, ,RGYA GAR SKAD DU, KRO DHA R'A DZA AA GU DZVA LA AA KHA BI RA DZA BADZRA MAnd LA BIDHI N'A MA, BOD SKAD DU, KHRO BO'I RGYAL PO RDO RJE GNAM LCAGS 'BAR BA ZHES BYA BA'I DKYIL 'KHOR GYI CHO GA, ,KHRO BO RDO RJE GNAM LCAGS 'BAR BA LA PHYAG 'TSAL LO, ,GTUM DRAG 'JIGS PA'I SGRA SKAD 'BRUG SGRA SGROGS, ,RJE BTZUN DE LA PHYAG 'TSAL TE, DE YI DKYIL 'KHOR CHO GA BRI, ,DAD PA DANG LDAN PA, DAM TSIG DANG RANG GI BRTUL ZHUGS BSRUNG BA RNAM PAR RTOG PA MED CING RGYUD GCIG PA, BLA MA DANG RDO RJE GNAM LCAGS 'BAR BA LA MCHOG TU GUS PA'I SLOB MA YON TAN GANG LDAN PAS, DANG PO MAndALA DANG TSOGS KYI MCHOD PA CHEN PO BYAS NAS, BLA MA LA GSOL BA GDAB PAR BYA'O, ,DE NAS BLA MA KHRO BA MED PA SNGAGS DANG PHYAG RGYA DANG RGYUD LA MKHAS PA, THOS PA'I PHA ROL TU SON PA, RGYUD 'DIR DBANG THOB PA, DAM TSIG DANG, SDOM PA DANG LDAN PA DES KHRO BO BSKYED LA BSNYEN PA LA THUG PAR BYAS NAS, SU PI TRI'I SNGAGS 'BUM BZLAS PA BYA BA NI SNGON DU BSNYEN PA, DE NAS RGYUD GZHAN NAS GSUNGS PA'I GNAS YID DU 'ONG BA, GANG YANG RUNG BAR SONG NAS BDUD RTZI 'KHYIL PA'I SNGAGS BZLAS PA'I CHUS GTOR TE, DER DKYIL 'KHOR BYAS TE, MCHOD PA DANG GTOR MA BYAS TE, RANG GI KHRO BO DANG LHA MO MCHOD LA, 'BYUNG PO THAMS CAD LA GTOR MA BYIN NAS, SA'I LHA MO LAS BLANG BA NI, SKYOB PA SANGS RGYAS THAMS CAD KYI, SPYOD PA'I TSUL DANG KHYAD PAR DANG, SA DANG PHA ROL PHYIN PA LA, LHA MO KHYOD NI DBANG DU GYUR, SKYOB PA SH'AKYA SENG GE YIS, ,JI LTAR BDUD KYI SDE BCOM PA, ,DE LTAR BDAG GIS BDUD KYI SDE, BAM PAR BYAS TE DKYIL 'KHOR BRI, ,ZHES BRJOD LA, THAL MO SA LA BRDABS PA LAS, SA'I LHA MO SKU PHYED TZAM 'THON NAS 'DUG PA LAS, NGAS SEMS CAN GYI DON DU DKYIL 'KHOR BYED PAS, BDAG LA SA BYIN CIG CES BRJOD PA LAS, KHYOD DKYIL
'KHOR GYI BDAG PO YIN PAS, DKYIL 'KHOR GYIS ZHES BRJOD NAS SA LA THIM PAR BSAM MO, ,SA BLANG BA'I RIM PA'O, ,DE NAS BDUD RTZI 'KHYIL PA'I RNAL 'BYOR DU GNAS TE, DE NAS SA'I LHA MO NAM MKHA' LA GSHEGS PAR BSGOMS LA, SA BRKO STE SA'I RO RNAM LNGA BSAL LA, ,DER RIN PO CHE LNGA DANG 'BRU LNGA DANG LDAN PA'I BUM PA GCIG LA SLAR RANG GIS SA DGANG NGO, ,DE NAS DKYIL 'KHOR NYIS 'GYUR DU SPOS CHU'I CHAG CHAG DANG BA'I RNAM PA LNGAS BYUG GO, ,DE NAS RDO RJE SLOB DPON GYIS DKYIL 'KHOR GYIS DBUS SU GNAS NAS, STONG PA NYID SNGON DU 'GRO BAS LHA'I NGA RGYAL BYA'O, , SA GZHI THAMS CAD STONG PA'I RANG BZHIN LAS, H'U% LAS RDO RJE'I SA GZHIR BSGOMS NAS, DE'I DBUS SU NGA RGYAL GYIS GNAS PAR BYAS LA, LHA'I NGA RGYAL CAN DAG GI DKYIL 'KHOR BRIS PAR GSOL BA BTAB NAS, DKYIL 'KHOR NAM MKHA' LA BTEG LA, RDO RJE SLOB DPON GYI MIG TU MA DANG, AA LAS GRUB PA'I NYI MA DANG, ZLA BA 'OD 'BAR BA DANG BCAS PAR BSAMS TE, RKANG PA'I 'OG TU H'U% LAS RDO RJE RGYA GRAM 'OD 'BAR BA DANG BCAS PA BSGOMS NAS LANGS TE, BYANG SHAR GYI MTSAMS NAS BSKOR BA BYAS TE, RDO RJE'I LTA BA DANG, ,RDO RJE'I 'GROS DAG GIS BGEGS GZHON PAR BYA'O, ,DE NAS YANG DKYIL 'KHOR GYI DBUS SU 'DUG NAS, RDO RJE 'BAR BA'I NGA RGYAL DU BYAS NAS, DE'I SNYING GAR GNAS PA'I SA BON