, ,DPAL RDO RJE RNAM PAR 'JOMS PA LA PHYAG 'TSAL LO, ,SNGON GYI LAN CHAGS KYI DBANG GIS TSE 'DI LA PHUN SUM TSOGS PA DANG BRAL BA RNAMS NI, GTOR MA'I LAS BYED PAR 'DOD PAS RIN PO CHE'I SNOD RGYA CHE LA GTING ZAB PA DAG CING DRI MA MED PA CHAG PA DANG GAS PA DANG, ZHOM PA LA SOGS PA MED PA, 'BRAS CHAN NAM, 'BRU'I PHYE MA RAB TU GTZANG BAS GTAMS LA, SHA DANG MAR DANG 'O MA DANG KHUR BA LA SOGS PAS BRAN LA CHU RAB TU GTZANG ZHING DRI MA MED PAS BRAN LA, SNGON DU STONG PA NYID BSGOM, DE NAS TSAD MED BZHI BSGOM, DE'I NGANG LAS BDAG NYID KYIS PAm ZHES BRJOD PAS BDAG GI MDUN DU SDONG PO SHIN TU RGYA CHE BA DPANGS MTHO BA SUM BRTZEGS GCIG LA, DE YANG STENG GI PADMA LA KHA DOG DKAR PO 'DAB MA DPAG TU MED PA DBUS DMAR PO 'DAB MA DPAG TU MED PA 'OD SNGON PO DPAG TU MED PA DMIGS SO, ,DE'I RJES LA PAm KA MA LA H'Um DZA:ZHES BRJED PAS, KHAMS GSUM DU GTOGS PA'I SEMS CAN THAMS CAD SPYAN DRANGS, GZUGS MED PA'I KHAMS KYI SEMS CAN THAMS CAD STENG GI PADMA'I STENG DU 'DUS SHING 'KHOD PAR BSAM, DBUS SU GZUGS KHAMS 'OG TU 'DOD PA KHAMS KYI SEMS CAN 'DUS SHING 'KHOD PAR DMIGS LA, DE NAS DE'I 'OG TU GTOR MA'I SNOD DE CI YIN KYANG RIN PO CHE'I SNOD RGYA KHYON DPAG TU MED PAR DMIGS SO, ,DE'I 'OG TU H'Um LAS RDO RJE PHYED PHYUNG GI SGYED PO, DE'I 'OG TU YAm LAS RLUNG GI DKYIL 'KHOR ZLA GAM GCIG BSKYED, DE'I STENG DU RAm LAS ME'I DKYIL 'KHOR GRU GSUM PA, DE'I STENG DU SGYED PO'I STENG DU BHR'Um LAS RIN PO CHE'I SNOD KHOR KHOR YUG TU BCAS PA DMIGS SHING DE'I NANG DU KHAm LAS BDUD RTZI'I RGYA MTSO, DE NAS BDAG NYID KYIS YAm YAm YAm ZHES BRJOD PAS RLUNG GI DKYIL 'KHOR LAS RLUNG G-YOS, RAm RAm RAm ZHES BRJOD PAS, RLUNG G-YOS PAS ME'I DKYIL 'KHOR LAS ME SBAR, BHR'Um BHR'Um BHR'Um ZHES BRJOD PAS 'OG TU ME 'BAR BAS SNOD RIN PO CHE'I SNOD DU ZHU, KHAm KHAm KHAm ZHES BRJOD PAS ME 'BAR BAS SNOD DROS PAS RDZAS RNAMS ZHU BAS, BDUD RTZI'I
, ,RGYA MTSOR 'KHYIL, DE NAS AOm ZHES BRJOD PAS SNOD KYI NANG DAM TSIG GI BDUD RTZI DE SKU'I BDUD RTZIR GYUR, A'A:ZHES BRJOD PAS GSUNG GI BDUD RTZIR GYUR, H'Um ZHES BRJOD PAS THUGS KYI BDUD RTZIR GYUR, DE NAS YANG RAm ZHES BRJOD PAS DAM TSIG GI BDUD RTZI'I NYES PA RNAMS BSREGS, YAm GIS GTOR, KHAm GIS BKRUS NAS DE NAS SKU GSUNG THUGS DBYER MI PHYED PA'I BDUD RTZIR GYUR BA'O, ,DE NAS SRUNG BA CHEN PO'I SNGAGS KYIS BGEGS BSKRAD, DE NAS BADZRA ZHES BRJOD PAS ZLA PHYED RDO RJE LAS YE SHES KYI BDUD RTZI BABS TE, RNAM PAR DAG PA'I BDUD RTZI CHEN PO'I RGYA MTSO CHEN POR GYUR TE, DE NAS AOm BA LIm BHU DZA BHAKshA BHAKshA AI DAm KHA KHA KH'A HI KH'A HI, AOm AA K'A RO MU KHAm SARBA DHARM'An'Am A'ADYA NUTPANNA, TV'AD AOm A'A:H'Um PHAt SV'A H'A ZHES PAS GZUGS MED PA RNAMS LA YID BZHIN NOR BUS DBUL, GZUGS KHAMS RNAMS LA DPAG BSAM GYI SHING 'DOD PA RNAMS LA RANG RANG JI LTAR BSAMS PA BZHIN DU THOB PAR MOS PAR BYA'O, ,DE NAS TSIGS BCAD KYANG 'DI SKAD CES BRJOD DO, ,RANG BZHIN RNAM PAR DAG PA'I GTOR MA 'DIS, ,DKON MCHOG MCHOD GNAS BLA MA'I ZHING GYUR DANG, ,GZUGS MED GZUGS DANG 'DOD PAS BSDUS PA YI, ,MGON BTZUN GROGS BYED CHOS SKYONG SRUNG MA DANG, ,RANG BZHIN YON TAN LDAN PA'I RIGS RNAMS DANG, ,LAN CHAGS 'DOD PA'I SEMS DANG LDAN PA DANG, ,GNOD BYED 'PHRAL GYI RKYEN DU BYED LA BSNGO, ,LAN CHAGS DANG BRAL BAR BYED PA GTOR MA'I LAS DPAG BSAM GYI SDONG PO ZHES BYA BA, SLOB DPON YE SHES RDO RJES MDZAD PA RDZOGS SO,,