,,RGYA GAR SKAD DU, BHIKsh'A PRA RE DZU S'U TRA N'A MA, BOD SKAD DU, DGE SLONG LA RAB TU GCES PA'I MDO ZHES BYA BA, THAMS CAD MKHYEN PA LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD KYI GRONG KHYER CHEN PO PADMA RGYAS PA ZHES BYA BA'I GTZUG LAG KHANG NA BZHUGS TE, DE NA DGE SLONG GI DGE 'DUN 'KHOR STONG PHRAG PHYED DANG BCU GSUM DANG THABS GCIG GO ,DE NAS DE'I TSE BCOM LDAN 'DAS KYI 'KHOR 'DUS PA DE'I NANG NA 'PHAGS PA NYE BAR 'KHOR ZHES BYA BA DBANG PO DUL BA, THOS PA DANG LDAN PA, SHES RAB ZAB PA, BCOM LDAN 'DAS KYIS LEGS PAR GSUNGS PA'I CHOS 'DUL BA LA LHAG PAR MOS SHING MCHOG TU 'DZIN PAR GNAS PA RANG GI STAN LAS LANGS TE, BLA GOS PHRAG PA GCIG TU GZAR
, ,TE; PUS MO G-YAS PA'I LHA NGA SA LA BTZUGS NAS LAG PA GNYIS KYI THAL MO SNYING GAR SBYAR BA BYAS TE, 'DZUM DMUL NAS BCOM LDAN 'DAS LA 'DI SKAD CES GSOL TO, ,'KHOR BA'I 'DAM NAS PADMA LTAR BYUNG BA'I, ,SKYOB MDZAD RI BO LTA BUR MI BSKYOD THUB PA'I SKU, ,DPE BYAD RGYAN GYIS BRGYAN CING MTSAN GYI ME TOG MDZES, , BLTA BAS MI NGOMS RAB MCHOG KHYOD LA PHYAG 'TSAL LO, ,KHYOD KYIS BDAG CAG 'DIR 'DUS 'DI DAG LA, ,DGE SLONG 'BA' ZHIG GNAS PAS DGE SLONG GI ,NGO BO DBYE DANG SGRA 'JUG CHED BYA BA, ,BZHI PO 'DI DAG THUB PAS GSUNG DU GSOL, ,DE NAS BCOM LDAN BDE GSHEGS RAB DGYES TE, ,NYE BAR 'KHOR LA SPYAN GZIGS 'DI SKAD GSUNGS, ,LEGS PAR NYON CIG BU KHYOD NYE BAR 'KHOR, ,NGAS NI KHYOD KYIS SEMS RANGS BYA PHYIR DANG, ,DGE SLONG RNAMS LA PHAN PHYIR DE BSHAD DO, ,DGE SLONG ZHES BYA CHOS KYI RGYAL MTSAN TE, ,DGE SLONG ZHES BYA RDO RJE SROG SHING YIN, ,DGE SLONG ZHES BYA SDUG BSNGAL SPANGS PA STE, ,DGE SLONG ZHES PA RGYAL BA'I SRAS PO YIN, ,DGE SLONG ZHES BYA NYON MONGS SROG BCAD DE, ,DGE SLONG ZHES BYA THAR PA'I TSAL 'GRO'O, ,DGE SLONG RANG GI NGO BO BSNGAMS PA STE, ,RTZA BA BZHI SOGS NYIS BRGYA LNGA BCU PA, ,CHED DU BYA BA RNAM DAG TSUL KHRIMS YIN, ,DBYE BA MING GI DGE SLONG GANG
YIN DANG, ,RTAGS TZAM 'DZIN DANG YANG DAG DGE SLONG STE, ,SGRA 'JUG RNAM PAR ZAD PHYIR DANG, ,DGE BA SLONG DANG ZAS SLONG DANG, ,ZHI BAR GNAS DANG LAM ZHUGS DANG, ,LEGS PAR 'TSO DANG CHAGS SPANGS DANG, ,YID 'ONG PHYIR NA DGE SLONG NGO, ,DGE SLONG ZHES BYA BRGYAN PA STE, ,RGYAN SPANGS RGYAN GYIS LEGS PAR BRGYAN, ,CHAGS SPANGS CHAGS PA CHEN POS SPYAD; ;BYUG PA KHRUS DANG BZA' BA DANG, ,RGYAN DANG GOS DANG KHA DOG DANG, ,RTA DANG GLANG PO KHYOGS SOGS KYI, ,BZHON PA BLA MED DE YANG BZHON, ,DE DAG 'BYOR PA DGE SLONG STE, ,DE DAG MI 'BYOR DGE SLONG MIN, ,DE NAS NYE BAR 'KHOR DE YIS, ,BCOM LDAN 'DAS LA 'DI SKAD GSOL, ,CI DE BDE BAR GSHEGS PA YIS, ,SKAD BYINGS RTOGS PAR DKA' BA GSUNGS,, DE NYID BDE BAR GSHEGS PA YIS, ,TSIG GI MUN PA TSIG GI NI, ,MAR MES GSAL BAR MDZAD DU GSOL, ,BCOM LDAN 'DAS KYIS BKA' STZAL PA, ,GSER LA SOGS PA 'JIG RTEN RGYAN, ,RAB TU SPANGS PAS SNYING RJE YI, ,RGYAN GYIS MCHOG GIS BRGYAN PAR BYA, ,'JIG RTEN MA YIN BSLAB PA YI, ,GOS GYON GOS MCHOG BZANG PO YIN, ,GA BUR LA SOGS MA YIN PA'I, ,TSUL KHRIMS BYUG PA MCHOG GIS BYUGS, ,DKAR DMAR LA SOGS MA YIN PA'I, ,DAD PA'I KHA DOG RNAM PAR MDZES, ,'JIG RTEN MA YIN BRTZON
