, ,BCOM LDAN 'DAS DPAL RDO RJE RNAM PAR 'JOMS PA LA PHYAG 'TSAL LO, ,ZAB MO SANGS RGYAS SPYOD YUL BA, ,ZHES BYA BA LA SOGS PA RDZOGS PA'I RIM PA LA MAN NGAG GSUM, SGRA LA GNAS PA'I BSAM GTAN GYIS, 'GRO BA RNAMS KYI LAS MTHA' GCAD PA NI SGRA NI GNYIS TE, STONG PA'I SGRA DANG PHRENG BA'I SGRA'O, ,STONG PA'I SGRA LA DRUG LUS NGAG LA GNAS PA DANG, YUL LA GNAS PA DANG, SEMS LA GNAS PA DANG, SHES BYA RANG GSHIS LA GNAS PA DANG, DUS LA GNAS PA DANG, RANG GI 'GYUR BYED LA GNAS PA'O, ,DE YANG LUS NGAG YID LA STONG PA'I SGRA DE JI LTAR GNAS NA, ,SKYE BA MED PA'I CHOS NYID ZAB MO LAS, LAS SKYE BA CHO 'PHRUL DU BSTAN, DE YANG SKYE BA MED PAR CES SHES NA, CHOS NYID STONG PA RGYU MED PA'I PHYIR, RKYEN LUS NGAG GI TSOGS PA RANG SA NA GNAS PAS, RANG SAR GROL BA RKYEN SGRA RANG SANGS NGOS GZUNG MED PAR BRJOD PA MED PA'I SKYE MCHED DU GTAN LA PHEBS SO, ,DE LTAR LUS SKYE BA'I CHO 'PHRUL CIS SHES NA, SEMS LA GDOS PA MED PAS SDUG BSNGAL NGOS GZUNG DANG BRAL BAS; NGAG SGRA BSGYUR GRAG STONG RANG YAL BAS BRJOD PA RANG STENG DU CHOD PAS LTA BA NGOS GZUNG DANG BRAL BA'O, ,DE LTAR BRAL BAS YID KYI DRAN PA SGO 'GAGS TE BSAM BYA SGRA DANG DBYINGS SU NUB PA ZHES BYA'O, ,YUL LA GNAS PA'I SGRA GNAS KYI BSAM GTAN NI, YUL BYUNG BA BTAB PAS
SGRA GNAS PA STONG GSAL, CHOS NYID ZAB MO SGO LNGA LA SHAR BAS THAG MNYAM 'DAS BLO DANG BRAL BAS LHA NGOS GZUNG DANG BRAL BA'O, ,SEMS SGRA LA GNAS PA'I BSAM GTAN NI, DRAN PA BYUNGS THEBS PAS BYUNGS SO, ,GZHI LA GZHAG STE BZHAG PAS YUL SEMS DANG BRAL BAS PHYAG RGYA THOD RGAL DU LA BZLA BA ZHES BYA'O, ,SHES BYA RANG GSHIS SGRA LA GNAS PA'I BSAM GTAN NI, RTZAD GCAD PAS LTA BA STONG PA GZHI MED LAM SGYUR BAS, CHOS NYID SGYU MA LA GZUGS MED, SGRA PHYIR 'BRENGS PAS 'KHOR PHRENG BA LA MI LTOS PA'O, ,DUS SGRA LA GNAS PA'I BSAM GTAN NI, SHES PA'I DUS DANG RTOGS PA'I DUS DANG, LA BZLA BA'I DUS SO ZHES PA NI RTZAD CHOD PAS TSIG KHONG DU THIM PA'O, ,RTOGS PA'I DUS NI 'KHOR CAN BDAG MED PA'O, ,LA ZLOS PA'I DUS NI CHOS NYID GZHI THOG TU PHEBS PA'O, ,RANG GI 'GYUR BYED SGRA LA GNAS PA'I BSAM GTAN NI, LUS GNAD LA PHAB PAS SKYE PA RANG SAR YAL, SEMS GNAD LA PHAB PAS 'KHOR 'DAS LTO SBYOR, DE YANG STONG PA NI, RGYU STONG PAS RKYEN RANG SAR YAL, RKYEN STONG BAS 'BRAS BU LA RE BA MED PA'O, ,PHRAD PA'I SGRA LA LNGA STE, BSKYED PA'I RIM PA RJES 'DZIN PA'I SGRA LA GNAS PA'I BSAM GTAN DANG, SEMS GNAS PAR BYED PA'I LUS NGAG GI 'KHOR LO PHRENG BA SGRA LA GNAS PA'I BSAM GTAN DANG, RANG BZHIN DAG PA CHOS NYID PHRENG BA SGRA LA GNAS PA'I BSAM GTAN DANG, RIM PA RDZOGS PA CHOS NYID LAM DU BYED PA SGRA LA GNAS PA'I BSAM GTAN NO, ,BSKYED PA'I RIM PA'I RJES 'DZIN PA'I SGRA LA GNAS PA'I BSAM GTAN NI, BSKYED PA'I RIM PA'I TING NGE 'DZIN GYI DUS TZAM NA, LHA RNAM PA DRUG LA GRAGS