, ,DPAL RDO RJE RNAM PAR 'JOMS PA LA PHYAG 'TSAL LO, ,RNA BA'I DBANG PO NYAMS SHING RNA BA GSO BAR 'DOD PA'I SGRUB BA PO DAM TSIG DANG LDAN PAS, ZHAG GSUM SMYUNG BAR GNAS SHING GOS GSAR PA GYON LA KHRUS KYI CHO GA BRGYA RTZA BRGYAD BYAS LA, DE'I RJES LA BDAG NYID RDO RJE RNAM BAR 'JOMS BSKU MDOG LJANG GUR DMIGS LA BDAG NYID KYI SNYING GA'I SA BON LAS 'OD 'PHROS PAS 'PHAGS PA MCHOD SEMS CAN GYI DON BYAS PAS, PHRIN LAS BZHI'I 'DOD PA RNAMS YONGS SU RDZOGS PAR BYAS PAS, DE NAS YANG 'OD 'PHROS PAS SNGAR DANG 'DRA, DE NAS 'OD 'PHROS PAS SGRA'I LHA MO GRANGS MED PA 'PHROS TE, DE DAG RE RE LAS KYANG SPRUL BA'I LHA MO DPAG TU MED PA 'PHROS TE, SNANG BA THAMS CAD SGRA'I LHA MO ZHAL NAS SGRA SNYAN PA SNA TSOGS PA BRJOD PAS, PHYAG NA SGRA SNYAN PA'I BYUNG KHUNGS BI WANG DANG, GLING BU DANG, RDZA RNGA LA SOGS PA RNAM PA SNA TSOGS PA BSNAMS SHING DE NYID KYI SGRAS SANGS RGYAS KYI ZHING KHAMS THAMS CAD DU MCHOD PA'I BYE BRAG SPRIN RNAM PAR BYED PA SANGS RGYAS DANG BYANG CHUB SEMS DPA' RNAMS MCHOD NAS, SLAR YE SHES KYI 'OD PHUNG CHEN PO GCIG TU GYUR NAS, BDAG NYID LA BSKOR BA LAN GSUM BYAS NAS BDAG GI SNYING GA'I SA BON LA THIM NAS, DE NYID THIM PAS LUS NGAG KHRO BO RDO RJE RNAM 'JOMS KYI NGA RGYAL DU DMIGS LA, TSOGS RDZOGS PAR BYA, DE NAS YANG 'OD 'PHROS PAS LHA MO DE DAG GIS GONG LTAR SEMS CAN GYI DON BYAS NAS, YANG YE SHES KYI 'OD PHUNG PO CHEN PO GCIG TU GYUR NAS, BDAG GI SNYING GA'I SA BON LA BSTIM PA SNGA MA DANG 'DRA'O, ,DE NAS LAN GCIG 'PHROS NAS DON GNYIS RDZOGS PAR BYAS NAS BDAG GI RNA BA LA THIM PAS SANGS RGYAS THAMS CAD KYI SNYAN RNAM PAR DAG PA DRI MA MED CING 'OD GSAL BA YE SHES KYI MKHYEN PA RDZOGS PAR DMIGS SHING SNYING PO RGYAS BSDUS CI RIGS PAR BZLAS SO, ,RNA BA NA BA RNAMS LA KHUG CHOS CHEN PO'I PHYE MA DANG, RTZI MAR LA BZLAS TE BLUGS, 'ON ZHING SGRA MI THOS BA RNAMS LA 'BRU MAR DANG RU RTA LA BZLAS TE BYUG GO, ,ZUG CHE ZHING GZER BA RNAMS LA MAR SNA TSOGS DANG SBRANG RTZI LA BZLAS
LA RTZA RNAMS LA BYUGS TE NYI MA LA SREG GO, ,RNA BA'I DBANG PO NYAMS PA DANG DE'I NAD GSO BA'I CHO GA ,SGRA LAS RNAM PAR RGYAL BA ZHES BYA BA SLOB DPON YE SHES RDO RJES MDZAD PA RDZOGS SO,,