, ,'PHAGS PA RDO RJE RNAM PAR 'JOMS PA LA PHYAG 'TSAL LO, ,KLU'I GDON BSRUNG BAR 'DOD PA'I SGRUB PA PO DAM TSIG DANG LDAN PAS, BCOM LDAN 'DAS RDO RJE RNAM PAR 'JOMS PA'I NGA RGYAL DANG DUS THAMS CAD DU MI 'BRAL BAR BYAS TE, RGYAL PO'I RIGS KYI GDON GYIS ZIN PA LA RGYUD RDZOGS PA LA 'BAD PAR BYA ZHING RTAG TU KHRUS BYA'O, ,RJE'U'I RIGS LA SNYING PO BSDUS PA LA 'BAD PAR BYA ZHING, RTAG TU DBANG BSKUR BAR BYA'O, ,BRAM ZE'I RIGS KYIS ZIN PA LA SNYING PO BSDUS PA LA 'BAD PAR BYA ZHING RTAG TU SBYIN SREG BYA'O, ,DMANGS RIGS KYI GDON GYIS ZIN PA LA, RGYUD 'KHRUG PA BZLAS SHING 'JIG RTEN GYI DKYIL 'KHOR DU GZHUG CING DBANG BSKUR BA'O; ,GDOL BA'I NAD KYIS ZIN PA RNAMS LA NI RGYUD DUM BUR BZLAS SHING GDON DGROL GYI CHO GA RTAG TU BYA'O, ,SHA RO DANG RMA DANG SHU BA GTZO CHE BA RNAMS LA NI GU GUL DANG, SBRANG RTZI DANG TSIL CHEN RNAMS LA SNGAGS BTAB LA BYUG GO, ,BEMS DANG SBRID DANG RAB TU TSA BA RNAMS LA NI, TZANDAN
, ,DKAR PO DANG, GA BUR DANG, KA RA RNAMS LA SNGAGS BTAB LA BTUNG NGO, ,SHA'I NAD RNAMS LA BA BLA DANG, SNYING ZHO SHA DANG, TZI TA DANG, LDONG ROS RNAMS LA SNGAGS BTAB LA BYUG GO, ,RUS PA'I NAD RNAMS LA NI 'BRUG RUS DANG DNGUL CHU LA BSNGAGS LA BYUG GO,, SMIN MA BYI BA LA SOGS PA BA SPU'I NAD RNAMS LA NI, ,'BRAS BU GSUM BSREGS PA'I THAL BA LA BSNGAGS LA BYUG GO, ,MDOR NA TSA BA'I NAD RNAMS KYIS ZIN PA LA NI, BSIL BA'I SMAN RNAMS LA BSNGAGS LA BYUG GO, ,GRANG BA'I GDON GYIS ZIN PA LA NI TSA BA'I SMAN RNAMS LA BSNGAGS LA CHANG DANG SBYAR LA LTOR GTONG, SNGAGS ZLOS PA'I TSE RANG GI SNYING GI DKYIL 'KHOR DU YIG 'BRU RNAMS LAS 'OD ZER ZHI RGYAS KYI KHA DOG LTAR DMIGS LA, SPROS PAS KLU'I DUG RNAMS PHYIR 'THON TE, DE'I RJES LA LUS MGO MJUG RDO RJE RTZE GSUM PAS GTAMS PAR DMIGS LA BZLAS SO, , RDO RJE DE DAG LAS KYANG BSKAL PA'I ME SNA TSOGS LA DMIGS TE, ME DE DAG LA SNGAGS KYI RANG SGRA THOGS PA MED PAR GRAG LA DMIGS TE BZLAS SO, ,SNGAGS BZLAS PA'I MCHIL MA RNAMS KYANG KHRO CHU KHOL MAR DMIGS SO, ,SKABS SU GDUG PA CAN RNAMS TSAR GCAD PA'I PHYIR, YE SHES 'DUS PA'I KHRO CHUNG YUNGS 'BRU TZAM RDO RJE'I KHA NAS 'THON TE, GRANGS MED PAR 'PHROS TE KHA DOG SNGON PO G-YAS RDO RJE G-YON BUM PA BZUNG BAS ME STAG 'PHROS PAS GDUG RTZUB RNAMS CHAR BCAD, BSKAL PA'I ME SNA TSOGS 'PHROS PAS, RANG GNAS SGRA'I BSAM GTAN PHYOGS THAMS CAD NAS RGYUN MA CHAD PAR SGROGS PAS KLU'I GRONG KHYER DPAG TU MED PA RLAG PAR BYED PA DE DAG ME RI DANG ME DPUNG GI DKYIL NA, KLU GDUG PA CAN GYI RANG SROG DANG, BU DANG BU MO DANG CHUNG MA DANG G-YOG RNAMS SREG PAR BYED PA, DE LTA BU'I KHRO CHUNG GI GZI BRJID KYIS, KLU'I RGYAL PO RNAMS RAB TU SKRAG STE, THAL MO SBYAR NAS BKA' NYAN CING KLU'I DUG RNAMS RANG GI LUS LA RNGUB BAR DMIGS SO, ,DE LTAR LAS JI LTAR 'DOD PA BZHIN DU BYAS NAS SLAR RDO RJE RNAM PAR 'JOMS PA LA BSTIMS LA GZHAG GO, ,DE'I PHYI NANG LUS THAMS CAD RDO RJER BYIN GYIS BRLABS NAS ZHES
SMOS NAS, KHRO BO DE DAG GI RDO RJE ZHES SMOS PA'O, ,DE LTAR BYED PA NI KLU'I GDON THAMS CAD SRUNG BAR BYED PA DANG, BRLAG PAR BYED PA'I LAS KYI SBYOR BA'O, ,DE DAG KLU'I GDON LAS BSRUNG NA SNGAGS KYI MGO LA AOm BADZRA RAKshA RAKshA H'Um H'Um ZHES BZLAS SO, ,ZHI BAR BYED NA ZHABS LA N'A GA SV'A H'A ZHES BZLAS SO, ,RGYAS PAR BYED NA ZHABS LA N'A GA SARBA LO KI PHAt CES PA'O, ,DBANG DU BYED NA N'A GA AA LA YA H'Um ZHES PA'O, ,GSOD NA N'A GA M'A RA YA H'U% PHAt CES PA'O, ,GNON NA N'A GA STAm BHA YA NAm, SREG NA N'A GA DZVA LA RAm H'U%, SKROD NA N'A GA AU TZA TA YA PHAt, 'GUGS NA N'A GA PA YAm DZA, KLU'I 'KHRUN THAG GCOD NA N'A GA YA HI SA RA NA PHAt CES PA RNAMS SNGAGS KYI MTHA' RTEN DU SHES PAR BYA'O, ,DE LTAR BYAS PAS GDUG PA KLU'I DUG PA MA LUS PAR BRLAG PAR 'GYUR PAR NGES SO, ,KLU'I GDON LAS THAR BAR BYED PA'I LAS KLU'I SROG ME DPAL GYI 'KHOR LA ZHES BYA BA, KLU'I RNAM PAR 'JOMS PA'I SNYING GZER DU BKOD PA, SLOB DPON CHEN PO DPAL MAR ME MDZAD KYIS MDZAD PA RDZOGS SO,,