, ,DPAL RDO RJE RNAM PAR 'JOMS PA LA PHYAG 'TSAL LO, ,PHA ROL GYI BYAD STEMS LAS GROL BAR 'DOD PA'I SGRUB PA PO DAM TSIG DANG LDAN PAS, DUR KHROD KYI RAS LA KHYI NAG PO'I KHRAG GIS 'KHOR LO RTZIBS SUM CU RTZA GNYIS PA BYIS TE, LTE BAR CHE GE STAm BHA YA BRI, RTZIBS RNAMS LA KHRO BO BCU'I SNGAGS MGO NANG DU BSTAN PA BRI, MU KHYUD NANG MA LA A'A LI MGO NANG DU BSTAN PA
, ,BRI; PHYI MA LA K'A LI MGO NANG DU BSTAN PA BRIS LA BDAG NYID LA LHO PHYOGS SU BLHAS [*BLTAS] LA 'KHOR LO LA RAB TU GNAS PA BYAS LA, KHRO BO BCU'I SNGAGS LA STONG PHRAG LNGA BZLAS LA, DE NAS G-YUL GYES PA'I SA DANG, DUR KHROD KYI SA DANG, GROG MKHAR GYI SA DANG, PHUNG SHUL GYIS LAS MCHOD RTEN KHRU GANG BA RIM PA LNGA BYAS LA, DE'I NANG DU YANG GRO GA LA LINGGA BRIS LA LCE PHYIR PHYUNG LA LCE LA DUG GI PHUR PA RGYA MDUD NUB PAR BTAB LA, CHE GE MO'I BYAD KHA RNAMS BZLOG ,BYOL STAm BHA YA H'Um H'Um H'Um ZHES PAS MTHA' MA BSKOR, MCHOD RTEN GYI BRE'I NANG DU GZHUG GO, ,BDAG NYID KYI MAL 'OG TU DONG GRU GSUM PA BRUS LA NANG DUR KHROD KYI SOL BAS BYUGS LA, 'KHOR LO DE PHUR BU BCU GSUM GYIS BRGYANGS LA DE'I STENG DU NAS NAG MO DANG SRAN MA DANG, YUNGS NAG RNAMS BKRAM LA, DE'I STENG DU MCHOD RTEN MGO MJUG BZLOG LA GZHAG GO; ,DE NAS NANG RNAMS SU DUG SHING GI TSER MAS DGANG NGO, ,KHA DUR KHROD KYI G-YAM PA LA RI RAB GLING BZHI DANG BCAS PAS MNAN NO, ,DE NAS LHAM 'BOB DANG, YUGS SA MO'I ZHABS MA BTING LAS BDAG GI ZHAL DBYUNG NGO, ,BDAG NYID NYAL BA'I TSE AOm HA RA HA RA BADZRA CHE GE MO'I BYAD STEMS SHA TR'Um H'Um H'Um ZHES KHRO BO BCU'I SNGAGS LA BTAGS LA, JI LTAR 'GRUB PA'AM MA CHAG PAR BZLAS SO, ,DUS BZHIR GTOR MA CHUNG BA BCU PHYOGS BCUR 'PHANG ZHING KHRO BO BCU LA DMOD BTZUGS SHING MA NYES PA'I RABS BRJOD 'JIG RTEN GYI LHA 'DRE RNAMS LA DAM PA DAR ZHING DPANG GZUGS PA; PHYOGS RNAMS SU SENG LDENG GI PHUR BU RE LA KHRO BO BCU'I SNGAGS BRIS LA DPAL CHE GE BYAD STEMS M'A RA YA BZLOG SOD BYOL ZHES BRIS LA BDAG NYID KYI GNAS KHANG GI PHYOGS MTSAMS DANG, STENG 'OG TU GDAB PO, ,PHUR BU DE DAG KYANG KHRO BO BCUR MNGA' GSOL LA GTOR MA RE BTANG, NYA STONG LA PHUR BU DE GZI BRJID BSKYED DO, ,GTOR MA GTANG BA'I DUS SU YUNGS KAR DANG DUG SNA LA SNGAGS BZLAS LA PHYOGS MTSAMS SU GTOR RO, ,DUR KHROD DU YANG SKABS SU MNAN PA BYA'O, ,SKABS SU GTOR MA DANG BSGRUB BYA'I LINGGA CHU LA BSKUR RO, ,SKABS SU ME LA BSREG GO, ,DE LTAR BYAS
PAS GDON THAMS CAD KHA 'CHING BAR 'GYUR RO, ,BYAD STEMS THAMS CAD SBOD GTONG BYED PA DE NYID RANG LA NGES PAR BZLOG PAR NGES SO, ,BYAD STIMS THAMS CAD GCOD PA DANG, PHUR KHA THAMS CAD BZLOG PA'I PHYIR BZLOG PA'I 'KHOR LO ZHES BYA BA, SLOB DPON YE SHES RDO RJES MDZAD PA RDZOGS SO,,