LAS BYUNG BA'I KHRO BO'I PHUR BU BSKYED NAS, BDAG GIS SKE NAS BZUNG NAS PHYOGS BCUR PHUR BU GDAB PAR BYA'O, ,AOm GHA GHA GH'A TA YA GH'A TA YA, SARBA DUsht'A NA PHAt, K'I LA YA K'I LA YA, SARBA P'A PAm PHAt, H'U% H'U% H'U% BADZRA K'I LA YA, ,BADZRA DHA RO DA AADZNY'A PA YA TI SARBA BIGHN'Am K'A YA B'A KTZI TTA BADZRA K'I LA YA H'U% PHAt, CES BDUD RTZI 'KHYIL PA'I SNGAGS KYIS GDAB PAR BYA'O, ,SA GZUNG PA'I RIM PA'O, ,DE NAS DKYIL 'KHOR GYI DBUS SU KHRU GANG BA'I DKYIL 'KHOR ZLUM POR BYAS LA, LHA'I GRANGS DANG MNYAM PA'I DRI'I THIG LE BYAS LA, DER ME TOG GI TSOM BU BKRAM LA SA BON LAS LTAR BSKYAD LA, NAM MKHA'I LHA BSTIMS LA, YE SHES KYI LHA SPYAN DRANGS LA, NAM MKHAR BGEGS BSKRAD NAS BSTIMS NAS, MCHOD BSTOD BDUD
, ,RTZI MYANGS LA, GSOL BA GDAB PA NI, H'U% BCOM LDAN RDO RJE GNAM LCAGS 'BAR BA NI, ,RIG SNGAGS BDAG PO PHYAG 'TSAL LO, ,SNYING RJE'I YID KYIS DKYIL 'KHOR BRI BAR 'TSAL, ,DE NAS BYIN BRLABS GNANG BA MDZAD PAR GSOL, ,DGONGS SHIG SANGS RGYAS SDE DANG TSOGS; ,LHA RNAMS BSTAN LA MNGON DGA' BA, ,DKYIL 'KHOR BYIN BRLAB DNGOS GRUB MDZOD, ,LEN GSUM BRJOD DO, ,LHA LHAG PAR GNAS PA'O, ,DE NAS GSER DANG DNGUL LA SOGS PA'I BUM PA MTSAN NYID DANG LDAN PA LA LHA'I GRANGS DANG MNYAM PA'AM, YANG NA GNYIS LA SNA TSOGS PADMA'I STENG DU RANG GI MTSAN NYID BRI, LAS KYI BUM PA LA PADMA'I DBUS SU SNA TSOGS RDO RJE BRI BAR BYA'O, ,GTZO BO'I BUM PAR SMAN LNGA, 'BRU LNGA, RIN PO CHE LNGA, DRI CHU BDUD RTZI LNGAS BKANG LA, BUM PA GZHAN DU 'ANG DE BZHIN TE, MGUL CHINGS RAS ZUNG GCIG GIS BCING BAR BYA'O, ,ME TOG PHRENG BA DANG GDUGS KYIS BRGYAN TE, GDUGS DKAR PO RE RE DBUB PAR BYA'O, ,TZU TA LA SOGS TE 'BRAS BU DANG BCAS PA'I SHING GIS KHA BRGYAN PAR BYA'O, ,DE NAS GTZO BO'I BUM PAR PADMA'I SKU BSKYED, PHYAG RGYA BZHI DANG LDAN PAR BYAS LA, YE SHES SEMS DPA' SPYAN DRANGS BSTIMS LA, MCHOD BSTOD DANG BZLAS PA BYA, DAM TSIG GI KHRO BO DANG, YE SHES KYI BDUD RTZI GNYIS 'DRES PAS YE SHES KYI BDUD RTZI'I RANG BZHIN DU BYA'O, ,DE NAS BUM PA GZHAN DU YANG SHES PAR BYA'O, ,LAS KYI BUM PA LA PADMA'I STENG DU LAS THAMS CAD PA'I KHRO BO BSKYED LA, YE SHES BCUG LA MCHOD PA DANG BZLAS BA BYAS NAS, MA ZHU BAR SKUR BZHUGS PAR BSGOMS NAS MA GRUB BAR DU BGEGS MA RUNGS PA BSRUNG BAR GSOL BA GDAB BO, ,BUM PA LHAG PAR GNAS PA'I CHO GA'O, ,DE NAS SLOB MA SHAR PHYOGS SU MAndAL PHUL LA DER 'DUG LA, RDO RJE SLOB DPON GYIS GTZO BO'I NGA RGYAL BYAS LA GSOL BA GDAB BO, ,DGA' CHEN KHYOD BDAG STON PA BAS, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BSTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, SKYABS