, ,'GRUS KYI, ,BZHON PA BLA MED MGYOGS PA'I MCHOG ,BSAM GTAN CHOS SPYOD ZAS MCHOG NI, ,'BRAS CHAN PAS NI RO MCHOG LDAN, ,DGE 'DUN TSOGS KYI GZHAL YAS KHANG, ,ZHI GNAS STAN LA RAB TU SPYAD, ,DE DAG LDAN ZHING PHYIR MI LDOG ,DE NI YANG DAG DGE SLONG YIN, ,GTZO BO GSUM DANG 'KHOR LNGAR LDAN, ,DRANG SRONG SNOD BCAS 'KHAR GSIL LDAN, ,LUS NGAG YID GSUM RNAM PAR BSDAMS, ,RANG GI SPYOD PA BRTUL ZHUGS BSTAN, ,DE YANG YANG DAG DGE SLONG YIN, ,DE GNYIS THAR PA'I GRONG KHYER LA, ,BSNYEN PAS THAR PA'I BDE BA'I MCHOG ,YANG DAG MA YIN GCIG SHOS NI, ,LHUNG BZED LA SOGS RAB 'BAR BAS, ,DMYAL BAR KHRO CHU LTA BUR NI, ,BSKAL PA STONG PHRAG BZHI RU 'TSED, ,LA LA'I TSUL KHRIMS BDE BA STE, ,LA LA'I TSUL KHRIMS SDUG BSNGAL RGYU, ,TSUL KHRIMS LDAN PA BDE BA'I MCHOG ,TSUL KHRIMS 'CHAL PA SDUG BSNGAL YIN; ;SHIN TU LEGS PAR TSUL KHRIMS GANG, ,BSDAMS PAS MI DE MDZES PA'I GZUGS, ,'DUL BA LA NI NYE BAR GNAS, ,TSUL KHRIMS BSLAB PA RANG YID CHES, ,MI DE NYI MA GCIG LA YANG, ,BSOD NAMS PHUNG PO DPAG MED PA, ,GSOD CING SANGS RGYAS 'BRAS BU SKRUN, ,RANG GIS RANG LA BSLUS 'DEBS SHING, ,BSLAB PA LA NI MI GNAS SHING,,
BDE BAR GSHEGS PA'I RGYAL MTSAN 'DZIN, ,GZUGS TZAM LA NI BRTEN NAS SU, ,NGA NI DGE SLONG YIN ZER BA, ,GLANG SMYON SNA RAL BTAGS PA'AM, ,SBRUM MA SGYUR RTZI 'THUNGS PA LTAR, , MI DE NYI MA GCIG LA YANG, ,SDIG PA'I SA BON DPAG MED DANG, ,RANG LA GNOD PA SNA TSOGS LA, ,BYED PAR 'GYUR BA KHO NA YIN, ,GANG ZHIG BSLAB LA MI GNAS SHING, ,BDER GSHEGS RGYAL MTSAN 'DZIN PA BAS, ,BSLAB PA MI GNAS SKAD CIG LA, ,GZUGS POR KHYIM PAR GNAS PA BZANG, ,BSLAB PA MI GNAS RTAGS 'DZIN PA, ,'JIG RTEN PA NI THAMS CAD KYI, , SNYING DU SDUG PAR MI 'GYUR ZHING, ,KUN GYI TSIG GI NGAN SNOD LA, ,DPER NA SDONG PO BZANG PO LA, ,YUN RING YAL GA 'KHRUNG PA BZHIN, ,MI DE RTAGS TZAM YUN RING NA, ,KHA NA MA THO'I GTAM 'BEL DANG, ,SDIG PA'I LAS RNAMS 'PHEL BAR BSHAD, ,TSUL KHRIMS 'DI NI BDE BA'I MCHOG ,TSUL KHRIMS 'DI NI THAR PA'I LAM, ,TSUL KHRIMS 'DI NI YON TAN ZHING; ;TSUL KHRIMS 'DI NI SANGS RGYAS RGYU, ,TSUL KHRIMS 'DI NI RAB MCHOG YIN, ,MIG GI 'BRAS BU BZHIN DU SRUNGS, ,SROG LA BAB KYANG TSUL KHRIMS NI, ,GTONG BA MI MKHAS BLUN PO YIN, ,SROG CHAD PHYI MAR SKYE BA STE, ,TSUL KHRIMS PHYI NAS DE LTAR MIN, ,DE BAS NYE BAR 'KHOR SOGS KYIS, ,'DI NYID LA NI BRTAN PAR ZUNGS, ,DE SKAD CES BCOM LDAN 'DAS KYIS
, ,BKA' STZAL TO, NYE BAR 'KHOR LA SOGS PA DGE SLONG DE DAG BCOM LDAN 'DAS KYIS GSUNGS PA LA MNGON PAR BSTOD DO, ,DGE SLONG LA RAB TU GCES PA'I MDO ZHES BYA BA RDZOGS SO,,