, ,RGYA GAR SKAD DU, A'ARYA AA TZA LA KRO DHA R'A DZA STO TRA BOD SKAD DU, KHRO BO'I RGYAL PO 'PHAGS PA MI G-YO BA LA BSTOD PA, BCOM LDAN 'DAS MI BSKYOD PA LA PHYAG 'TSAL LO, ,THUGS RJE'I BDAG NYID KHRO RGYAL BRTAN PA'I SKU, ,BRKYANG BSKUM THABS LAS BYUNG BA'I KHRO RGYAL DANG, ,BCAS TE NAM MKHA'I 'OD KYI DKYIL NA BZHUGS, ,TSANGS PA
, ,LA SOGS 'BUM NI SKRAG BYED PA, NYON MONGS NYE BA'I NYON MONGS RNAMS DANG NI, ,KLU DANG GNOD SBYIN SHA ZA YI DAGS SOGS, ,'BYUNG PA'I TSOGS RNAMS MA LUS SKRAG MDZAD PA, ,KHRO RGYAL KHYOD LA BDAG NI SKYABS SU MCHI, ,SNA TSOGS PADMA NYI ZLA'I GDAN LA BZHUGS, PHYAG G-YAS RAL GRI 'PHYAR BSAM RUNGS 'DUL, ,RNAM RTOG 'JOMS SHING RAB TU GRIMS PA'I SKU, ,SKU MDOG MTHING NAG CHAR SPRIN NAG PO 'DRA, ,DBU SKRA AARDZA KAYI 'BRAS BU 'DRA, ,SKU NI SHING MCHOG YONGS 'DUS BRTOL 'DRA, ,ZHABS GNYIS BRKYANG BSKUM GYAD KYIS KHROS KHROS 'DRA, ,LHA MCHOG KHYOD LA BDAG NI SKYABS SU MCHI, ,SPYAN MIG PA LA SHA YI ME TOG 'DRA, ,MCHE BA GTZIGS PA ZLA BA TSES PA 'DRA, ,LJAGS 'GYUR BA NI NAM MKHA'I GLEG DANG 'DRA, ,SMIN MA'I KHRO GNYER PRIG SHA'I LO MA 'DRA, ,RAL GRI ZLA TSES MTSOR LHUNG 'OD DANG 'DRA, ,SBRUL GYI ZHAGS BRGYA MTSO'I DBA' RLABS 'DRA, ,SKU YIS PHYOGS SKYONG DBANG SDUD MA RUNGS 'DUL, ,KHRO RGYAL MO G-YO MGON LA PHYAGS 'TSAL LO, ,BGEGS DANG LOG 'DREN MA LUS ZHI MDZAD CING, 'BYUNG PA'O 'KHRUGS SOGS NAD RNAMS ZHI MDZAD PA, ,MI DANG MI MIN MTSON CHAS 'JOMS MDZAD PA, ,DUS MIN 'CHI DANG SDIG PA RNAM LAS GROL, ,DBUS DANG PHYOGS BZHI'I RIGS LNGA'I MI G-YO STE, ,MTSAMS BZHI NAS NI KHRO BO BZHI PO DANG, ,GRU CHAD PHYOGS MTSAMS LHA MO BRGYAD LDAN PA'O, ,BCOM LDAN MI G-YO MGON LA PHYAG 'TSAL LO, ,SKU LAS SPRUL PA'I KHRO BO BCU PO NI, ,RDO RJE SHUGS CAN SKU MDOG MTHING NAG STE, ,NGA DANG NGAR 'DZIN GNAM LCAGS 'KHOR LO BSNAMS, BGEGS TSOGS SKRAG PAR MDZAD LA PHYAG 'TSAL LO, SPRUL PA'I KHRO RGYAL RDO RJE CHAGS CHEN NI, ,GDUL BYA'O DON DU SKU MDOG DMAR PO STE, ,CHAGS DANG CHAGS PA'I DON DU MDA' GZHU