GSUM DAG KYANG BDAG LA STZOL, ,THAR PA CHEN PO'I GRONG MCHOG TU, ,MGON PO BDAG NI 'JUG BAR 'TSAL, ,ZHES GSOL BA GDAB BO, ,DE NAS SLOB DPON GYIS SLOB MA'I LAG PA NAS BZUNG NAS, BU TSUR THEG PA CHEN PO LA, ,KHYOD NI TSUL CHEN SNOD YIN TE, ,GSANG SNGAGS SPYOD TSUL CHO GA NI, ,KHYOD LA YANG DAG BSTAN PAR BGYI, ,RDZOGS PA'I SANGS RGYAS GANG 'DAS DANG, ,GANG DAG DE BZHIN MA BYON DANG, ,DA LTAR BYUNG BA'I RDZOGS SANGS RGYAS, ,'GRO LA PHAN PHYIR BZHUGS PA RNAMS, ,DE DAG KUN GYI SA GSANG SNGAGS KYI, ,TSOGS MCHOG BZANG PO 'DI MKHYEN NAS, , DPA' BOS BYANG CHUB SHING DRUG DU, ,THAMS CAD MKHYEN PA TSAD MED BRNYES, ,GSANG SNGAGS SPYOD PA MNYAM MED PA, ,SKYOB PA RDO RJE GNAM LCAGS 'BAR BA YIS, ,BDUD SDE SHIN TU MI BZAD PA, ,DPUNG CHEN DAG KYANG 'DI YIS BCOM, ,DE NAS KUN MKHYEN THOB PA'I PHYIR, ,BU YIS BLO GROS 'DI GYIS SHIG ,DE NAS NYAN PAR RNA BA GTOD PA DANG, SDIG PA BSHAGS PA LA SOGS PA BYED DU BCUG STE, DE NAS BYA BA'I RGYUD LA SOGS PA DANG THUN MONG GI SNGOM PA DANG, RNAL 'BYOR BLA NA MED PA'I PHAS PHAM PA BCU BZHI DANG, SDOM PA DBOG PA LA SOGS PA DAG KYANG BYA'O, ,DE NAS SLOB MA'I GNAS GSUM DU DRI'I THIG LE BYAS TE, RDO RJE DANG 'KHOR LO DANG PADMA DAG BSKYED DE, DE DAG GI LTE BAR SA BON GSUM BSAM ZHING, AOm A'A: H'U% ZHES GNAS GSUM DU RDO RJE GZHAG PAR BYA'O, ,DE NAS MCHOD DE SO SHING ME TOG GI PHRENG BAS BRGYAN PA, BDUD RTZI 'KHYIL PA'I SNGAGS KYIS BTAB LA SBYIN NO, ,SLOB MAS RTZE 'CHA' ZHING RTZA BA BRUD LA DKYIL 'KHOR GYI DBUS SU DOR RO, ,ZHI BA LA SOGS TE LAS DANG DNGOS GRUB KYI RTAGS SHES PAR BYA'O, ,SRUNG SKUD LA BDUD RTZI 'KHYIL PA'I MDUD PA BOR TE, DPUNG PA G-YON PA LA GDAGS PAR BYA'O, ,DE NAS KU SHA LA LAS THAMS CAD PA'I SNGAGS KYIS BYIN LA, SHAR LHO MTSAMS SU MGO BSTAN LA NYAL TE RMI LAM DRAN PAR BYA'O, ,SLOB MA LHAG PAR GNAS PA'I RIM PA'O, ,DE NAS YOL BA'I NANG DU LOG LA MCHOD BSTOD DANG BZLAS PA BYA'O, ,DE NAS NANG PAR DKYIL 'KHOR GYI LHA NAM MKHAR BTEG LA THIG GDAB PAR BYA'O
, ,TSON SNA LNGA'I SKUD PA SO SOR STONG PA NYID LAS YI GE LDAR GYUR PAR BSAM, DE NAS DE DAG GCIG TU BSGRIL LA, GSER LA SOGS PA'I SNOD DU BZHAG LA BDUD RTZI LNGA'AM, SPOS CHUS BSANGS TE G-YAS G-YON DBUS DANG GSUM DU AOm A'A: H'U% GIS RIM PAR BKOD DE BZHAG, DE NI DAM TSIG GI SKUD PA'I RIM PA'O, ,DE NAS MA DUN GYI NAM MKHA' LA BZHUGS PA'I RIGS LNGA'I THUGS KA NAS YE SHES KYI SKUD PA 'OD DU GNAS PAR BSAMS TE, RANG GI MIG GNYIS SU NYI MA BSAMS TE, DE'I STENG DU DZA:DMAR PO BSAM, DE NAS MIG GI RDZI MA 'DREN PAS, YE SHES KYI SKUD PA DZA:SA DRANGS NAS DAM TSIG GI SKUD PA LA GZHUG GO, ,DE NAS MCHOD PA LNGAS MCHOD DO, ,YE SHES KYI SKUD PA'I RIM PA'O, ,DE NAS SLOB DPON NUB TU 'DUG NAS, SKUD PA RDO RJE'I KHU TSUR G-YON PAS BZUNG LA, GTZO BOR BSGOMS LA, LTE BAR KHU TSUR BZHAG LA DZA:GSUM GYIS SLOB MA'I LAG TU G-YAS PAS DRANGS TE BYIN LA, TSANGS PA'I THIG DANG PO GDAB BO, ,AOm BADZRA SA MA YA M'A TI KRA MA H'U%, ZHES GYEN DU BTAB PA'I SGRAS DE BZHIN GSHEGS PA RNAMS 'GRO BA'I DON GYI DUS LA BAB PO BAR BSKUL LO, ,DE NAS TSANGS THIG GNYIS PA YANG DE BZHIN DU GDAB PAR BYA'O, ,DE NAS KHA DOG GCIG PA'I SKUD PA LAS THAMS CAD PAS BYIN GYIS BRLABS LA SA'I THIG BTAB LA, DE'I STENG DU YE SHES KYI THIG BTAB LA SNGA MA'I THIG BYIN GYIS BRLAB PAR BYA'O, ,DE NAS YE SHES KYI THIG LA MCHOD PA BYAS LA SLAR GSHEGS SU GSOL LO, ,DE NAS TSANGS PA'I THIG DANG PO BTAB LA BYA ROG RJES GNYIS LHO BYANG DU BRI'O, ,DE NAS