304 · GMLW-002159

A Sutra which Examines the Karmic Results of Good and Bad Deeds relating to the Five Groups of Downfalls (Pañcā Pattinikaya Śubhāśubha Phala Parīkṣa Sūtra)

LTUNG BA SDE LNGA'I DGE BA DANG, MI DGE BA'I 'BRAS BU BRTAG PA'I MDO
נושאי-מדףSubjects:
MDO MANGCollection of Sutras (Sūtra)$$
נושאיםTopics:KarmaVowed MoralitySuffering
חיי היום-יוםDaily life:daily practice
נמצא בfound inCollection of Sutras (Sūtra)$$
מספר טוהוקוTohoku numberToh 304 · Sutra
מהדורהrecensionDerge
כותרת בסנסקריטSanskrit titlePANYTZA PATTI NI K'A YA SHU BH'A SHUBHA PHA LA PA R'IKshA S'U TRA
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaA'A TZ'ARYA DZNY'A @201B NA SHR'I GUPTA
הלוצאווה הטיבטיTibetan lotsawaDGE SLONG SH'AKYA BLO GROS
פוליוfolios197a–201a
צורהformmixed
מצב תרגוםtranslationno English of the text
כיסוי המילון לכותרתdictionary coverage of the title60%
ז'אנרgenreRoot Texta sutra with the full frame; the Buddha instructing the monks
מקום החיבורplace of compositionShravastithe Buddha is in Prince Jeta's grove, the park of Anathapindada
אנשים ומקומותpeople and places namedJnanashrigupta · Shakya Lodrothe colophon: the Indian master Acharya Jnanashrigupta with the Tibetan translator the monk Shakya Lodro
רמת קושיlevelentry
לחיי היום־יוםfor daily lifedaily practice
הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00304_LTUNG BA SDE LNGA'I DGE BA DANG, MI DGE BA'I 'BRAS BU BRTAG PA'I MDO_A Sutra which Examines the Karmic Results of Good and Bad Deeds relating to the Five Groups of Downfalls (Pañcā Pattinikaya Śubhāśubha Phala Parīkṣa Sūtra).txt/10. MDO MANG_Collection of Sutras (Sūtra)$$/VOL 26 (LA)

הטקסטThe text

טיבטיתTibetanKL00304_LTUNG BA SDE LNGA'I DGE BA DANG, MI DGE BA'I 'BRAS BU BRTAG PA'I MDO_A Sutra which Examines the Karmic Results of Good and Bad Deeds relating to the Five Groups of Downfalls (Pañcā Pattinikaya Śubhāśubha Phala Parīkṣa Sūtra).txt10,336 תוויםcharacters
197a

,,RGYA GAR SKAD DU, PANYTZA PATTI NI K'A YA SHU BH'A SHUBHA PHA LA PA R'IKshA S'U TRA, BOD SKAD DU, LTUNG BA SDE LNGA'I DGE BA DANG, MI DGE BA'I 'BRAS BU BRTAG PA'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA,

197b

BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS TE, DE NAS BCOM LDAN 'DAS KYIS DGE SLONG RNAMS LA BKA' STZAL PA; DGE SLONG DAG ,DZAMBU'I GLING PA'I MI RNAMS KYI LO LNGA BCU GANG YIN PA DE NI RGYAL CHEN BZHI'I RIS KYI LHA RNAMS KYI NYIN ZHAG GCIG GO, NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG TU BRTZIS PA'I LO LNGA BRGYA NI RGYAL CHEN BZHI'I RIS KYI LHA RNAMS KYI TSE'I TSAD DO, ,DGE SLONG DAG ,BSLAB PA'I CHOS GANG DAG BSRUNG BA DANG, SBED PA DANG, YONGS SU SKYONG BA DANG, 'DA' BAR MI BYED PA DANG, DE DAG LAS 'DAS PA STON PA DANG, RAB TU STON PA NI LUS ZHIG NAS BDE 'GRO RGYAL CHEN BZHI PA'I RIS KYI LHA RNAMS SU SKYE BAR 'GYUR TE, DE DAG DER YANG LHA'I TSE DANG, LHA'I KHA DOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED CING, LHA'I GZUGS DANG, SGRA DANG, DRI DANG, RO DANG, REG BYA DANG, LHA'I G-YOG 'KHOR DANG LDAN PAR 'GYUR RO, ,DGE SLONG DAG ,RGYAL CHEN BZHI'I RIS KYI LHA RNAMS KYI LO LNGA BRGYA GANG YIN PA DE NI DMYAL BA CHEN PO YANG SOS KYI NYIN ZHAG GCIG GO , NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG TU BRTZIS PA'I LO LNGA BRGYA NI DMYAL BA CHEN PO YANG SOS KYI TSE'I TSAD DO, ,DGE SLONG DAG ,BSLAB PA'I CHOS GANG

