, ,DPAL RDO RJE RNAM PAR 'JOMS PA LA PHYAG 'TSAL LO, ,GANG ZAG GZA' NGAN PA'I DUS LAS ZLOG PAR 'DOD BA'I SGRUB PA PO DAM TSIG DANG LDAN PAS, DKYIL 'KHOR SNGA MA BZHIN DU BRIS LA, DKYIL 'KHOR GYI DBUS SU BUM PA MTSAN NYID DANG LDAN PA, KHA DOG SNGON PO GTZO BO'I MTSAN NYID DANG LDAN PA BZHAG LA, DE LA GTZO BO'I BSNYEN PA BRGYA PHUL LA GZHAG GO, ,DKYIL 'KHOR GYI PHYOGS MTSAMS SU PHUR PA BRGYAD LA DAR DMAR PO'I COD PAN BTAGS LA KHRO BO BRGYAD DU BSKYED LA GZHAG GO, ,MAR ME LA SOGS PAS GTZO BO DANG GZA' BRGYAD MCHOD DO, ,GZA'I GTOR MA GTZANG MA BRGYAD PHYOGS GTOR DANG BGEGS GTOR YANG BSHAM MO, ,DKYIL 'KHOR GYI LHA'I GNAS RNAMS SU BAG ZAN LAS GZA'I GZUGS BYAS LA TSON GYIS BSGYUR LA GZHAG ,DE DAG RE RE'I MDUN DU SPRANG RTZI DANG, 'O MA LA SOGS PA SPYAN GZIGS KYIS KYANG 'KHOR BAR
, ,GZHAG GO, ,KHYAMS RNAMS SU RGYU SKAR GYI GZUGS BYAS LA GZHAG GO, ,DE NAS GTZO BO LA MCHOD PA DANG BSTOD PA BYAS LA, GZA' RNAMS KYI SNGAGS DANG PHYAG RGYAS SPYAN DRANGS TE, TSIGS BCAD KYIS KYANG SPYAN DRANG BA 'DI SKAD DO, ,H'Um H'Um H'Um, RNAM DAG RI RAB LEGS PA'I DKYIL 'KHOR NAS, ,GZA' BRGYAD RGYU SKAR 'KHOR BCAS SPYAN 'DREN NA, ,SNGON GYI DAM TSIG DBANG GIS GSHEGS SU GSOL, ,AE HYE HI DZA:, RANG BZHIN ME MNYAM RNAM DAG GZHAL YAS LA, ,MNYES PAR BRIS SHING SPRAS PA'I DKYIL 'KHOR 'DIR, ,GZA' CHEN 'KHOR DANG BCAS PA BZHUGS SU GSOL; ,SA MA Y'A H'Um ZHES SO, ,SO SO'I SNYING PO BRGYA RTZA BRGYAD BZLAS SO, ,SKU MDOG DANG PHYAG MTSAN RNAMS GSAL BAR BSGOMS LA, MCHOD PA 'BUL BA NI, H'Um PHYOGS BCU KUN NAS RNAM DAG RDZAS KYI MCHOG ,MDZES PAR GTAMS PA'I YON CHAB 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,PHYOGS BCU KUN NAS RNAM DAG RDZAS KYI MCHOG ,MDZES PAR GTAMS PA'I ME TOG 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,PHYOGS BCU KUN NAS RNAM DAG RDZAS KYI MCHOG ,MDZES PAR GTAMS PA'I SNANG GSAL 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,PHYOGS BCU KUN NAS RNAM DAG RDZAS KYI MCHOG ,MDZES PAR GTAMS PA'I BDUG SPOS 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,PHYOGS BCU KUN NAS RNAM DAG RDZAS KYI MCHOG; ,MDZES PAR GTAMS PA'I DRI CHAB 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,PHYOGS BCU KUN NAS RNAM DAG RDZAS KYI MCHOG ,MDZES PAR GTAMS PA'I BSHOS GTZANG 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,PHYOGS BCU KUN NAS RNAM DAG RDZAS KYI MCHOG ,MDZES PAR GTAMS PA'I SIL SNYAN 'DI, ,GZA' RNAMS 'KHOR DANG BCAS LA 'BUL, ,DAM TSIG DBANG GIS BZHES SU GSOL, ,DE NAS GZA' RNAMS LA BSTOD CING GTOR MA 'BUL BA NI, H'U% SHAR PHYOGS