GNYIS PA BTAB STE, DES ZUR BZHI'I BYA RJES BTZAL LO, ,DANG PO SHAR GDAB, DE NAS NUB GDAB, DE NAS BYANG, DE NAS LHO GDAB, DE NAS ME RLUNG GI GRU GDAB, SRIN PO DANG DBANG LDAN GDAB, DE NAS CHA CHEN NYI SHUR BTAB NA BDE BA YIN, DE LA DBUS KYI PHO BRANG DANG SGO RTA BABS DANG BCAS PA'O, ,RDO RJE RAB ME RI GNYIS BCO BRGYAD MA GTOGS PHYI NAS BTZAL BA THIG GI RIM PA'O, ,DE NAS TSON SNA LNGA'I RIM PAR BZHAG STE, STONG PA NYID LAS YI GE LNGA LAS BSKYED DE, DRI DANG BDUD RTZIS BSANGS LA, DE NAS SNGA MA BZHIN DU YE SHES TSON 'BAR
BA'I LTA BAS SNGA MA BZHIN DU BKUG LA BSTIM LA, AOm BADZRA TZI TRAS MA YA STVAm ZHES BZLAS, DE NAS BYANG SHAR MTSAMS NAS DKAR PO DRANGS TE, MDZUB GANG BLA MA'I LAG PA G-YON PAS BRI'O, ,DE NAS, CHOS DBYINGS 'DI NI DAG PA STE, ,SEMS CAN KHAMS KUN SGROL BYED PA, ,RGYAL BA RDO RJE GNAM LCAGS MCHU 'BAR NYID, ,DE BZHIN GSHEGS PA KUN GYI GNAS, ,ZHES BRJOD DE, DES MCHOD LA RIN PO CHE'I SNOD KYIS BKAB LA GZHAG GO, ,DE NAS DBUS NAS BRI BAR BYA STE, RDO RJE RTZE LNGA RGYA GRAM RDO RJE RA BAR LDAN PA, DE NI DBUS KYI DKYIL 'KHOR YIN, ,DE NAS PHYI YI ZLUM PO NI, ,'KHOR LO RTZIBS BCU'I LTE BA BYA, ,DE YI PHYI RIM RDO RJE'I RAB BYA, ,GRU CHAD SNAM BU BZHI DANG LDAN, ,GRU BZHI PA LA SGO BZHI PA, ,RTA BABS BZHI DANG YANG DAG LDAN, ,DRIL BU DANG NI 'PHAN LA SOGS, ,ME TOG PHRENG BA RNAMS KYIS BRGYAN, ,GRVA RNAMS DANG NI SGO KHYUD DU, ,RDO RJE RIN CHEN SPRAS PA DANG, , DE BZHIN ZLA BA PHYED PAS BRGYAN, ,RDO RJE'I PHRENG BA DANG PADMA'I PHRENG BA BYA'O, ,MTSAN MA DGOD PA YANG RDO RJE RGYA GRAM GYI LTE BA LA RDO RJE DRIL BU DGOD PAR BYA, SHAR GYI RDO RJE'I RTZIBS RTZA LA RAL GRI BRI, LHO'I RDO RJE'I RTZIBS RTZA LA SENG LDENG GI PHUR BU, NUB KYI RDO RJE'I RTZIBS RTZA LA GNAM LCAGS KYI THO BA, BYAD GI RDO RJE'I RTZIBS RTZAL LCAGS KYU ZHAGS PA DGOD DE, DE DAG NI NANG GI PHYAG RGYA DGOD PA'O, ,'KHOR LO'I RTZIBS BCU DGOD PA NI, KHRO BO BCU'I PHYAG MTSAN DGOD DE RGYUD GZHAN DANG MTHUN, 'KHOR LO'I GRVA BZHIR NANG GI LHA MO BZHI'I PHYAG MTSAN DGOD, LHA SNAM GYI GZHIR PHYI YI LHA MO BZHI'I PHYAG MTSAN DGOD, SGO BZHIR SGO SRUNG BZHI'I PHYAG MTSAN DGOD DE RGYUD GZHAN DANG MTHUN, DKAR PO SER PO DMAR PO DANG, ,DE BZHIN DU NI LJANG DANG SNGO, ,SNGON PO NANG DU SHES BYA STE, ,'DI NI TSON GYI RIM PA YIN, ,SHAR PHYOGS SU NI DKAR PO CHE, ,LHO PHYOGS SU NI SER PO CHE, ,BYANG NI LJANG GU YANG DAG LDAN, ,DBUS KYI SA YI CHA NYID NI, ,NAG PO MIG SMAN BCAG DANG MTSUNGS, ,'DI DAG NI DKYIL 'KHOR BRI ZHING PHYAG RGYA DGOD PA'I RIM PA'O, ,DE NAS BUM BA DGOD DE, GTZO BO'I BUM PA DBUS SU DGOD, LAS KYI BUM PA BYANG SHAR MTSAMS SU GZHAG STE, KHYOD KYIS
