, ,DPAL RDO RJE RNAM PAR 'JOMS PA LA PHYAG 'TSAL LO, ,MI MTHUN PA'I 'THAB PA DANG RTZOD PA RNAMS ZHI BAR 'DOD PAS NAGS STUG PO'I KHROD DU SONG STE, DKYIL 'KHOR 'KHOR LO RTZIBS BZHI BA ZHI BA'I KHA DOG TU BZHENGS LA LHA RNAMS SPYAN DRANG BA DANG, BZHUGS SU GSOL BA LA SOGS PA BYA STE, BKRA SHIS BUM PA LA LHA RNAMS DBANG BSKUR BA LA SOGS PA BYA STE, BUM PA DE NYID LA MCHOD CING BSTOD PA BYAS LA SNYING PO RGYAS BSDUS GANG MOS LA ZHAG BDUN NAM BCU GCIG TU BZLAS BRJOD BYA'O, ,DE NAS BDAG NYID LHA'I NGA RGYAL DANG LDAN PAS SKRA BRDZES LA STOD G-YOGS GZAR LA, SDIGS
, ,MDZUB BSGRENG LA G-YUL 'GYED PA'I KHROD DE'I BAR DU PHYIN NA G-YUL 'GYES SO, ,MI MTHUN PA'I SEMS CAN RNAMS LA YUNGS KAR LA BZLAS NAS GTOR NA MTHUN PAR 'GYUR RO, ,BDAG DANG MTHUN PA'I SEMS CAN LA GNOD PAR SEMS PA LAS KA RA B'I RA'I ME TOG LA BZLAS NAS, DE'I GDONG DU GTOR NA GNOD PA BYA BA DANG, BSAM PA ZHI BAR 'GYUR RO, ,RTZVA D'UR BA LA DUR KHROD KYI THAL BA LA BZLAS NAS GTOR NA 'PHROG MA'I SEMS ZHI BAR 'GYUR RO, ,MDZA' BSHES DANG MDZA' BO MI MTHUN PA LA NI GO LA'AM SHING GANG YANG RUNG BA LA BZLAS NAS BYIN NA MDZA' ZHING GCUGS PAR 'GYUR RO, ,RGYAL PO'AM YON TAN CAN DANG MI MTHUN PA LA NI BYA NAG MO'I SGO NGA DANG, MU ZI LA BZLAS LA ME BYAS LA RLUNG PHYOGS SU PHYAR BA TZAM GYIS MTHUN SEMS DANG LDAN PAR 'GYUR RO, ,MI MTHUN PA ZHI BAR BYED PA'I RTZI SBYOR DBYIG GI NOR BU ZHES BYA BA, SLOB DPON YE SHES RDO RJES MDZAD PA RDZOGS SO,,