PA SGRA'I LHA LA GNAS PA'I TSE PHYI ROL DU GRAGS PA MA YIN PAR CHOS NYID RANG SGRA SNGAGS KYI PHRENG BA LHA LTA BU NI MA YIN, RANG GNAS BSAM GTAN MI G-YONG RANG THOG TU SGRA PHAB STE, DE NYID BYUNG BA YANG RANG BYUNG DU BYUNG LA, GNAS PA YANG RANG BYUNG DU GNAS TE, SONG BA YANG RANG BYUNG GI DANG LA GNAS PAS BUM PA STOD PA NYID SPROS PA NAS, SNGAGS KYI RANG SGRA STONG PA NYID DU SPROS PAS, BCUD CHOS NYID BDE GSAL GNYIS MED KYI NYAMS SU SHAR
, ,BAS NA SLOB MA LA NGES SHIG SKYE BA'O, ,BSKYED PA'I DUS BZHIN DU RANG RGYUD RJES SU BSGRUB PA NI MA YIN NA, DES NA LHA STONG PAS GZUGS BRNYAN SANGS RGYAS SPYOD YUL DU SHAR BAS, GZUGS TZAM LA YANG MI GNAS PAS SEMS NYID STONG PA SANGS RGYAS KYI SPYOD YUL GYI DON DU BYUNG BA'O, ,YI GE 'BRU RNAMS MA BYUNG MA SKYES RANG SAN [*SA NA] GSAL BA NI BSAM GTAN NO, ,YI GE PHRENG BA'I SGRA LA GNAS PA'I BSAM GTAN NI, SGRUB PA PO BDAG NYID STAN BDE BA'I STENG DU RKANG PA SKYIL KRUNG BCAS PA LAG PA MNYAM GZHAG TU BCAS, MIG SNA RTZER PHAB STE, SEMS A'A LI'I PHRENG BA KHA DOG DKAR PO MYUR DU 'KHOR BA LA BLO PHAB NAS, STONG PA'I DANG LA GNAS NAS, SNANG BA GSAL BA RANG SHES LA NYAMS SU MYONG BAS SNANG STONG RJES 'DZIN MED PAS GROL BA ZHES BYA'O, ,DE LA DMIGS PA'I TSUL NI 'KHOR BA LA DMIGS PA BDE GSAL GYI BSAM GTAN, RANG BZHIN GNAS SU 'PHRO BA'I TSUL GYIS GNAS PAS, YID KYI 'GYU BA GSAL BA NYID DU GNAS BA'I BSAM GTAN DU GNAS PA'O, ,'PHROS PA'I TSUL LA DMIGS PAS SKYE BA MED PA'I CHOS NYID ZAB MO LA GNAS PA'O, ,SEMS GNAS PAR BYED PA LA LUS NGAG GI 'KHOR LO'I PHRENG BA SGRA LA GNAS PA'I BSAM GTAN NI, LUS LHA'I PHRENG BAS BSKOR BAS BAG CHAGS BSAGS PA'I LUS ZUNG 'JUG LHA'I BSAM GTAN DU GNAS PAS DAG GI LUS DANG SEMS LA MA BCINGS BAS NGAG BDAG TU 'DZIN PA'I LTA BA'I PHRENG BAS GROL, NGAG BZLAS PA SGRA'I PHRENG BAS BSKOR BAS RNAM SMIN DRAG PO'I NGAG GRAG PA SGRA'I BSAM GTAN DU GNAS PAS, NGAG GI LUS DANG SEMS LA MA BCINGS PAS, NGAG BDAG TU 'DZIN PA'I LTA BA LAS GROL, TING NGE 'DZIN ZAB MO'I PHRENG BAS BSKOR BAS RNAM RTOG MTSAN MA'I YID, CHOS NYID ZAB MO'I SPYOD YUL DU GNAS PAS YID YUL DU MA LA MA BCINGS PAS, YID BDAG TU LTA BA LAS GROL BA'O, ,RANG BZHIN DAG PA CHOS KYI PHRENG BA SGRA LA GNAS PA'I BSAM GTAN NI, SNANG BA BCOS MA LAS GROL BA'I TSUL GYIS RANG BZHIN RANG DAG TU BZHAG BAS RKYEN SANGS RGYAS KYI SPYOD YUL DU GTAN LA PHEBS TE, 'KHOR 'DAS RANG SO LA GNAS PAS GNYIS 'DZIN SHES