198a

, ,DAG MI SRUNG BA DANG, MI SBED PA DANG, YONGS SU MI SKYONG BA DANG, DE DAG LAS 'DA' BAR BYED PA DANG, 'DAS PA DE DAG MI STON PA DANG, RAB TU MI STON PA DE NI LUS ZHIG NAS SHI BA'I 'OG TU DMYAL BA CHEN PO YANG SOS SU SKYE BAR 'GYUR TE, DE DAG DER YANG SDUG BSNGAL DRAG PA DANG, RTZUB PA DANG, TSA BA DANG, YID DU MA 'ONG BA'I TSOR BA MYONG BAR 'GYUR RO, ,DGE SLONG DAG ,DZAMBU'I GLING PA'I MI RNAMS KYI LO BRGYA GANG YIN PA DE NI SUM CU RTZA GSUM GYI LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG TU BRTZIS PA'I LO STONG NI SUM CU RTZA GSUM PA'I LHA RNAMS KYI TSE'I TSAD DO, ,DGE SLONG DAG ,SO SOR BSHAGS PA'I CHOS GANG DAG SRUNG BA DANG, SBED PA DANG, YONGS SU SKYONG BA DANG, 'DA' BAR MI BYED PA DANG, DE DAG LAS 'DAS PA STON PA DANG, RAB TU STON PA DE NI LUS ZHIG NAS BDE 'GRO SUM CU RTZA GSUM GYI LHA RNAMS SU SKYE BAR 'GYUR TE, DE DAG DER YANG LHA'I TSE DANG, LHA'I KHA DOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED CING, LHA'I GZUGS DANG, SGRA DANG, DRI DANG, RO DANG, REG BYA DANG, LHA'I G-YOG 'KHOR DANG LDAN PAR 'GYUR RO, ,DGE SLONG DAG ,SUM CU RTZA GSUM GYI LHA RNAMS KYI LO STONG GANG YIN PA DE NI DMYAL

198b

PA CHEN PO THIG NAG GI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG TU BRTZIS PA'I LO STONG NI DMYAL BA CHEN PO THIG NAG GI TSE'I TSAD DO, ,DGE SLONG DAG ,SO SOR BSHAGS PA'I CHOS GANG DAG MI SRUNG BA DANG, MI SBED PA DANG, YONGS SU MI SKYONG BA DANG, DE DAG LAS 'DA' BAR BYED PA DANG, 'DAS PA DE DAG MI STON PA DANG, RAB TU MI STON PA DE NI LUS ZHIG NAS SHI BA'I 'OG TU DMYAL BA CHEN PO THIG NAG TU SKYE BAR 'GYUR TE, DE DAG DER YANG SDUG BSNGAL DRAG PA DANG, RTZUB PA DANG, TSA BA DANG, YID DU MI 'ONG BA'I TSOR BA MYONG BAR 'GYUR RO, ,NYES BYAS KYI LTUNG BA BRTAG PA'O, ,DGE SLONG DAG ,DZAMBU'I GLING PA'I MI RNAMS KYI LO NYIS BRGYA GANG YIN PA DE NI MTSE MA'I LHA RNAMS KYI NYIN ZHAG GCIG GO ,NYIN ZHAG SUM CU LA ZLA BA GCIG ,ZLA BA BCU GNYIS LA LO GCIG TU BRTZES PA'I LO NYIS STONG NI MTSE MA'I LHA RNAMS KYI TSE'I TSAD DO, ,DGE SLONG DAG ,LTUNG BYED KYI CHOS GANG DAG SRUNG BA DANG, SBED PA DANG, YONGS SU SKYONG BA DANG, 'DA' BAR MI BYED PA DANG, DE DAG LAS 'DAS PA STON PA DANG, RAB TU STON PAR DE NI LUS ZHIG NAS BDE 'GRO MTSE MA'I LHA RNAMS SU SKYE BAR 'GYUR TE, DE DAG DER YANG LHA'I TSE DANG, LHA'I KHA DOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED CING LHA'I GZUGS

