, ,RGYA GAR SKAD DU, HA YA GR'I BA S'A DHA NAm N'A MA, BOD SKAD DU, RTA MGRIN GYI SGRUB THABS ZHES BYA BA, RTA MGRIN LA PHYAG 'TSAL LO, ,SNGAR GSUNGS PA'I CHO GAS SNA TSOGS PADMA DANG NYI MA LA YE SHES HAm YIG DMAR PO LAS SKYES PA'I 'PHAGS PA RTA MGRIN SKU MDOG DMAR PO ZHAL GSUM PA, PHYAG BRGYAD PA, SPYAN GSUM PA, G-YAS PA DANG CIG SHOS KYI ZHAL NI SNGON PO DANG DKAR PO'O, ,SPRUL GYIS BRGYAN CING 'GYING BAS BZHUGS PA, ZHAL DANG PO KHRO BO'I MIG GIS BLTA BA, G-YAS KYI ZHAL NI LJAGS 'DRIL BA, G-YON GYI ZHAL NI TSEMS KYIS MA MCHU MNAN PA, STAG GI PAGS PA'I SHAM THABS CAN NO, ,G-YAS KYI PHYAG BZHI NA RDO RJE DANG, DBYIG PA DANG, PHYAG RGYA DANG MDA'O, ,G-YON GYI PHYAG BZHI YIS SDIGS MDZUB DANG, RANG GI NU MA LA REG PA DANG, PADMA DANG GZHU'O, ,COD PAN LA MI BSKYOD PA BSAM MO, ,'DI NI RTA MCHOG YE SHES ZHES BYA BA'I TING NGE 'DZIN NO, ,AOm HAm HYA GR'I BA SV'A H'A, ZHES PA NI BZLAS PA'I SNGAGS SO, ,RTA MGRIN GYI SGRUB THABS SLOB DPON TZANDRA GO MIS MDZAD PA RDZOGS SO,, ,,RGYA GAR YUL B'A R'A nA S'I'I PAndI TA PU RU shOTTA MA'I ZHAL SNGA NAS MNYAN TE, LO TZ'A BA SH'AKYA'I DGE SLONG NYI MA RGYAL MTSAN DPAL BZANG POS BLA MA DAM PA'I BKAS GTZUG LAG KHANG CHEN PO DPAL THAR PA GLING DU LEGS PAR BSGYUR PA'O,,