, ,BGEGS BSRUNG BA GYIS SHIG CES BRJOD NAS, BIGHN'Am TA KRi TA BZLAS, BUM PA GZHAN RNAMS NI DANG PO LHA GANG BSGOMS PA'I PHYOGS SU GZHAG GO, ,DE NAS SBYIN SREG GI CHO GA NI, SGRUB PA'I THABS SU RGYAS PAR BSHAD PAS 'DIR MA BRIS SO, ,DE NAS MCHOD PA'I RDZAS NI, ME TOG SNOD NI BRGYA 'AM STONG NGAM BCU'O, ,BDUG SPOS DANG MAR ME DANG DRI CHAB DANG, ZHAL ZAS KYI SNOD BRGYA 'AM, STONG NGAM BCU LAS NYUNG DU MI RUNG NGO, ,AARGHAm DANG ZHAL BSIL DANG ROL MO'I BYE BRAG RNAM PA SNA TSOGS PA DUNG DANG, RDZA RNGA DANG, 'KHAR RNGA DANG, PI WANG DANG, GLING BU DANG, dAM RU DANG, DRIL BU G-YER KA DANG, PHEG RDOB PA DANG, RNGA RINGS LA SOGS PA YANG 'BYOR TSAD DO, ,GDUGS DANG, RGYAL MTSAN DANG, BA DAN DANG, BLA RE DANG, 'PHAN DANG, SPRIN CHEN PO LA SOGS PA YANG BRI'O, ,SLOB MA'I GRANGS DANG BSTUN PA'I GTOR MA DU 'BYOR BA DANG, GZHAN YANG LHA RNAMS LA 'BUL BA'I TSOGS KYI RDZAS DANG, BDUD RTZI LNGA DANG, RAS ZUNG DANG BCAS PA MCHOD RDZAS 'BYOR TSAD PA YANG GZHAG GO, ,MCHOD PA'I RDZAS KYI RIM PA'O, ,DE NAS RDO RJE SLOB DPON GYIS DKYIL 'KHOR CHA RKYEN THAMS CAD PHUN SUM TSOGS PA SHES NAS NI, DE NAS RGYAN GYIS BRGYAN PA'I GU RUS KHAMS GSUM RNAM PAR RGYAL BA'I NGA RGYAL BYAS TE, ME TOG GI PHRENG BA SNGON PO BLANGS TE H'Um BZHI'I SNGAGS ZLOS SHING RDO RJE DRIL BU DKROL ZHING DKYIL 'KHOR LAN GSUM BSKOR TE, BLTAS LA PHRENG BA DE BCOM LDAN 'DAS LA PHUL LA, YANG GAR BYA BA'I TSUL GYIS RANG GI MGO LA BCINGS NAS PHYAG BYA'O, ,RANG LHA'I RNAL 'BYOR DU 'JUG PAR BYA STE, DANG POR KHRO BO GNOD MDZES KYIS BGEGS BSAL BA'I SBYOR BA SNGON DU BYAS NAS BLA MA MCHOD PA DANG, STONG PA NYID DANG, YE SHES KYI YAN LAG BSGOMS NAS, 'BYUNG BA RIM BRTZEGS DANG, GZHAL YAS KHANG BSGOM PA DANG, DAM TSIG BSKYED LA YE SHES SPYAN DRANGS SHING BSTIMS LA, MCHOD BSTOD BDUD RTZI MYANG BA YAN CHAN BYAS LA, GTOR MAS 'BYUNG PO THAMS CAD TSIM PAR BYAS LA, DE NAS SGOM PA SNGON DU 'GRO BAS SLOB MA DKYIL 'KHOR DU 'JUG PA'I DKYIL 'KHOR SLOB DPON GYIS BSGOM PAR BYA'O, ,YE SHES KYI DKYIL
'KHOR DANG BSRES NAS BSANG GTOR DANG MCHOD PA DANG BDUD RTZI MYANG BA DANG, RAS ZUNG THAMS CAD DBUL BAR BYA'O, ,MCHOD PA'I RIM PA'O, ,DE NAS RANG DBANG BLANGS LA, DKYIL 'KHOR LHA LA DNGOS GRUB THAMS CAD BSGRUB PA'I PHYIR, SEMS CAN DON MDZOD CIG CES GSOL BA GDAB PAR BYA'O; ,YANG, RDO RJE SLOB DPON DKA' THUB CHE, ,SEMS CAN KUN LA PHAN PA'I PHYIR, ,SLOB MA RNAMS NI GZHUG PAR BGYI, ,ZHES RTZE MO NAS 'BYUNG BA BZHIN DU GSOL BA BTAB LA DPAL MCHOG DANG PO NAS 'BYUNG BA'I GLUS NYE BAR BSKUL BA ZHES BYA STE, NAM MKHA' LAS BYUNG MTSAN LDAN PHYIR,, THOG MA THA MA MED PA'I MCHOG ,SEMS DPA'I RDO RJE CHE RANG BZHIN, ,RDO RJE 'DZIN PAR BDAG SGRUBS SHIG ,DNGOS GRUB CHEN PO KUN GYI MCHOG ,DBANG PHYUG CHEN PO LHAG PA'I LHA, ,RDO RJE 'DZIN PA KUN GYI RGYAL, ,MI 'GYUR MCHOG TU BDAG SGRUBS SHIG ,NYES PA MED PA RTAG PA STE, ,'DOD CHAGS KUN GYI RJES SU CHAGS, ,'DOD CHAGS CHEN PO DGA' BA CHE, ,BCOM LDAN DE NYID BDAG SGRUBS SHIG ,SHIN TU DAG PA KUN GYI MCHOG ,GDOD NAS GROL BA DE BZHIN GSHEGS, ,KUN DU BZANG PO KUN BDAG NYID, ,BYANG CHUB SEMS SU BDAG SGRUBS SHIG ,DNGOS GRUB CHEN PO MCHOG GI MCHOG ,DBANG PHYUG CHEN PO RGYAL BAS RGYAL, ,GRUB PA'I RDO RJE CHE GSAL BA, ,RDO RJE SNYEMS PAR BDAG SGRUBS SHIG ,SEMS CAN KUN GYI YID KHYAB PA, ,SEMS CAN KUN GYI SNYING LA GNAS, ,SEMS CAN KUN GYI YAB NYID DE, ,'DOD CHAGS MNYAM PA'I DAM TSIG