, ,DPAL RDO RJE RNAM PAR 'JOMS PA LA PHYAG 'TSAL LO, ,BSOD NAMS RGYA CHEN PO 'PHEL BAR 'DOD PA'I SGRUB PA PO DAM TSIG DANG LDAN PAS, GNAS KHANG YID DANG MTHUN PAR 'PHAGS PA RDO RJE RNAM PAR 'JOMS PA'I LHA SUM CU RTZA LNGA'I DKYIL 'KHOR BZHENGS LA, BUM PA YANG LHA'I GRANGS DANG MNYAM PA LA, SO SO'I MTSAN MAS BTAB LA DAR SNA TSOGS PA'I
MGUL CHINGS KYIS GDAGS SO, ,DKYIL 'KHOR GYI PHYOGS BZHIR KUN DU SHUG PA DANG SMYUG MA DANG, 'DAM BU DANG SENG LDENG GI SHING GI LO MA DANG 'BRAS BUR BCAS PA RIM PAR 'KHOR BAR GZUGS SO, ,STENG NAS DAR DMAR PO'I YOL BAS DGAB, GNAS KHANG GI LOGS RNAMS SU YANG DE BZHIN GSHEGS PA'I SKU RIS SU BRIS PA DANG, 'BUR DU BTOD PA DANG, LUGS SU BLUGS PA LA SOGS PA'I RTEN RNAMS DGRAM, PU STI DANG GLEGS BAM LA SOGS PA YANG DGRAM, DE NAS MCHOD PA'I BYE BRAG SPOS KYI RENG BU STONG, YON CHAB STONG, MAR ME STONG, BSHOS GTZANG STONG, ME TOG STONG, GTOR MA DE SNYED CIG TU BSHAM MO, ,SHAR DU GDUGS RGYA SHOG LAS BYAS PA DKAR PO STONG, LHOR BA DAN SER PO STONG, NUB TU RGYAL MTSAN STONG, BYANG DU 'PHEN KHA DOG SNA TSOGS STONG BSHAMS LA GNAS KHANG GI MTHA' MA THAMS CAD DU RTZVA KU SHA DANG D'UR BAS KHYAB PAR DGRAM MO, ,SNGAGS PA DAM TSIG DANG LDAN PA DGU'AM BCU GCIG GO, ,GCIG GIS SHAR PHYOGS SU RGYUD STONG PHRAG GCIG KLAG ,GCIG GIS LHO PHYOGS SU CHU GTOR STONG PHRAG GCIG GTANG, GCIG GIS NUB TU CHU SBYIN STONG PHRAG GCIG GTANG, GCIG GIS BYANG DU MCHOD RTEN STONG GDAB, GCIG GIS SHAR LHO NAS MCHOD PA BYA, GCIG GIS LHO NUB NAS BSTOD, GCIG GIS NUB BYANG NAS GTOR MA GTANG, GCIG GIS BYANG SHAR DU YI GE BRGYA PA STONG PHRAG GCIG BZLAS, BDAG NYID KYIS SNYING PO RGYAS BSDUS LA CI RIGS RGYUN MA CHAD PAR BYA'O, ,'BRUG GI NYI MA LA GTAD LA ZHAG GSUM DU DE LTAR BYA STE, BZA' BA DANG BTUNG BA'I BYE BRAG SNA TSOGS PA LA LONGS SPYAD, GNAS KHANG GI PHYOGS BZHI DBUS DANG LNGAR 'BUM LNGA KLAG PA LA SOGS PA DGE SBYOR GRUB TSAD DU BYA'O, ,BDAG NYID KYI DKYIL 'KHOR GYI LHA RNAMS SPYAN DRANGS LA SDIG PA MI DGE BA'I LAS CI BYAS PA RNAMS BSHAGS SO, ,DE'I 'OG TU 'DOD PA'I DON LA GSOL BA GDAB BO, ,GRUB NA GZHAN LA STON MO RGYA CHE BA BYA, DE NAS 'BRUG GI NYI MA LA GTOR MA LA SOGS PA'I RDZAS RNAMS 'BAB CHU CHEN PO LA BSKYAL LO, ,GRONG KHYER GYI SHAR PHYOGS SU DUNG
, ,SNA TSOGS PA'I SGRA CHEN BSGRAG CING GDUGS DANG RGYAL MTSAN BSGRENG, LHO RU RNGA SNA TSOGS PA'I SGRA BSGRAG CING BA DAN BSGRENG, NUB TU CHA LANG DANG, GAnd'I'I SGRA DANG, CANG TE'U'I SGRA BSGRAG CING, RTA DANG GLANG PO LA ZHEN, BYANG DU DRIL BU DANG PHEG RDOB KYI SGRA SGROG CING DAR SNA TSOGS PA PHYAR RO, ,DE NAS TSOGS CI RIGS PAR BSAG CING BSHAGS PA RNAMS BYA'O, ,DE LTA BU'I CHOG LAN GSUM MAM BDUN BYAS NA, RNAL 'BYOR PA DE'I BSOD NAMS PHYOGS THAMS CAD DU SHING SKAM PO LA ME 'BAR BA BZHIN DU 'GRO BAR NGES SO, ,BSOD NAMS 'PHEL BAR BYED PA'I DPAL YE SHES KYI PHRENG BA ZHES BYA BA, SLOB DPON YE SHES RDO RJES MDZAD PA RDZOGS PA'O,