, ,RGYA GAR SKAD DU, HA YA GR'I BA S'A DHA NAm N'A MA, BOD SKAD DU, RTA MGRIN GYI SGRUB THABS ZHES BYA BA, RTA MGRIN LA PHYAG 'TSAL LO, ,BDE BAR GSHEGS PAS DGONGS SHING RTOGS PA'I PHYIR DNGOS PO THAMS CAD NI 'DI LTAR GDOD MA NAS MA SKYES SHING MI GNAS PA'I PHYIR RO, ,DE NAS RI RAB LCOG BRGYAD PA RIN PO CHE SNA BDUN GYI RANG BZHIN CAN, DE'I DBUS SU DPAG TSAD STONG GI TSAD TZAM GYI 'OD KYI PHUNG PO DER NYE BAR GNAS LA, DKON MCHOG GSUM LA SKYABS SU 'GRO BA LA SOGS PA SNGON DU 'GRO BAS LUS DANG NGAG DANG YID BYIN GYIS BRLAB PO, ,DE NAS NAM MKHA' KHYAB PA'I NYI MA'I DKYIL 'KHOR SPRUL LA, ,DE NYID DU H'Um YIG 'BAR BA'I RNAM PA BSAM PAR BYA'O, ,DE NAS, NA MA:SA MANTA K'A YA B'AKTZITTA BADZR'A n'%, AOm A'A:H'U% ZHES PA 'DI PHYOGS BCU MTHA' YAS PA'I 'JIG RTEN GYI KHAMS NA BZHUGS PA'I SANGS RGYAS DANG BYANG CHUB SEMS DPA' LA SOGS PA YE SHES KYI RNAM PA SPYAN DRANGS LA BZHUGS SO, ,YANG GNYIS PA LA H'U% YIG GIS RTA MGRIN BSKUL ZHING SPYAN DRANGS LA BZHUGS SO, ,GSUM PA LA H'Um YIG GIS BDAG NYID RDO RJE RTA MGRIN GYI RANG BZHIN CAN TE, SKU MDOG DMAR PO 'JIGS PAR MDZAD PA; SPYAN GSUM PA, SMAR DMAR SER CAN, DRAG PO, GSUS PA 'PHYANG BA, MCHE BA GTZIGS SHING TSEMS KYIS MA MCHU MNAN PA, MGO PO'I PHRENG BA DANG RAL PA'I COD PAN CAN, 'OD DPAG MED SPYI BOR BZHUGS PA, ZHAL GNYIS PA, RTA ZHAL SNGON PO H'I H'I'I SGRA SGROGS PA, SRID RTZE'I MTHAR THUG PA'I TSANGS PA'I SGO NGA'I RTZE RTA ZHAL GYIS MNAN PA, SPRUL BRGYAD KYIS BRGYAN PA, MI'U THUNG GI RNAM PA CAN, STAG GI PAGS PA'I SHAM THABS CAN, RGYAN KUN GYIS BRGYAN PA, LHA DANG LHA MA YIN THAMS CAD BSDIGS PA DANG DBYIG PA 'CHANG BA'O, ,SNA TSOGS PA'I 'OD ZER
, ,GYI KHA DOG SPRO BA DANG BSDU BA SNGON BZHIN BSAM PAR BYA'O, ,BCOM LDAN 'DAS DE BSGOMS PA LAS YID BZHIN GYI NOR BU DANG, BUM PA BZANG PO DANG, DPAG BSAM GYI SHING DANG BCUD LEN LA SOGS PA'I DNGOS GRUB KYIS GRUB PA MNGON SUM DU 'GYUR RO ZHES GSUNGS SO, , RTOG PA BDUN BRGYA PA NAS GSUNGS PA'I RTA MGRIN GYI SGRUB THABS RDZOGS SO,, ,,RGYA GAR B'A R'A nA S'I'I PAndI BU RU shOTTA MA'I ZHAL SNGA NAS MNYAN TE, LO TZ'A BA SH'AKYA'I DGE SLONG NYI MA RGYAL MTSAN BZANG POS NYANG RO 'KHRIS KYI GTZUG LAG KHANG DU BSGYUR BA'O,,