MCHOG , BDEN PA GANG GIS YE SHES MCHOG ,SHES RAB THABS KYI DKYIL 'KHOR YIN, ,BDEN PA DE YIS MGON BDAG LA, ,KHYED KYI 'DOD BA RAB RDZOGS MDZAD, ,CHOS RNAMS GZUGS BRNYAN LTA BU STE, ,DAG CING GSAL LA RNYOG BA MED, ,GZUNG DU MED CING BRJOD DU MED, ,RGYU DANG LAS LAS KUN DU 'BYUNG, ,DE BZHIN NYID LAS NGES PAR SKYES, ,BDEN PA 'DI YIS DKYIL 'KHOR DU, ,GZUGS BRNYAN GSAL BAR SLOB MA NI, ,KUN GYIS DRI MA MED MTHONG SHOG ,DE NAS BDEN PA BSGRAG PAR BYA STE, SHES RAB THABS DANG DKYIL 'KHOR GYI, ,BDEN PA'I BYIN RLABS GANG
, ,YIN PA'O, ,MGON PO KHYOD KYI BDEN PA DES, ,BDAG GI 'DOD PA SKONGS GYUR CIG ,DE NAS SLOB MA PHYI ROL NA GNAS PA'I DRUNG DU, LAS KYI SLOB DPON GYIS MAR ME GDONG G-YOGS SPOS CHU RNAMS BSHAMS TE, SLOB MA RE RE NAS BKUG LA MAndAL PHUL LAG NA ME TOG THOGS PA'I SLOB MAS GSOL BA LAN GSUM GDAB BO, ,SANGS RGYAS RNAMS KYI RANG BZHIN SKU, ,SLOB DPON LA NI BDAG SKYABS MCHI, ,GTZO BO KHRO BOR BCAS PA YI, ,LA SOGS PA BRJOD CING BSAMS LA, ,GDONG G-YOGS LA, RDO RJE NAS BZUNG STE NANG DU GZHUG ,DE NAS SLOB DPON GYIS, DE BZHIN GSHEGS PA KUN GYI GNAS ZHES PA LA SOGS PAS GSOL BA GDAB BO, ,KHYOD SU YIN ZHES KYANG DRI'O, ,DKYIL 'KHOR GYI LHA LA SGO BZHI NAS PHYAG BYED DU BCUG ,DE NAS SLOB MA RNAM PAR SNANG MDZAD DU BSKYED LA, DE NAS A'A KHAm B'I RA H'U%, RDO RJER GYUR BA'I YID KYIS SU; ,BYANG CHUB TSOGS NI RDZOGS BYA'I PHYIR, ,LAG PA STONG PAS MI BYA'O, ,ZHES ME TOG 'DZIN DU BCUG LA, SHAR SGOR STAN LA H'U% GIS GZHAG PAR BYA'O, DE NAS SDIG PA BSHAGS PA NAS, DGE BA'I RTZA BA BSNGO BA'I BAR DU BYED DU BCUG LA, DE NAS SDOM PA SBYIN PAR BYA STE, SANGS RGYAS CHOS DANG DGE 'DUN TE, ,ZHES PA NAS MCHOD PA'I LAS KYANG CI NUS BGYI PA'I BAR DANG, GANG PHYIR RDO RJE 'DZIN PA YIS, ,DNGOS GRUB SLOB DPON RJES 'BRANGS NAS, ,SNGAGS PAS 'DI DAG SPANGS NAS NI, DNGOS GRUB NGES PAR THOB PAR 'GYUR GYI BAR DU PHOG LA, SLOB MAS GTZO BO 'DI NI BDAG LA GSON NAS, SEMS CAN MYA NGAN 'DAS LA DGOD KYI BAR DU BRJOD KYI BAR DU BRJOD LA KHAS BLANG NGO, ,DE NAS AOm A'A:BIGHN'A NTA KRi TA H'U% GIS BSANGS LA, DE NAS SARBA YO GA TZI TTO TP'A DA Y'A MI ZHES PAS RNAL 'BYOR DU SEMS BSKYED LA, DE'I SNYING GAR H'U% LAS RDO RJE BSKYED DE, SU RA TA SAM YA STVAm HO, BO DHI TZITTA BADZRA SIDHYA YA TH'A SU KHAm ZHES BRJOD DE, SNYING GAR RDO RJE GZHAG GO, ,DUS 'DIR KHYOD NYID NI SANGS RGYAS GRUB PAR GSUNGS, GANG ZHIG 'DI NYID MA MTHONG BA'I, ,MDUN DU SMRA BAR MA BYED CIG ,BAG MED SMRAS NA NYAMS PAR 'GYUR, DE BAS NAN TAN GNAS PAR BYA'O, ,RDO RJE GNAM LCAGS 'BAR
BA'I DENG, ,KHYOD KYI SNYING LA YANG DAG ZHUGS MDZAD DE, ,GAL TE TSUL 'DI SMRAS NA NI, ,DE MA THAG TU BKAS TE GSHEGS, DE NAS PADMA'I SNOD NAS DRI DANG BDUNG RTZI LNGA'I CHU SBYIN MGOR RDO RJE BZHAG LA, 'DI NI KHYOD KYI DMYAL BA'I CHU, ,DAM TSIG 'DAS NA SREGS PAR BYED, ,DAM TSIG BSRUNGS NA DNGOS GRUB THOB, ,'THUNGS SHIG RDO RJE CHU 'THUNGS SHIG ,AOm BADZRA TKA thA thA thA thA, DENG NAS BTZAMS TE KHYOD KYIS RDO RJE GNAM LCAGS 'BAR BANG YIN GYIS, DAS GANG GYIS SHIG BSGO BA DE