, ,DPAL RDO RJE RNAM PAR 'JOMS PA LA PHYAG 'TSAL LO, ,MI BZAD GDON GYIS NYEN PA'I SEMS CAN LA PHAN THOGS PAR 'DOD PA'I SGRUB PA PO DAM TSIG DANG LDAN PAS, KLU CHEN PO BRGYAD MCHOD PAR 'DOD PA'I DKYIL 'KHOR SNGA MA BZHIN DU BZHENGS LA RAL GRI DANG, MDA' RNAMS KYIS MTHA' MA BSKOR LA, DBUS SU GTZO BO'I BUM PA BTZUGS LA, GZUNGS THAG GIS GDAGS LA, PADMA'I 'DAB MA RNAMS KYI STENG DU KLU SO SO'I GZUGS BRNYAN BKOD PA DANG, SO SO'I GTOR MA DKAR GSUM MNGAR GSUM DANG, RTZI SMAN SNA TSOGS PA DANG LDAN PAR YANG BSHAM MO, ,DKON MCHOG DANG KLU RNAMS MCHOD PA'I LHA BSHOS DANG, MAR ME LA SOGS PA MCHOD PA'I BYE BRAG CI 'BYOR PA RNAMS BSHAM MO, ,PHYOGS SKYONG DANG BGEGS RNAMS LA GTOR MA BSHAM ZHING GTANG NGO, ,DE NAS KLU CHEN PO RNAMS SO SO'I GNAS SU SPYAN DRANG PA NI, H'Um RGYA MTSO YANGS PA'I DKYIL 'KHOR NAS, ,MTHA' YAS 'JOG PO KARKO tA, ,AU LI KA DANG NOR RGYAS DANG, ,PADMA DANG NI BA SU NA, ,KLU CHEN BRGYAD PO 'KHOR DANG BCAS, ,BTZUN MO RNAMS KYIS MGUL NAS 'KHYUD, ,YAB YUM SRAS DANG BCAS PA RNAMS, ,'DIR GSHEGS SPYAN 'DREN MCHOD PAR 'BUL, AOm PHU:SV'A H'A, SA MA Y'A, DE NAS BSTOD CING GTOR MA DBUL BA NI, H'U% SHAR PHYOGS KLU RGYAL MTHA' YAS NI, ,SKU MDOG SER LA 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO BDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,LHO PHYOGS KLU RGYAL 'JOG PO NI, ,ZHAL GCIG PHYAG GNYIS RO SMAD SBRUL, ,SKU MDOG DKAR LA 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN
, ,NOR BU DANG, ,SBRUL MGO BDUN GYIS GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,NUB PHYOGS KLU DBANG KARKO tA, ,ZHAL GCIG PHYAG GNYIS RO SMAD SBRUL, ,SKU MDOG DMAR LA 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO BDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,BYANG PHYOGS KLU RGYAL AU LI KA ,ZHAL GCIG PHYAG GNYIS RO SMAD SBRUL, ,SKU MDOG DMAR SKYA 'OD ZER 'BAR,, PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO BDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,SHAR LHOR KLU RGYAL NOR RGYAS NI, ,ZHAL GCIG PHYAG GNYIS RO SMAD SBRUL, ,SKU MDOG SER SKYA 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO MDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,LHO NUB KLU RGYAL DUNG SKYONG NI, ,ZHAL GCIG PHYAG GNYIS RO SMAD SBRUL, , SKU MDOG GSER LA 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO BDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,NUB BYANG KLU RGYAL PADMA NI, ,ZHAL GCIG PHYAG GNYIS RO SMAD SBRUL, ,SKU MDOG SNGO SKYA 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO BDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,BYANG SHAR KLU RGYAL BA RA nA, , ZHAL GCIG PHYAG GNYIS RO SMAD SBRUL, ,SKU MDOG DMAR SNGO 'OD ZER 'BAR, ,PHYAG MTSAN PADMA ZHAGS PA BSNAMS, ,SPYI GTZUG YID BZHIN NOR BU DANG, ,SBRUL MGO BDUN GYI GDENGS KA CAN, ,SBRUL DANG RIN CHEN RGYAN GYIS BRGYAN, ,DE LA MCHOD CING BSTOD PAR BGYI, ,
SO SO'I YUM GYI SKU MDOG NI, ,RANG RANG YAB DANG MTHUN PA LA, ,RIN CHEN PHRENG BA'I DO SHAL CAN, ,G-YAS G-YON YAB KYI MGUL NAS 'KHYUD, ,KHA RLANGS DUG TU 'KHYIL BAR BYED, ,DE LA MCHOD CING BSTOD PAR BGYI, ,DE DAG SO SO'I SRAS RNAMS NI, ,SKU MDOG 'DI 'DRA MA NGES TE, MDZES SHING SDU GU 'OD 'BAR BA, ,LA LA CHU SRIN KHA NAS 'BYUNG, ,DE BZHIN SBRUL DANG SBAL PA DANG, ,CHU GLANG CHU RTA KHA NAS 'BYUNG, ,SNA TSOGS 'GYUR BA'I GZUGS RNAMS LA, ,MCHOD PA 'DUL ZHING BSTOD PAR BGYI, ,GZHAN YANG KLU BRAN 'BUM GYI TSOGS, ,BYOL SONG GZUGS BRNYAN SNA TSOGS STON, ,'DAB CHAGS TSOGS DANG LTOS 'GRO DANG, ,RKANG MANGS DANG NI RKANG MED DANG, ,SDIG SRIN GZUGS BRNYAN STON PA LA, ,MCHOD CING BSTOD NAS GTOR MA 'BUL, ,BDAG GI LAS KYI 'BRAS BU RNAMS, ,JI LTAR 'DOD PA JI BZHIN DU, ,KHYED KYIS 'DOD DON GRUB PAR MDZOD, ,CES KLU BRGYAD KYI SNYING PO BRGYA RTZA BZLAS LA GTOR MA GTONG ZHING SNYING PO RGYAS BSDUS KYI BUM PA'I CHUS KHRUS BYA'O, ,DE NAS DKYIL 'KHOR BSDU ZHING BKRA SHIS GSOL LO, ,KLU CHEN PO BRGYAD MCHOD PAS MI BZAD PA'I NAD YAMS DRAG PO LAS THAR BAR BYED PA, DPAL MAR ME MDZAD BZANG POS MDZAD PA RDZOGS SO,,