 'JAM PA'I RDO RJE LA PHYAG 'TSAL LO, ,PUS MO SA LA BTZUGS SHING G-YAS PA'I PHYAG NA RAL GRI BSNAMS, ,DE LAS GZHAN PA'I PHYAG NI SDIGS MDZUB ZHAGS PA DANG 'BREL ZHING, ,SRA ZHING MKHREGS PA'I SKU MNGA' NYI MA LTA BUR GTUM PA'I SPYAN, ,BGEGS RNAMS 'JOMS PA'I MI G-YO SRID BGEGS ZHI BYED SHOG ,PHYOGS BCUR BZHUGS PA'I SANGS RGYAS DANG; ,BYANG CHUB SEMS DPA' TSOGS BCAS PA, ,DE LA ME TOG LA SOGS PA'I, ,MCHOD PA LA SOGS BLOS BYAS NAS, ,SEMS CAN SDUG BSNGAL LAS BSKYAB PHYIR, ,BDAG GI LUS 'DI DBUL BAR BYA, ,DGE BA 'PHEL PHYIR BSNGAGS PA YIS, ,SDIG PA DAG NI BSHAGS PAR BYA'O, ,
DE NAS RDZOGS PA'I SANGS RGYAS DANG, ,BYANG CHUB SEMS DPA'I TSOGS DANG NI, ,SLOB MA SLOB SOGS SEMS CAN GYI, ,BSOD NAMS KUN LA RJES YI RANG, ,DKON MCHOG GSUM LA SKYABS SONG ZHING, ,BYANG CHUB TU NI SEMS BRTAN NAS, ,RIM PA BZHIN DU TSANGS PA'I GNAS, ,BZHI PO YANG NI BSGOM PAR BYA, ,DE'I MTSAN BRAL BAS STONG PA STE, ,RGYU MED PAS NA MTSAN MA MED, ,RANG BZHIN GYIS NI DNGOS PO RNAMS, ,SMAN PA DANG NI BSGOM PAR BYA, ,DE NAS PADMA NYI DBUS SU, ,H'U% LAS BYUNG BA BSGOM BYA STE, ,DPA' BO SPYAN GNYIS RAB DMAR ZHING, PHYAG GNYIS RIN CHEN COD PAN CAN; ,DE MA THAG TU SDIG 'JOMS MGON, ,JI LTAR 'DOD PA RDZOGS BYED CING, ,AA TRA SI YI ME TOG MTSUNGS, ,DRI MED SANGS RGYAS 'OD 'PHRO ZHING, ,TSEMS KYI MCHE BAS MA MCHU MNAN, ,RGYAN KUN GYIS NI RNAM BRGYAN CING, ,G-YON PA SDIGS MDZUB ZHAGS PAR LDAN, ,PHYAG G-YAS 'BAR BA'I RAL GRIS BREL, ,PUS MO SA LA BTZUGS PA NI, ,'JIGS PA'I SPYAN RTZA BZLOG PA YIS, ,'JIGS PA YANG NI MDZAD PA'O, ,DAM TSIG SEMS DPA' LTA BU YIS, ,YE SHES SEMS DPA' CHER 'BAR BSGOM, ,DE YI THUGS KAR SNGAGS PA YIS, ,MTSAN MA SA BON BCAS PA BSGOM, , SKYON GSANG SNGAGS BZLAS BYA STE, ,LHA YI RNAM PAR SBYOR BAS SO, ,DE NAS 'DOD PA'I DNGOS GRUB NI, ,'THOB PA NYID DU THE TSOM MED, ,DE LA 'DI NI GSANG SNGAGS RGYAL, ,AOm TZAndA MA H'A RO shA nA H'U% PHAt, BDAG GIS BRIS PAS GANG THOB PA, ,DGE BA BYANG CHUB SGRUB BYED PA, ,DE YIS 'JIG RTEN MA LUS 'DI, ,RDZOGS PA'I BYANG CHUB SGRUB BYED SHOG ,KHRO BO GTUM PO'I SGRUB THABS SLOB DPON DZE T'A RI DGRA LAS RNAM PAR RGYAL BAS MDZAD PA RDZOGS SO,, ,,PAndI TA SU NA YA SHR'I DANG, LO TZ'A BA GLOG SKYA GZHON NU 'BAR GYIS BSGYUR BA'O,,