KHYOD KYIS BYA DGOS SO, ,KHYOD KYIS NGA LA BRNYAS PA'I LAS MA BYED CIG ,KHYOD MI BDE BA MA SPANGS PAR TSE'I DUS BYAS NAS, ,SEMS CAN DMYAL BAR SKYES PAR GYUR TA RE, DAM CHU BLUD BA'I RIM PA'O, ,DE NAS SLOB MA AA MI DE BAR BSGOMS LA, DE BZHIN GSHEGS PA THAMS CAD KYIS BYIN GYIS BRLABS LA, RDO RJE SEMS DPA' BDAG LA DBAB PAR GYUR CIG CES BRJOD NAS MAN NGAG JI LTA BA BZHIN DU YE SHES DBAB BO, ,DE NAS MTHONG BA DRI BAR BYA'O, ,DE NAS ME TOG DOR BA NI, JI LTAR DE BZHIN BSOD NAMS LHA'I, ,RIGS KYI BYE BRAG 'DI LA'O, ,RIGS KYI NANG NA 'DI BZANG NGO, ,DE YI DNGOS GRUB 'DI 'BYUNG BAS, ,DE YI BSOD NAMS RJES 'BYUNG BA'O, ,DE 'DRA BA'I DKYIL 'KHOR 'DI LA'O, ,ZHES BRJOD NAS ME TOG DOR BAR BYA'O; ,PRAT'I TZTSA BADZRA HO:ZHES BRJOD PAR BYA'O, ,LHA GANG LA 'BEBS PA DANG, SKU'I STOD SMAD LA SOGS PA'I BYE BRAG GIS DNGOS GRUB BZANG NGAN DAG 'BYUNG BAR SHES PAR BYA'O, ,ME TOG DANG LHAS KYI RIM PA'O, ,GDONG G-YOGS DGROL BA NI, RDO RJE SEMS DPA' DENG KHYOD KYI, ,MIG 'BYED PAR NI BTZON MDZAD DE, ,RDO RJE MIG NI BLAN MED, ,PHYE BAS THAMS CAD MTHONG BAR 'GYUR, ,HE BADZRA P'A SHYA, AOm BADZRA GA SHA NA TZAKshU TZAKshU PRA BI SHA PHAt, CES PAS GDONG G-YOGS DGROL LO, ,DE NAS, DKYIL 'KHOR BZANG PO 'DI LA LTOS, ,NGA NI DAD PA RAB TU BSKYED, ,BYA BA LA SOGS PA BRJOD LA, LHA NGO BSTAN TO, ,DE NAS BUM PA RNAMS KYI CHU LHAN CIG TU BSDUS LA, SLOB MA'I SPYI BOR DBANG BSKUR BA SBYIN TE, AOm AA BHIshI NYTZA SPYI BOR CHU BLUGS LA RIGS KYI BDAG PO MI BSKYOD PAS BRGYAN PAR BSAM MO, ,DE NAS DBU RGYAN STONG PA NYID LAS BR'U DZR'E A'% KH% H'U% LAS RIGS LNGAR BSKYED DO, ,SANGS RGYAS
, ,LNGA DER BCUG LA SLOB MA'I MGO LA BZHAG LA, AOm RATNA KU LA MU DRA AA BHI shINYTZ'A MI ZHES BRJOD DE DBU RGYAN GYI DBANG BSKUR RO, ,DE NAS RDO RJE STONG PA NYID LAS PAm LAS AA MI DE BAR BSKYED, BKUG LA MCHOD DE GYUR PA LAS RDO RJER BYAS LA SBYIN NO, ,AOm BADZRA SA MA YA AA BHI shINYTZ'A MI ZHES BAS LAG TU SBYIN NO, ,DE NAS DRIL BU STONG PA NYID LAS DON YOD GRUB PAR BSKYED PA DANG, BKUG LA MCHOD DE SLAR DRIL BUR BYAS LA, LAG PA G-YON PAR DRIL BU GTAD LA, AOm AA DHI BA TI AA BHI shINYTZ'A MI ZHES BDAG PO'I DBANG SBYIN NO, ,DE NAS RDOR DRIL GNYIS SLOB MA'I MGOR BSNOL TE BZHAG NAS, MING GI DBANG RNAM PAR SNANG MDZAD KYI RANG BZHIN CHOS KYI RNAM PAR SNANG BA'I BDAG NYID SBYIN PAR BYA STE, AOm BADZRA SATVA AA BHI shINYTZ'A MI BADZRA N'A MA AA BHI shE KA TA ZHES BYIN LA KYE DPAL CHE GE MO ZHES LHA GANG LA ME TOG BABS PA'I ZHABS KYIS MTSAN PA'I MING GI DBANG BSKUR RO, , 'DI NI RIG PA'I DBANG LNGA'O, ,RDO RJE SLOB DPON DU DBANG BSKUR BA SBYIN PAR BYA STE, BDAG GZHAN DON NI RDZOGS BYED PA, ,RDO RJE SLOB DPON DBANG YIN TE, ,THUGS RJE'I BDAG PO STZAL DU GSOL, ,ZHES ZHUS PAS DE NAS H'U% LAS RDO RJE SEMS DPA' BSKYED LA MCHOD DE SLAR RDO RJER BSKYED LA, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN DU BZANG PO KUN BDAG NYID, ,RDO RJE SNYEMS TSUL BDAG NYID BDAG ,PHYAG NA RDO RJE'I SKYES BU'O, ,ZHES BRJOD NAS RDO RJE SBYIN NO, ,'DI NI SANGS