, ,DPAL RDO RJE RNAM PAR 'JOMS PA LA PHYAG 'TSAL LO, ,'JIG RTEN GYI LHA RNAMS RGYAB KYIS PHYOGS PA LA LHA CHEN PO BRGYAD KYI CHO GAS LHA MNYES PAR 'DOD PA'I SGRUB PA PO DAM TSIG DANG LDAN PAS; DKYIL 'KHOR SNGA MA LTAR BZHENGS LA GTOR MA LA SOGS PA SNGA MA LTAR BSHAMS LA, LHA CHEN PO BRGYAD KYI GZUGS BRNYAN BYAS LA, DE RE RE LA NGAR GLUD SOR BZHI PA BRGYA RTZA BRGYAD KYIS BSKOR LA, TSON GYIS JI LTAR 'DOD PA BZHIN DU BSGYUR LA DKYIL 'KHOR GYI MTHA' MAR GZHAG GO,
, ,DE NAS LHA CHEN PO RNAMS SPYAN DRANG BA NI, H'Um RI RAB CHEN PO'I YANG STENG NAS, ,'JIG RTEN STOBS LDAN LHA CHEN RNAMS, ,DRAL SHUL LDAN ZHING RDZU 'PHRUL LDAN, ,DBANG PHYUG GRAGS PA RNAMS SKYED PA, ,LEGS PA'I LAM YANG STON PA STE, ,LHA CHEN DRAG PO 'KHOR DANG BCAS; ,'DIR SPYON LEGS PA'I LAM STON CIG ,SA MA YA DZA:, DE NAS BSTOD CING GTOR MA DBUL BA NI, H'Um SHAR PHYOGS LHA CHEN DBANG PHYUG NI, ,ZHAL GCIG PA LA PHYAG GNYIS PA, ,SKU MDOG SNGO SKYA 'JIGS BYED PA, ,SKRA BRDZES SPYAN YANG 'BRU TSUGS LTA, ,DUR KHROD 'BAR BA'I RGYAN GYIS BRGYAN, ,G-YAS NA TRI SH'UL RTZE GSUM BSNAMS, ,G-YON NA THOD PA KHRAG 'DREN PA, ,DE LA BSTOD DE GTOR MA DBUL, ,LHO PHYOGS LHA CHEN RGYAL CHEN NI, ,SKU MDOG SER LA ZHAL GCIG PA, ,'JIGS BYED CHEN PO'I PHYAG GNYIS PA, ,G-YAS PA RDO RJE GSUM PA BSNAMS, ,G-YON PA RUS PA'I PHRENG BA 'DZIN, ,DE LA BSTOD DE GTOR MA 'BUL, ,NUB PHYOGS LHA DBANG TSANGS PA NI, ,ZHAL GCIG PHYAG GNYIS SKU MDOG DKAR, ,SKRA BRDZES MCHE BA GTZIGS PA LA, ,'JIGS PA'I NGA RO 'BRUG LTAR SGROGS, ,G-YAS PA DUNG CHEN G-YAS 'KHYIL BSNAMS, , G-YON PA PADMA MDZES PA 'DZIN, ,DE LA BSTOD DE GTOR MA 'BUL, ,BYANG PHYOGS LHA CHEN KHYAB 'JUG NI, ,ZHAL DGU PHYAG GNYIS SKU MDOG DUD, ,MGO LUS SPYAN GYIS KHENGS PA STE, ,RO SMAD SPRUL NAG 'KHYIL PA LA, G-YAS PA'I PHYAG NA DBYUG TO 'PHYAR, ,G-YON PA'I PHYAG NA 'KHOR LO BSNAMS, ,DE LA BSTOD DE GTOR MA 'BUL, ,SHAR LHO 'DOD PA'I DBANG PHYUG NI, ,ZHAL GCIG PHYAG GNYIS SKU MDOG SMUG ,DUR KHROD 'JIGS PA'I RGYAN GYIS BRGYAN, ,HA HA HI HI CHER SGROGS PA, ,G-YAS PA MDA' STE G-YON PA GZHU, ,DE LA BSTOD DE GTOR MA 'BUL; ,LHO NUB TSOGS KYI BDAG PO NI, ,ZHAL GCIG PHYAG GNYIS SKU MDOG NAG ,SPRUL GYIS LUS BRGYAN 'JIGS RUNG BA, ,RAB 'JIGS DBANG CHEN KUN GYI GTZO, ,GLANG SNGON SNA LA MCHE BA GTZIGS, ,G-YAS PA GLANG CHEN MCHE BA BSNAMS, ,G-YON BA GLANG KO RLON PA 'DZIN, ,
DE LA BSTOD DE GTOR MA 'BUL, ,NUB BYANG NAG PO CHEN PO NI, ,ZHAL GCIG PHYAG GNYIS SKU MDOG GNAG ,SKRA G-YENGS SO GNAN KHRAG GIS BRLAN, ,G-YAS PA RDO RJE RTZE GSUM 'DZIN, ,G-YON PA'I PHYAG NA ZHAGS BA BSNAMS, ,DE LA BSTOD DE GTOR MA 'BUL, ,BYANG SHAR SMIN DRUG DBANG PHYUG BU, ,ZHAL GCIG PHYAG GNYIS SKU MDOG LJANG, ,'JIGS BYED CHEN PO'I ZHAL GDANGS NAS, ,RAB TU RNGAM PA'I NGA RO CAN, ,PHYAG GNYIS MDUNG THUNG GSOR BYED CING, ,DE LA BSTOD DE GTOR MA 'BUL, ,LHA CHEN BRGYAD PO 'KHOR DANG BCAS, ,MCHOD DANG GTOR MA PHUL BA YIS, ,'JIG RTEN LHA RNAMS MNYES BYAS TE, BDAG GI 'DOD PA'I DON RNAMS NI, ,NGES PAR 'GRUB PAR MDZAD DU GSOL, ,ZHES GTOR MA BYIN GYIS BRLABS LA, ,RI'I RTZE MO LA SIL SNYAN SNA TSOGS PA'I SGRA DANG LDAN PAR BYAS LA BSKYAL LA, DKYIL 'KHOR BSDU ZHING BKRA SHIS GSOL, ,'JIG RTEN GYI LHA MNYES PAR BYED PA, DON GRUB PA ZHES BYA BA DPAL MAR ME MDZAD BZANG POS MDZAD PA RDZOGS SO,,