BSNAMS, ,MA RUNGS 'DUL BAR MDZAD LA PHYAG 'TSAL LO, ,SPRUL PA'I KHRO BO RDO RJE RNON PO NI, ,GDUL BYA'I DON DU SKU MDOG LJANG GU STE, ,'DZIN CIN 'DZIN PA'I BDAG NYID LCAGS KYU BSNAMS, ,'GRO BA 'DREN PA KHYOD LA PHYAG TSAL LO, ,SPRUL PA'I KHRO BO RDO RJE 'BAR BA NI, ,SKU MDOG GANGS RI'I RTZE LA NYI SHAR
'DRA, ,MI SHES MI SHES 'JOMS PA'I BRAG 'DZIN PA, ,MA RUNGS 'DUL BAR MDZAD LA PHYAG 'TSAL LO, ,RDO RJE KHRO BO SKU MDOG SER PO STE, ,KHRO DANG KHRO BA'I BDAG NYID RAL GRI BSNAMS, ,RNAL 'BYOR BAR CHAD BAR DU ZHI MDZAD PA, ,KHRO RGYAL STOBS LDAN KHYOD LA PHYAG 'TSAL LO, ,RDO RJE GTUM CHEN SKU MDOG LJANG NAG STE, ,BTANG SNYOMS BTANG SNYOMS 'GYUR BA'I BDAG NYID KYI, ,PHYAG MTSAN PHYAG NA SPRIN GYI ZHAGS BA BSNAMS, ,'GRO BA 'DREN PA KHYOD LA PHYAG 'TSAL LO, ,SPRUL PA'I KHRO BO RDO RJE THABS BDAG NI, ,SKU MDOG SER NAG DU BA'I MDOG 'DRA BA, ,BYA DANG BYED PA'I BDAG NYID RDZA RNGA BSNAMS, ,SGRA CHEN SGROGS BA KHYOD LA PHYAG 'TSAL LO, ,SPRUL BA'I KHRO BO RDO RJE GTUM CHEN NI, ,SKU MDOG MTHING GA SKU GSUM RANG BZHIN CAN, ,SMAN PA'I RANG BZHIN GNAM LCAGS 'KHOR LO BSNAMS, ,NYON MONGS SEL BA KHYOD LA PHYAG 'TSAL LO, ,RDO RJE RGYU YI STOBS NI DMAR NAG STE, ,RTEN 'BREL RTEN CING 'BREL PA'I BDAG NYID NI, ,MA RUNGS GDUL PHYIR PHYAG NA BE CON BSNAMS, ,BDUD RNAMS SKRAG PAR 'DZAD LA PHYAG 'TSAL LO, ,RDO RJE RAB BYED SNA TSOGS PHRIN LAS KYI, ,'DOD CHAGS THAMS CAD THABS LAS GROL BA YI, ,BDAG NYID CAN GYI RDO RJE RTZI GCIG BSNAMS, ,RDO RJE RAB BYED KHYOD LA PHYAG 'TSAL LO, ,GANG ZHIG BSTOD PA 'DI YI STOD BYE NA, ,BCOM LDAN MI G-YO MGON PO 'KHOR BCAS KYIS, ,'JIG RTEN 'JIG RTEN 'DAS PA'I DNGOS GRUB KUN, ,BSTOD DANG BSGRUB PA RNAMS LA STZOL BAR 'GYUR, ,'DI BSTOD 'DI NI MCHOD BYED NA, ,DNGOS GRUB MYUR DU THOB PAR 'GYUR, ,'PHAGS PA KHRO BO'I RGYAL PO MI G-YO BA LA BSTOD PA, ,SLOB DPON CHEN PO DPAL MAR ME MDZAD PA RDZOGS SO,, ,,RGYA GAR GYI MKHAN PO DE NYID DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA BAB PA'O,,