RGYAS THAMS CAD KYI, ,SHES RAB DBYANGS KYI RJES 'GROR BSHAD,, RTAG PAR KHYOD KYIS GZUNG BA YIN, ,RGYAL BA'I BYANG CHUB MCHOD PAR GYIS, ,ZHES DRIL BU G-YON PAR SBYIN NO, ,SRID PA NGO BO NYID LAS DAG ,BRJOD LA DKROL LO, ,DE NAS LHAG PAR LHA'I SKU PHYAG RGYA CHEN PO BSGOM PA SBYIN TE, SRID PA'I BDE BA SHIN TU CHUNG, ,SDUG BSNGAL CHEN PO ZHI BYA'I PHYIR, ,SHIN TU BDE BA DAM PA'I THABS, ,DAM TSIG 'DI NI RTAG TU BSKYED, ,CES BRJOD LA GZHAL YAS KHANG DANG LHA'I RNAM PAR DAG PA BSTAN TE, GDAMS NGAG BZHIN NO, ,DE NAS RJES GNANG SBYIN PA NI, ,'JIG RTEN KHAMS NI MA LUS PA, ,SEMS CAN KUN LA PHAN PA'I
PHYIR; ,CHOS KYI 'KHOR LO RAB TU BSKOR, ,DE BZHIN DU RDO RJE'I 'KHOR LO DANG, RIN PO CHE DANG, PADMA DANG, LAS KYI BAR DU BSKUR RO, DE NAS DNGOS GRUB KYI BRTUL ZHUGS SBYIN PAR BYA STE, 'DI DE SANGS RGYAS THAMS CAD KYI, ,PHYAG NA RDO RJE'I LAG NA 'DUG ,RTAG TU KHYOD KYIS GZUNG BAR GYIS; ,PHYAG NA RDO RJE'I BRTUL ZHUGS BRTAN, ,DE NAS SLOB MA SANGS RGYAS SH'AKYA THUB PA'I SKUR BSKYED LA BLA GOS KYI MTHA' MA LAG PA G-YON PAS BZUNG BA'I KHU TSUR SNYING GAR BZUNG LA, G-YAS PA MCHOG SBYIN DU BYAS LA, LUNG BSTAN PAR BYA STE, SANGS RGYAS BYANG CHUB SEMS DPA' DANG,, 'PHAGS PA RNAMS KYIS MGRIN GCIG TU, ,RDO RJE 'DZIN PAR LUNG BSTAN GYIS, ,SHES RAB KYI LUNG BSTAN SBYIN NO, ,DE NAS GSANG BA'I YE SHES BSLAB PA NI, ,'DOD CHAGS BRAL BA LTA BU YI, ,KHAMS GSUM NA YANG SDIG MED DO, ,DE BAS 'DOD CHAGS BRAL BAR BYA, ,KHYOD NI NAM YANG MA BYED CING, ,BDE CHEN THEG PA 'DI LA NI, ,PHYIN CHAD SHI BA YOD MIN TE, ,SDUG BSNGAL BSRIS PAS MYA NGAN 'DAS, ,SRID PA GTAN DU DNGOS GRUB 'GYUR, ,RANG BDAG YONGS SU BOR NAS NI, ,DKA' THUB SPYAD PAR MI BYA STE, ,JI LTAR BDE BAR BSGRUBS NAS NI, ,SANGS RGYAS DNGOS GRUB THOB PAR 'GYUR; ,DE LTAR SLOB DPON DKYIL 'KHOR NI, ,SNGAGS DANG RGYUD KYI PHRIN LAS CAN, ,SANGS RGYAS DANG NI BYANG CHUB SEMS, ,SNYING RJE'I DBANG GIS SEMS CAN DON, ,KHYED KYIS DKYIL 'KHOR CHO GA DAG ,BRTZON PAR BRI DANG RGYUD LA NI, ,NYAN DANG BSGRUB PA DAG TU GYIS, ,ZHES GNANG BA SBYIN NO; ,DBANG DAG RDZOGS NAS DKYIL 'KHOR GYI LHA DANG, BLA MAL SGRA SNA TSOGS DANG, ROL MO'I BYE BRAG GIS MCHOD NAS BSKOR BA BYAS LA, DKYIL 'KHOR GYI LHA RNAMS RANG GI SNYING GAR BKOD LA, TSOGS DANG NANG GI SBYIN SREG GIS TSIM PAR BYA'O, ,DE NAS YI GE BRGYA PA GDON, ,BZOD BAR GSOL, AOm A'A:H'U% MU:SA GSHEGS SU GSOL LO, ,DKYIL 'KHOR PHYAGS LA DMAN MA LA SOGS PA GTOR MA DANG ROL MOS CHU PO CHEN POR DOR RO, ,BDAG GIS DKYIL 'KHOR CHO GA LEGS SPYAR BAS, ,BSGYUR BA BSOD NAMS GANG THOB PA, ,DE YIS KHAMS GSUM 'GRO BA
, ,KUN; ,DPAL LDAN GNAS SU 'GRO BAR SHOG ,NOR PAR GYUR NA MKHYEN PA RNAMS LA BZOD PAR GSOL, KHRO BO'I RGYAL PO RDO RJE GNAM LCAGS 'BAR BA ZHES BYA BA'I DKYIL 'KHOR GYI CHO GA ,RGYA GAR GYI SLOB DPON CHEN PO LHO PHYOGS DPAL GYI RI LA BZHUGS PA'I BLA MA MEE TRI PAS MDZAD PA RDZOGS SO,, ,,PAndI TA BAL PO DE BA PURnA MA TI DANG, BOD KYI LO TZ'A BA MGAR CHOS KYI BZANG POS BAL PO'I YUL DU BSGYUR CING ZHUS TE GTAN LA PHAB PA'O,,