PA NANG DU LOG NAS GCIG DANG DU MA'I THA SNYAD LAS 'DAS PA'O, ,DRAN PA'I YUL MA BCOS PAR RANG SAR BZHAG PAS SEMS 'GYU BA YIN THOG NA GNAS PAS RTOG MED DU 'GYU BA'I SGRO 'DOGS NANG DU CHOD DE, MA BCOS BSAM BRAL GYI BSAM GTAN BSAM NGO YIN SNYAM PA LAS 'DAS PA'O, ,RIM PA CHOS NYID LAM DU BYED PA SGRA LA GNAS PA'I BSAM GTAN NI DAD PA DANG LDAN PA'I GANG ZAG GIS, SNGON DU BSKYED PA'I RIM PA DPA' BO GCIG PA'AM, DKYIL 'KHOR GYI 'KHOR LO RDZOGS PAR BSGOMS PA LAS, THUN DANG PO BYAS LA, DE NAS THUN GNYIS PA LA CHOS NYID ZAB MO'I RDZOGS PA'I RIM PA BSGOM PA NI LAS DANG PO PA'I BSLAB BAR BYA BA'I RIM PA DANG, GNAS PA DAG PA BSLAB PAR BYA BA'I RIM PA'O, ,LAS DANG PO PA'I DUS NA LUS LA LHA'I GO CHAR BCUG PAS LUS NGAG GI BAR CHOD BSAL NAS NGAG GZUNGS SNGAGS KYI PHRENG BA DANG NGO SPRAD DE, DAG GI NUS PA RDZOGS PAR BYA BA DANG, RANG DON DU NGAG GI SDIG PA MI DGE BA DAG PA LA, GZHAN DON DU GZHAN GYI NGAG GI BAR CHOD SEL NUS PA'O, ,YID KYI NUS PA RDZOGS PA GZHAN DON DU YID KYI BAR CHOD SEL NUS PA'O, ,DE LTAR NA 'DI NYID LAS, SDIG PA KUN LAS RNAM PAR THAR, ,ZHES PA DANG, GZHAN DON DU, TSE DANG BSOD NAMS 'PHEL BAR 'GYUR; ,ZHES PA'O, ,DE LA LAS DANG PO PAS BYA BA'I RIM PA NI, SNGA DRO LHA MCHOD PA DANG NYIN GUNG BZLAS PA BYA, PHYI 'PHRENG RDZOGS PA BSGOM PA STE, NAM LA YANG DE GA LTAR PHYE LA BSGOM MO, ,DE LTAR BYAS PAS NUS PA GSUM NGES PAR 'THOB BO, ,JI SRID DU NUS PA GSUM MA THOB KYI BAR LA NI, RDZOGS PA'I RIM PA 'BA' ZHIG LA 'JOL NYOG TU SGOM DU RUNG BA YANG MA YIN NO, ,GNAS PA DAG PAS BSLAB PAR BYA BA'I RIM PA NI, THUN DANG PO TZAM MA YIN PAS NYIN ZHAG PHRUGS GCIG LA BSKYED PA'I RIM PA'I TING NGE 'DZIN THUN GCIG BSGOM STE, ,DE NAS KHA BSHAL KHRUS BYAS LA, RDZOGS PA'I RIM PA BSGOM PA NI, STAN BDE BA'I STENG DU LUS JI LTAR RIGS PAS BCOS LA BDAG NYID KYI LCE'I STENG DU H'Um LAS RDO RJE SNGON PO 'OD ZER BRGYA PHRAG DU MA RNAMS KYIS YONGS SU BSKOR BA DE'I MTHA' MAR YI DAM GYI SNGAGS KYI PHRENG BAS G-YAS SU BSKOR BAS, DE'I PHYI RIM DU A'A LI G-YON SKOR, DE'I PHYI RIM DU NI K'A
, ,LI'I PHRENG BA G-YAS SKOR, DE LTAR PHRENG BA GSUM PO DE LA DMIGS LA SEMS PHAB STE GNAS PAS LUS NGAG YID GSUM GYI NYES PA GSUM BCOM, DE NYID BCOM PAS PHRENG BA DANG PO LA DMIGS PAS, RDO RJE RNAM PAR 'JOMS PA'I SPRUL SKU THOB LA, GNYIS PAS LONGS SKU THOB, GSUM PAS CHOS SKU THOB BO, ,H'U% GI 'OD ZER LA DMIGS PAS SKU GSUM DBYER MI PHYED PA DPAL RDO RJE RNAM PAR 'JOMS PA'I SKU THOB PA'O, ,DE YANG DMIGS PA JI LTAR DMIGS NA DANG PO STONG PA'I NGANG LAS H'U% ZHES BSRUNG BA BYA, GNYIS PA LUS NGAG GI SDIG PA SBYOR BA'I DON DU, MCHOD PA STOD BSHAGS PA BYA, GSUM PA RDZOGS PA'I DON DU DKYIL 'KHOR GYI 'KHOR LO SPRUL PA DANG, CHU GTOR DANG TSA TSA GDAB PA DANG, CHU SBYIN GTANG, BZHI PA CHOS NYID ZAB MO 'JOL NYOG TU SPYOD PA'I PHYIR, PHRENG BA DANG PO LA RMI LAM LTA BUR DMIGS, GNYIS PA LA CHU ZLA LTA BUR DMIGS, GSUM PA LA NAM MKHA' LTA BUR DMIGS, H'U% LA DMIGS PA GNYIS PA'I CHA LA CIR YANG MA GRUB PAR DMIGS SO, ,ZAB MO SANGS RGYAS SPYOD YUL BA'I DON YIN, SGRA LA GNAS PA'I BSAM GTAN ZHES BYA BA, SLOB DPON CHEN PO DPAL MAR ME MDZAD BZANG POS MDZAD PA RDZOGS SO,,