GZA' CHEN PA BA SANGS, ,SKU MDOG DMAR PO MDZES PA LA, ,NA BZA' DAR DKAR STOD G-YOGS CAN, ,RIN CHEN SNA TSOGS RGYAN GYIS BRGYAN, ,PHYAG MTSAN PHYAG NA SPU GRI BSNAMS, ,DE LA MCHOD CING GTOR MA 'BUL, ,H'U% LHO PHYOGS GZA' CHEN PHUR BU NI, ,SKU MDOG DKAR PO MDZES PA LA, ,GLOG GI PHRENG BA'I 'KHOR YUG CAN, ,RIN CHEN SNA TSOGS RGYAN GYIS BRGYAN, ,SER PO DAR GYI STOD G-YOGS CAN, ,PHYAG MTSAN PHYAG NA GLEGS BAM BSNAMS, ,ZLA BA'I STENG NA BZHUGS PA LA, ,DE LA BSTOD CING GTOR MA 'BUL, ,NUB PHYOGS GZA' CHEN ZLA BA NI, ,SKU MDOG DKAR PO MDZES PA LA, ,NA BZA' DAR DMAR STOD G-YOGS CAN, ,RIN CHEN SNA TSOGS RGYAN GYIS BRGYAN, ,PHYAG MTSAN PHYAG NA PADMA BSNAMS, ,NGANG PA DAG LA ZHON PA LA, ,DE LA BSTOD DE GTOR MA 'BUL, ,BYANG PHYOGS GZA' CHEN LAG PA NI, ,SKU MDOG SER PO MDZES PA LA, ,NA BZA' ZANGS KYI THOR COG GSOL, ,RIN CHEN SNA TSOGS RGYAN GYIS BRGYAN, ,PHYAG MTSAN PHYAG NA CHAN GRI BSNAMS, ,SBRUL GYI STENG NA BZHUGS PA LA, ,DE LA BSTOD DE GTOR MA 'BUL, ,LHA CHEN GZA' CHEN SGRA GCAN 'DZIN, ,SKU MDOG DUD KA MDZES PA LA, ,NA BZA' SBRUL GYI RKED CHINGS CAN, ,MGO LUS THAMS CAD MIG GIS KHENGS, ,PHYAG MTSAN PHYAG NA MDA' GZHU 'GENGS, ,RO SMAD SBRUL DU 'KHYIL PA LA, ,DE LA BSTOD DE GTOR MA 'BUL, ,NUB BYANG GZA' CHEN NYI MA NI, ,SKU MDOG DMAR PO MDZES PA LA, ,NA BZA' THOG LCAGS GU ZU CAN, ,RIN CHEN SNA TSOGS RGYAN GYIS BRGYAN, ,PHYAG MTSAN PHYAG NA PADMA BSNAMS, ,RTA YI STENG NA ZHON PA LA, ,DE LA BSTOD DE GTOR MA 'BUL, ,BYANG SHAR GZA' CHEN SPEN PA NI, ,SKU MDOG NAG PO 'JIGS PA LA, ,NA BZA' DAR DMAR THUL PA GSAL, ,RIN CHEN MDZES PA'I RGYAN GYIS BRGYAN, ,PHYAG MTSAN PHYAG NA RAL GRI BSNAMS, ,'BRUG GI STENG NA BZHUGS PA LA, ,DE LA BSTOD DE GTOR MA 'BUL, ,GZA' CHEN 'JIGS PA'I GZUGS CAN TE, ,SO SO'I RGYU SKAR 'KHOR BCAS LA, ,ME TOG
, ,GTOR MA GUS PAS 'BUL, ,'DI DAG SO SOR BSNAMS NAS NI, ,LAS 'DI'I 'BRAS BU GRUB PAR MDZOD, ,CES GTOR MA 'BUL, PHYOGS SKYONG DANG BGEGS RNAMS LA YANG BSTOD CING GTOR MA 'BUL LO, ,GZA' NGAN PA BZLOG PA'I CHO GA RGYA MTSO SPRIN ZHES BYA BA, DPAL MAR ME MDZAD BZANG POS MDZAD PA RDZOGS SO,,