199a

, ,DANG; SGRA DANG, DRI DANG, RO DANG, REG BYA DANG, LHA'I G-YOG 'KHOR DANG LDAN PAR 'GYUR RO, ,DGE SLONG DAG ,MTSE MA'I LHA RNAMS KYI LO NYIS STONG GANG YIN PA DE NI DMYAL BA CHEN PO BSDUS 'JOMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG TU BRTZIS PA'I LO NYIS STONG NI DMYAL BA CHEN PO BSDUS 'JOMS KYI TSE'I TSAD DO, ,DGE SLONG DAG ,LTUNG BYED KYI CHOS GANG DAG MI SRUNG BA DANG, MI SBED PA DANG, YONGS SU MI SKYONG BA DANG, DE DAG LAS 'DA' BAR BYED PA DANG, 'DAS PA DE DAG MI STON PA DANG, RAB TU MI STON PA DE NI LUS ZHIG NAS SHI BA'I 'OG TU DMYAL BA CHEN PO BSDUS 'JOMS SU SKYE BAR 'GYUR TE, DE DAG DER YANG SDUG BSNGAL SHIN TU DRAG PA DANG, RTZUB PA DANG, TSA BA DANG, YID DU MI 'ONG BA'I TSOR BA MYONG BAR 'GYUR RO, ,LTUNG BYED KYI LTUNG BA BRTAG PA'O, ,DGE SLONG DAG ,DZAMBU'I GLING PA'I MI RNAMS KYI LO BZHI BRGYA GANG YIN PA DE NI DGA' LDAN GYI LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG ,ZLA BA BCU GNYIS LA LO GCIG TU BRTZIS PA'I LO BZHI STONG NI DGA' LDAN GYI LHA RNAMS KYI TSE'I TSAD DO, ,DGE SLONG DAG ,SDOM PA'I CHOS GANG DAG SGRUB PA DANG, SBED PA DANG, YONGS SU SKYONG BA DANG, 'DA' BAR MI BYED PA DANG, DE DAG LAS

199b

'DAS PA STON PA DANG, RAB TU STON PA DE NI LUS ZHIG NAS BDE 'GRO DGA' LDAN GYI LHA RNAMS SU SKYE BAR 'GYUR TE, DE DAG DER YANG LHA'I TSE DANG, LHA'I KHA DOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED CING LHA'I GZUGS DANG, SGRA DANG, DRI DANG, RO DANG, REG BYA DANG, LHA'I G-YOG 'KHOR DANG LDAN PAR 'GYUR RO, ,DGE SLONG DAG ,DGA' LDAN GYI LHA RNAMS KYI LO BZHI STONG GANG YIN PA DE NI DMYAL BA CHEN PO DU 'BOD KYI NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG TU BRTZIS PA'I LO BZHI STONG NI DMYAL BA CHEN PO DU 'BOD KYI TSE'I TSAD DO, ,DGE SLONG DAG ,SBOM PO'I CHOS GANG DAG MI SRUNG BA DANG, MI SBED PA DANG, YONGS SU MI SKYONG BA DANG, DE DAG LAS 'DA' BAR BYED PA DANG, 'DAS PA DE DAG MI STON PA DANG, RAB TU MI STON PA DE NI LUS ZHIG NAS SHI BA'I 'OG TU DMYAL BA CHEN PO DU 'BOD DU SKYE BAR 'GYUR TE, DE DAG DER YANG SDUG BSNGAL SHIN TU DRAG PA DANG, RTZUB PA DANG, TSA BA DANG, YID DU MI 'ONG BA'I TSOR BA MYONG BAR 'GYUR RO, ,SBOM PA'I LTUNG BA BRTAG PA'O, ,DGE SLONG DAG ,DZAMBU'I GLING PA'I MI RNAMS KYI LO BRGYAD BRGYA GANG YIN PA DE NI 'PHRUL DGA'I LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG TU BRTZIS PA'I LO BRGYAD

200a

, ,STONG NI 'PHRUL DGA'I LHA RNAMS KYI TSE'I TSAD DO, ,DGE SLONG DAG ,LHAG MA'I CHOS GANG DAG SRUNG BA DANG, SBED PA DANG, YONGS SU SKYONG BA DANG, 'DA' BAR MI BYED PA DANG, DE DAG LAS 'DAS PA STON PA DANG, RAB TU STON PA DE NI LUS ZHIG NAS BDE 'GRO 'PHRUL DGA'I LHA RNAMS SU SKYE BAR 'GYUR TE, DE DAG DER YANG LHA'I TSE DANG, LHA'I KHA DOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED CING LHA'I GZUGS DANG, SGRA DANG, DRI DANG, RO DANG, REG BYA DANG, LHA'I G-YOG 'KHOR DANG LDAN PAR 'GYUR RO, ,DGE SLONG DAG ,'PHRUL DGA'I LHA RNAMS KYI LO BRGYAD STONG GANG YIN PA DE NI DMYAL BA DU 'BOD CHEN PO'I NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG TU BRTZIS PA'I LO BRGYAD STONG NI DMYAL BA DU 'BOD CHEN PO'I TSE'I TSAD DO, ,DGE SLONG DAG ,LHAG MA'I CHOS GANG DAG MI SRUNG BA DANG, MI SBED PA DANG, YONGS SU MI SKYONG BA DANG, DE DAG LAS 'DA' BAR BYED PA DANG, 'DAS PA DE DAG MI STON PA DANG, RAB TU MI STON PA DE NI LUS ZHIG NAS SHI BA'I 'OG TU DMYAL BA CHEN PO DU 'BOD CHEN POR SKYE BAR 'GYUR TE, DE DAG DER YANG SDUG BSNGAL SHIN TU DRAG PA DANG, RTZUB PA DANG, TSA BA DANG, YID DU MI 'ONG BA'I TSOR BA MYONG BAR 'GYUR RO, ,LHAG

