, ,DPAL RDO RJE RNAM PAR 'JOMS PA LA PHYAG 'TSAL LO, ,DE LTAR SDIG PA SBYANGS PAR BYAS NAS, LHAG MA'I RUS PA LA TSA TSA 'DEBS PAR 'DOD PAS, SGRUB PA PO DAM TSIG DANG LDAN PAS, DANG PO STONG PA NYID KYI NGANG NAS RAm ZHES YONGS SU GYUR PA LAS, SA'I NYES PA'I SKYON RNAMS YE SHES KYI MES SBYANG, DE NAS BAm YONGS SU GYUR PA LA LAS YE SHES KYI CHU RGYUN DBAB, DE NAS YAm ZHES GYUR PA LAS, YE SHES KYI RLUNG GIS BSKYOD, SAm ZHES PA GYUR PA LAS, YE SHES BZHI 'DUS PA'I SAR DMIGS LA SKABS DER BDUN RNAM PAR DAG PA'I LAS BYA'O, ,TSOGS RDZOGS PAR BYAS LA 'BI 'BI BYA BA'I SNGAGS NI, AOm MA H'A BA LE BE GA RA nA H'Um ZHES BRJOD CING, YE SHES KYI GZHAL YAS KHANG GI RGYUR BYIN GYIS BRLAB BO, ,DE NAS TSA TSA GDAB PA NI SNYING PO RGYAS BSDUS GANG LA MOS PA BZLAS SHING GDAB BO, ,DE NI SA LA 'DEBS PA'I LUGS SO, ,DE ME LA 'DEBS NA RAm GYI SA BON LAS BSKYED LA, CHU LA BAm, RLUNG LA YAm, NAM MKHA' LA AA LAS MCHOD RTEN DU BSKYED DO, ,MCHOD RTEN DE DAG KYANG SA LA KHA DOG SER PO, CHU DKAR PO, ME DMAR PO, RLUNG LJANG GU, NAM MKHA' MTHING GAR DMIGS SO, ,DE LTAR BTAB LA YE SHES KYI MCHOD RTEN SPYAN DRANGS LA GNYIS SU MED PAR BSTIM MO, ,DE NAS BSKAL PA JI SRID GNAS PA'I YUN LA RIGS LNGA'I MCHOD RTEN DU DMIGS LA, RAB TU GNAS PA BYAS LA MCHOD PA LNGA PHUL LA BZHUGS SU GSOL BA'AM, YANG NA CHU BO CHEN PO LA BSKUR RO, ,MCHOD RTEN GDAB PA SHI BA'I SDIG PA BYANG BAR BYED PA, RANG BYUNG 'JIGS BRAL ZHES BYA BA, DPAL MAR ME MDZAD KYIS MDZAD PA RDZOGS SO,,