200b

MA'I LTUNG BA BRTAG PA'O, ,DGE SLONG DAG, DZAMBU'I GLING PA'I MI RNAMS KYI LO BRGYA PHRAG BCU DRUG GANG YIN PA DE NI GZHAN 'PHRUL DBANG BYED KYI LHA RNAMS KYI NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG TU BRTZIS PA'I LO STONG PHRAG BCU DRUG NI GZHAN 'PHRUL DBANG BYED KYI LHA RNAMS KYI TSE'I TSAD DO, ,DGE SLONG DAG ,PHAM PAR 'GYUR BA'I CHOS BZHI PO GANG DAG SRUNG BA DANG, SBED PA DANG, YONGS SU SKYONG BA DANG, 'DA' BAR MI BYED PA DANG, DE DAG LAS 'DAS PA STON PA DANG, RAB TU STON PA DE NI LUS ZHIG NAS BDE 'GRO GZHAN 'PHRUL DBANG BYED KYI LHA RNAMS SU SKYE BAR 'GYUR TE, DE DAG DER YANG LHA'I TSE DANG, LHA'I KHA DOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED CING LHA'I GZUGS DANG, SGRA DANG, DRI DANG, RO DANG, REG BYA DANG, LHA'I G-YOG 'KHOR DANG LDAN PAR 'GYUR RO, ,DGE SLONG DAG ,GZHAN 'PHRUL DBANG BYED KYI LHA RNAMS KYI LO STONG PHRAG BCU DRUG GANG YIN PA DE NI DMYAL BA CHEN PO TSA BA'I NYIN ZHAG GCIG GO ,NYIN ZHAG DE SUM CU LA ZLA BA GCIG GO ,ZLA BA BCU GNYIS LA LO GCIG TU BRTZIS PA'I LO KHRI DRUG STONG NI DMYAL BA CHEN PO TSA BA'I TSE'I TSAD DO, ,DGE SLONG DAG ,PHAM PAR 'GYUR BA'I CHOS BZHI PO GANG DAG MI SRUNG BA DANG, MI SBED PA DANG, YONGS SU MI SKYONG BA DANG, DE DAG LAS 'DA'

201a

, ,BAR BYED PA DANG, 'DAS PA DE DAG MI STON PA DANG, RAB TU MI STON PA DE NI LUS ZHIG NAS SHI BA'I 'OG TU DMYAL BA CHEN PO TSA BAR SKYE BAR 'GYUR TE, DE DAG DER YANG SDUG BSNGAL SHIN TU DRAG PA DANG, RTZUB PA DANG, TSA BA DANG, YID DU MI 'ONG BA'I TSOR BA MYONG BAR 'GYUR RO, ,PHAM PAR 'GYUR BA'I CHOS BZHI'I LTUNG BA BRTAG PA'O, ,DGE SLONG DAG ,DE LTA BAS NA, GANG DE DAG BSTAN BCOS THOS PA RNAMS KYIS BDAG LA PHAN PAR BYA BA DANG, SNYING BRTZE BA DANG, SNYING RJE BA DANG, DON 'DOD PA DANG, PHAN PA TSOL BAS SNYING BRTZE BA 'DIS KHYED CAG RNAMS KYIS 'DI LTAR BYA STE, DGE SLONG DAG ,DGON PA DANG, SHING DRUNG DANG, KHANG STONG DANG, RI KHROD DANG, RI PHUG DANG, PA LA PUN DZ'A BHYA BA KA SHA DANG, DUR KHROD DANG, NAGS 'DAB DANG, BAS MTHA'I GNAS MAL DU GNAS TE 'DI DAG NGES PAR BSAM PAR BYA'O, ,DGE SLONG DAG ,BAG YOD PAR GYIS SHIG ,CI NAS KYANG PHYIS 'GYOD PAR 'GYUR BA DE LTAR MA BYED CIG ,'DI NI NGA'I RJES SU BSTAN PA'O, ,BCOM LDAN 'DAS KYIS DE SKAD CES BKA' STZAL NAS DGE SLONG DE DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,LTUNG BA SDE LNGA'I DGE BA DANG, MI DGE BA'I 'BRAS BU BRTAG PA'I MDO RDZOGS SO,, ,,RGYA GAR GYI MKHAN PO A'A TZ'ARYA DZNY'A

201b

NA SHR'I GUPTA DANG, BOD KYI LO TZTSA BA DGE SLONG SH'AKYA BLO GROS KYIS BSGYUR CING GTAN LA PHAB PA,,